ءبىلىم • 04 ءساۋىر، 2020

قاشىقتان وقۋ: تەلەارنا تەرەڭ ءبىلىم بەرە مە؟

101 رەتكورسەتىلدى

الماتى وبلىسىنىڭ مەكتەپتەرى قاشىقتان ءبىلىم بەرۋگە دايىن ەكەنىن بۇعان دەيىن حابارلاعانبىز. باستاپقىدا مۇعالىم مەن وقۋشى اراسىن ونلاين بايلانىس ارقىلى جالعاۋ جوسپارلانعانىمەن، وڭىردەگى شالعاي اۋىلداردىڭ عالامتورعا قوسىلا الماۋىنان بۇل مۇمكىن بولمادى.

ەندى وبلىستىڭ بارلىق وقۋشىلارى تەلەارنالار ارقىلى وقىپ، كەرى بايلانىس ءۇشىن kundelik.kz اقپاراتتىق جۇيەسىن قولدانباق. ال ينتەرنەت بايلانىسى جوق اۋىلداردا بۇل قىزمەتتى پوشتاشى مەن ەرىكتىلەر اتقارادى. سونداي-اق، ايماقتاعى ەرەكشە جاعدايدا ءبىلىم بەرەتىن ارنايى مەكتەپتەر مەن ينتەرناتتارداعى ءبىلىم بەرۋ بارىسىنا دا وزگەرىس ەنگىزىلدى.

- وبلىس بويىنشا 173 وقۋشى تاپسىرمالاردى قاعاز فورماتىندا الاتىن بولادى. ەرەكشە ءبىلىم بەرۋدى قاجەت ەتەتىن بالالارعا دا جەتە كوڭىل بولىنۋدە. وبلىستا 7 انايى ينتەرنات بار، ونىڭ بىرەۋى ەستۋ قابىلەتى ناشار بالالارعا ارنالعان، تاعى ءبىرى كورۋ قابىلەتى ناشارلارعان بالالااردى وقىتادى جانە 5 ينتەرناتتا ينتەللەكتىندە اۋىتقۋشىلىعى بار بالالار ءبىڭلىم الادى. جالپى وقۋشى سانى – 935 بالا. بۇل ارنايى مەكتەپتەردىڭ التاۋى قاشىقتان وقىتۋعا كوشەدى، تەك جاركەنت قالاسىنداعى جەتىم جانە اتا-انا قامقورلىعىنسىز قالعان ءارى ينتەللەكتىندە اۋىتقۋشىلىعى بار بالالار ارنالعان ارنايى مەكتەپ- ينتەرناتتىڭ 35 بالاسى شتاتتىق تارتىپتە وقىتىلادى، - دەيدى الماتى وبلىستىق ءبىلىم باسقارماسىنىڭ باسشىسى مايگۇل وماروۆا.

ايتپاقشى، وبلىستا 41 397 پەداگوگ قىزمەت ىستەيدى ەكەن. بۇگىندە مۇعالىمدەر كومپپيۋتەرلىك تەحنيكامەن 100 پايىز قامتىلعان. ولاردىڭ وقۋشىلارمەن كەرى بايلانىس ورناتۋى ءۇشىن ينتەرنەتكە قول جەتىمدىلىگى 95 پايىزعا جەتتى. ال عالامتور جەلىسى جوق ەلدى مەكەندەردە تۇراتىن 2258 مۇعالىم كۋرەرلەر مەن ۆولونتەرلاردىڭ كومەگىمەن جۇمىس جاساماق.

- ءبىز ەلىمىزدە كارانتين ەنگىزىلىپ، مەكتەپ وقۋشىلارى قاشىقتان وقيتىنى انىق بولعان كۇننەن باستاپ قارقىندى دايىندىعىمىزدى باستاپ كەتتىك. ۇجىم بولىپ العاش رەت WhatsApp جەلىسى ارقىلى پەداگوگيكالىق كەڭەسىمىزدى وتكىزدىك. ءار مۇعالىم تىعىرىقتان شىعار جولدى ىزدەپ، ءوز تاجىريبەلەرىمەن ءبولىسۋ ءۇشىن تاپسىرمالار الدى. «كەمەدەگىنىڭ جانى ءبىر» دەمەكشى، زاماناۋي تەحنيكانى مەڭگەرگەن جاس بۋىن اعا بۋىن ۇستازدارعا ءوز تاجىريبەلەرىن ءبولىسىپ، مۇمكىندىگىنشە ۇيرەتۋگە تىرىستى. ناتيجەسىندە مەكتەبىمىزدىڭ مۇعالىمدەرى 6 ساۋىردەگى ساباقتارىنا ارناپ جازعان ۆيدەو ساباقتارىمەن قورجىندارىن قامداپ وتىر. جالپى العاندا، مۇعالىمدەر قاشان دا ىزدەنىمپاز، كونبىس بولعاندىقتان، بۇل قيىندىقتى ەڭسەرۋگە بەيىمدەلىپ قالدى. كەمشىلىكتەر مەن جەتىسپەۋشىلىكتەر دە جوق ەمەس. مىسالى، ەلىمىزدەگى ينتەرنەت ماسەلەسىنىڭ كۇرمەۋى تولىق شەشىلمەي تۇر. مۇعالىم دايىنداعان ۆيدەو ساباعىن وقۋشىعا جەتكىزۋ ءبىرشاما اۋىرتپالىق تۇسىرۋدە. بىراق، اۋدان بۇل ماسەلەنى ساباق باستالعانعا دەيىن تولىقتاي شەشەمىز دەپ وتىر، - دەيدى تالعار اۋدانى كەڭدالا اۋىلىنداعى 38-مەكتەپتىڭ مۇعالىمى عابيت دايىنوۆ.

 

 

الماتى وبلىسى

 

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار