ايماقتار • 04 ءساۋىر، 2020

قاراعاندى: جەدەل ورتالىقتىڭ جۇمىسى قىزىپ تۇر

70 رەتكورسەتىلدى

قاراعاندى وبلىسىندا توتەنشە جاعداي جانە كارانتين كەزىندەگى وڭىردىڭ جاعدايى تۋرالى بارلىق اقپارات توعىستىرىلاتىن «جەدەل ارەكەت ەتۋ ورتالىعى» قۇرىلعانىن وتكەن جولى حابارلاعان بولاتىنبىز. 

بۇگىنگى كۇندە بۇل جاڭا قۇرىلىمنىڭ جۇمىسى قىز-قىز قايناپ تۇر. كەيىنگى ءبىر تاۋلىكتىڭ وزىندە جەدەل ورتالىقتىڭ جەلىسىن مىڭنان استام تەلەفون قوڭىراۋى كەرنەگەن. وبلىس تۇرعىندارىنان كەلىپ تۇسكەن بۇل قوڭىراۋلاردى سارالار بولساق، مىناداي جاعدايات كوز الدىنا جايىلادى. تۇرعىندار كوبىنە ءۇش جاعداي تۋرالى سۇراپ-بىلۋگە تىرىسادى ەكەن: ولار – كوروناۆيرۋس بويىنشا قازىرگى احۋال، الەۋمەتتىك قولداۋ ءىس-شارالارىنىڭ جاي-جاپسارى جانە كارانتين اۋماعىندا دىتتەگەن جەرگە قالاي جەتۋدىڭ جايى.

ورتالىققا باسىنا نەشە ءتۇرلى پروبلەما تۇسكەن تۇرعىندار حابارلاسۋدا. ماسەلەن، ساياجاي قوعامداستىعىنداعى كۇزەتشىلەردىڭ ازىق-ت ۇلىگى تاۋسىلعان، وزدەرى ول جەردەن شىعا الماي وتىر. ال جاس كەزىنەن ارباعا تاڭىلعان مۇگەدەك كارانتيندىك شەكتەۋدىڭ سالدارىنان قاجەتتى ءدارى-دارمەگىنە قول جەتكىزە الماي وتىر ەكەن. مىنە، جەدەل جاردەم ەتۋ ورتالىعى وسى جانە باسقا دا قيىن-قىستاۋ  جاعدايلارعا تاپ بولعان تۇرعىندارعا شاما-شارقىنشا كومەك قولىن سوزىپ  جاتىر.

مىسالى، تەمىرتاۋ قالاسىندا تۇراتىن ءبىر مۇگەدەك جان وزىنە قاجەتتى ءدارى-دارمەكتى تەك قاراعاندىداعى ءدارىحانادان الىپ جۇرگەن. ونىڭ ۇستىنە ول جەردە ءوزى مىندەتتى تۇردە بولۋى كەرەك ەكەن. «وبلىس ورتالىعىنداعى ەمحاناعا تىركەرلەنگەنمىن. تاكسيدى بلوك-بەكەتتەن وتكىزبەيدى. نە ىستەۋ كەرەك؟»، دەپ حابارلاسقان ول. ورتالىق قىزمەتكەرلەرى ماسەلەنى جەدەل تۇردە شەشتى. مۇمكىندىگى شەكتەۋلى جان پوليتسيا قىزمەتكەرلەرى باستاعان كولىكپەن بارىپ، قاجەتتى ءدارى-دارمەگىنە قول جەتكىزدى.

ساياجاي قوعامداستىعىنىڭ بىرىندە ءتورت كۇزەتشى كەزەكتى اۋىسىم بىتسە دە، ءبىر جەتىدەي ۋاقىت ەشقايدا شىعا الماي وتىرعاندارىن، بۇگىندە جەيتىن تاماقتارىنىڭ تاۋسىلعانىن ايتىپ ورتالىققا حابارلاسقان.

بۇل ماسەلە دە وڭ شەشىمىن تاپتى. كۇزەتشىلەرگە ازىق-ت ۇلىك جەتكىزىلىپ، ولاردى تۇرعىلىقتى جەرلەرىنە اپارىپ سالۋ مۇمكىندىگى قاراستىرىلىپ جاتىر.

قاراعاندىداعى «جەدەل ارەكەت ەتۋ ورتالىعى»  كۇن-ءتۇن دەمەي، ءۇزىلىسسىز جۇمىس ىستەيدى. ونى وڭىرلىك جەدەل شتابتىڭ ورتالىعى دەسە دە بولادى. جاڭا قۇرىلىمنىڭ جۇمىسىنا كوروناۆيرۋسپەن كۇرەسكە جۇمىلدىرىلعان بارلىق قۇرىلىمدار مەن قىزمەتتەردىڭ، اتاپ ايتقاندا، پوليتسيا، سانيتارلىق-ەپيدەميولوگيالىق قاۋىپسىزدىك (سەق)، اسكەري، وبلىستىق دەنساۋلىق ساقتاۋ باسقارماسى، وبلىستىق باسقارمالار مەن دەپارتامەنتتەردىڭ قىزمەتكەرلەرى ات سالىسادى. وبلىستا بولىپ جاتقان بارلىق اقپارات وسى ورتالىققا كەلىپ تۇسەدى.

 

 

قاراعاندى وبلىسى

 

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار