ايماقتار • 04 ءساۋىر، 2020

103 قىزمەتىنىڭ 103-بريگاداسى: فەلدشەر باحاۋدۋن

202 رەتكورسەتىلدى

مەملەكەت باسشىسى قاسىم-جومارت توقاەۆتىڭ تاپسىرماسى بويىنشا وتاندىق مەديتسينا قىزمەتكەرلەرىنىڭ ەڭبەگىن باعالاۋدىڭ جاڭا جۇيەسى ىسكە قوسىلىپ جاتىر. بۇل باعىتتا جۇقپالى ىندەتپەن كۇرەس كەزەڭىندە دارىگەرلەردىڭ تابىسى قايتا ەسەپتەلىپ، قاۋىپ-قاتەر ساتىسىنا بايلانىستى جەكەلەگەن سىياقى بەلگىلەنبەك. 

مىسالى، ەندى «قاۋىپتىلىگى اسا جوعارى» ساناتىنا جاتاتىن رەانيماتسيا بولىمشەلەرى مەن ينفەكتسيالىق ستاتسيونارلاردا جۇمىس ىستەيتىن دارىگەرلەر مەن ورتا جانە كىشى مەديتسينا قىزمەتكەرلەرىنىڭ ەڭبەكاقىسىنا 20 ەسە ۇستەمە اقى تولەنەدى. ياعني، مەديتسينا قىزمەتكەرىنىڭ ايلىق تابىسى 850 000 تەڭگەگە دەيىن جەتەدى. ال «قاۋىپتىلىگى جوعارى» ساناتقا كىرەتىن پروۆيزورلىق ستاتسيونارلار مەن جەدەل جاردەم دارىگەرلەرى مەن ورتا جانە كىشى مەديتسينا قىزمەتكەرلەرىنە تولەنەتىن ۇستەمە اقى 10 ورتاشا ايلىق تابىس كولەمىندە بەلگىلەنىپ، ولارعا بەرىلەتىن ەڭبەك اقى 425 000 تەڭگە شاماسىندا بولماق. سونداي-اق، «قاۋىپتىلىگى ورتاشا» ساناتتاعى كارانتيندىك ستاتسيونار دارىگەرلەرى مەن ورتا، كىشى مەديتسينا قىزمەتكەرلەرى، سانيتار –دارىگەرلەر، مەملەكەتتىك قىزمەتشىلەر مەن جەدەل جاردەم كولىگىنڭ جۇرگىزۋشىلەرىنە دە 5 ەسە ۇستەمە تولەنىپ، ايلىق تابىستارى 212،5 000 تەڭگەنى قۇراماق.

جەتىسۋدا دا جۇقپالى ىندەتپەن كۇرەسۋگە جۇمىلعان دارىگەرلەر ەڭبەگىن باعالاۋدىڭ جاڭا شاراسى جاسالدى. وسى ماقساتتا جۇمسالاتىن قارجى كوزىن ەسەپتەۋ الماتى وبلىسىندا دا جۇرگىزىلۋدە. وڭىردەگى  دارىگەرلەر مەن ءتارتىپ ساقشىلارىن قارجىلاي قولداۋ ءۇشىن وبلىستىق بيۋدجەتتەن 137 ملن تەڭگە بولىنەدى. الايدا، اق جەلەڭدى ابزال جاندار ءوز جۇمىستارى ءۇشىن ارتىق اقى تالاپ ەتىپ، كاسىبي پارىزدارىن بۇلداعان ەمەس. اسىرەسە، اۋىلدىق جەردەگى دارىگەرلەر ۋاقىتپەن ساناسپاي ەڭبەك ەتۋدە. ونىڭ ءبىر مىسالىن اۋداندارداعى «جەدەل جاردەم» ستانساسىنىڭ جۇمىسىنان بايقاۋعا بولادى.

ەڭبەكشىقازاق اۋدانى شەلەك اۋىلى  اۋرۋحاناسىنا قاراستى جەدەل جاردەم قىزمەتىنىڭ فەلدشەرى باحاۋدۋن تۇرعان دا ءوزى ىسىنە ادال بەرىلگەن جان. جاس تا بولسا جاۋاپكەرشىلىگى جوعارى دارىگەرلىك قىزمەتتىڭ پارىزىن تەرەڭ ۇعىنادى. باحاۋدۋن وسى توپىراقتا تۋىپ، وسكەن. مەكتەپتەن كەيىن شەلەك مەديتسينا كوللەدجىنە وقۋعا ءتۇسىپ، ونىڭ «ەمدەۋ ءىسى» ءبولىمىن ءتامامدادى. فەلدشەر ديپلومىن العاسىن قالاعا، ۇلكەن ورتا ىزدەپ الماتىعا كەتكەن. مەگاپوليستەگى 12-كلينيكالىق اۋرۋحانادا، 4-اۋرۋحانانىڭ جەدەل كومەك بولىمىندە مەدباۋىر بولىپ ەڭبەك ەتتى. سوسىن، تۋعان جەرى – شەلەككە ورالدى. قازىر اۋداندىق اۋرۋحاناعا قاراستى جەدەل جاردەم قىزمەتىنىڭ 103 بريگاداسىندا فەلدشەر.

- كوروناۆيرۋس ينفەكتسياسىنىڭ تارالۋى ءبىزدىڭ جۇمىسىمىزعا قوسىمشا سالماق ءتۇسىرىپ جاتقانى راس. بىراق، ءوز مىندەتىمىزدى مۇلتىكسىز اتقارا بەرەمىز. وكىنىشكە قاراي، ىندەت جۇقتىرعان ادام اۋدان اۋماعىنان انىقتالدى. قازىر عانا شاقىرۋدان ورالدىق. تۇرعىن ءوزىن جايسىز سەزىنگەن ەكەن، جەدەل بارىپ، قىزۋىن، قان قىسىمىن ولشەپ، كومەك كورسەتتىك. ادامدار دۇربەلەڭ جاساماي، كارانتين تالاپتارىن ساقتاسا ەكەن. ۇيدە وتىرۋ – ىندەت تارالۋىنىڭ الدى نالاتىن بىردەن ءبىر جول. ناۋقاستارعا وسىن ءتۇسىنىدىرىپ جاتىرمىز، - دەيدى 103- بريگادا فەلدشەرى باحاۋدۋن تۇرعان.

 

 

الماتى وبلىسى

 

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار