ايماقتار • 04 ءساۋىر، 2020

كوروناۆيرۋس: ىندەت جۇقتىرعان قانشا پاۆلودارلىق بار ەكەنى بەلگىسىز

90 رەتكورسەتىلدى

وبلىس ورتالىعىنىڭ ءاۋجايىنا كەلىپ قونعان ۇشاق – چارتەرلىك رەيس. تازالىق جۇمىستارىنان كەيىن بىردەن كەرى قايتقان.

ال  الەۋمەتتىك جەلىلەردە ۇشاقتىڭ پاۆلودارعا قونعانىنا قارسىلىق بىلدىرگەن پىكىرلەر دە شىقتى.

- كەلگەندەر-ەلىمىزدىڭ ازاماتتارى.ولارعا قولداۋ ءبىلدىرۋ كەرەكپىز. مەملەكەت باسشىسى ايتقانداي، ەلىمىزدىڭ ءار ازاماتى ءبىز ءۇشىن ماڭىزدى، - دەدى وبلىستىق دەنساۋلىق ساقتاۋ باسقارماسى باستىعىنىڭ مىندەتىن اتقارۋشى  ءبىرجان دوسمايلوۆ.

ال ۇشىپ كەلگەندەردىڭ تەمپەراتۋراسىن ولشەپ، كوروناۆيرۋس بەلگىلەرىنە تەكسەردى. سىرت كيىمدەرىنە دەزينفەكتسيا جاسالعاننان سوڭ اۆتوبۋستارمەن كارانتين ورنىنا جەتكىزىلگەن.

ولاردىڭ جۇكتەرىنە دە تازارتۋ جۇمىستارى جۇرگىزىلگەن. بۇل جايىندا باق وكىلدەرىمەن بولعان ءباسپاسوز جيىنىندا وبلىستىق دەنساۋلىق ساقتاۋ باسقارماسى باسشىسىنىڭ م.ا. ءبىرجان دوسمايلوۆ مالىمدەدى.

- ۇشىپ كەلگەن 120 ادامنىڭ اراسىندا بالالار دا بار. بارلىعى كارانتينگە جاتقىزىلادى، - دەدى ءبىرجان دوسمايلوۆ. – قازىر جولاۋشىلاردىڭ قاي جەردەن ەكەندەرى انىقتالۋدا. قانشا پاۆلودارلىق بار ەكەنى دە بەلگىسىز.

باسقارما باسشىسىنىڭ ايتۋىنشا، ۇشىپ كەلگەن ء ار ادامعا 1 تاۋلىك ىشىندە مەديتسينالىق ساراپتاما جاسالادى. ناتيجەسىنە قاراي قانشا كۇنگە كارانتينگە جاتقىزىلاتىنى انىقتالادى.

- ەلىمىزدىڭ باس سانيتارلىق دارىگەرىنىڭ بۇيرىعى بار. سول الگوريتمگە سايكەس ارەكەت ەتەمىز. ەگەر COVID–19 انىقتالعان بولسا، پاتسيەنتتى بىردەن ينفەكتسيالىق ستاتسيونارعا جەتكىزىپ، بوكسقا وقشاۋلايدى، - دەيدى ءبىرجان دوسمايلوۆ.

ال جولاۋشىلار ۇشاقتان تۇسكەن ساتتەن باستاپ، كارانتين ورنىنا جەتكىزىلگەنگە دەيىنگى جۇمىستارعا تاجىريبەدەن وتكەن ارنايى ماماندار جۇمىلدىرىلعان.

– جۇرگىزۋشىلەردەن باستاپ بارلىق قاتىسقان ادامدار نورماعا ساي كيىندى. ساقتىق شارالارىن قولداندى، - دەيدى ول.

 

 پاۆلودار

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار