رۋحانيات • 02 ءساۋىر، 2020

مۇقتاج جاندارعا كومەكتەسەدى

390 رەت كورسەتىلدى

مەملەكەت باسشىسى قاسىم-جومارت توقاەۆ كوروناۆيرۋس ىندەتىنىڭ تارالۋى سالدارىنان قالىپتاسقان جاعداي­عا بايلانىستى مالىمدەمە جاساپ، بىرقاتار ماڭىزدى شەشىمىن جاريالادى.

ءوز كەزەگىندە قازاقستان پرەزيدەنتى ەلدەگى قابىل­دانىپ وتىرعان قاتاڭ شارا­لاردىڭ ۋاقتىلى ءارى ورىندى ەكەنىن، ەلدە ۆيرۋستىڭ جاپپاي تارالۋىنا جول بەرىل­مەي­تىنىن اتاپ كورسەتتى. سون­داي-اق ول حالىقتىڭ الەۋ­­مەت­تىك جاعدايىنىڭ تومەن­­دەۋىن بول­دىرماۋدىڭ ماڭىز­دىلى­عىنا توقتالىپ، ازاماتتار مەن بيزنەسكە ارنالعان ناقتى كومەكتىڭ قوسىمشا تەتىكتەرىن ۇسىندى.

وسىعان دەيىن داعدارىس­قا قارسى العاشقى شارالار توپتاماسىنا سايكەس جالپى كولەمى 4،4 تريلليون تەڭگەنى نەمەسە 10 ميلليارد دوللار­دى قۇرايتىن قاراجات بولىنگەنىن ايتا كەتۋ كەرەك.

ءسويتىپ مەملەكەت باسشى­سى­نىڭ مالىمدەمەسىنە سايكەس وسى جىلدىڭ 1 ساۋىرىنەن باس­تاپ داعدارىسقا قارسى بىر­قاتار جاڭا شارالار ىسكە قوسى­لادى. وسىعان دەيىن تابى­سى­نان ايىرىلعان ازا­مات­تار­عا ەڭ تومەنگى جالاقى مول­شەرىندە (42500 تگ) قولداۋ كور­سەتىلە باستاعان ەدى. ەندى بۇل كو­مەكتى الاتىندار ساناتى كە­ڭەي­تىلىپ، ءوزىن ءوزى جۇمىس­پەن قام­تىعاندار مەن رەسمي تىركەلمەي جۇمىس ىستەيتىندەر دە وسىنداي كومەك الاتىن بولادى. مۇنداي قولداۋ ءۇش ميلليونعا جۋىق ازاماتتى قامتىماق.

سونداي-اق الەۋمەتتىك قول­داۋ شارالارى شەڭبەرىندە جالپى سانى 800 مىڭنان اس­تام مۇقتاج جانعا، سونىڭ ىشىندە 1،2،3-توپتاعى مۇگە­دەكتەر مەن جۇمىسسىز رەتىندە تىركەلگەن ازاماتتارعا تەگىن ازىق-ت ۇلىك تاراتىلادى. ءوز كەزەگىندە ازاماتتارعا تەگىن مەديتسينالىق كومەك كورسە­تۋ جالعاساتىن بولادى، سەبە­بى مىندەتتى الەۋمەتتىك مەديتسي­نالىق  ساقتاندىرۋ جۇيەسىنە تىركەلمەگەن ازاماتتاردىڭ كومەك الۋ قۇقىعى 1 شىلدەگە دەيىن ۇزارتىلدى.

كارانتين جاعدايىندا حالىقتى جۇمىسپەن قامتۋ ماسەلەسى كۇن تارتىبىندەگى كەزەك كۇتتىرمەس ماسەلە بولىپ وتىر. وسىعان وراي مەملە­كەت باسشىسى رەسپۋبليكالىق ماڭىزى بار قالالاردىڭ جانىنداعى ەلدى مەكەندەردەگى جاستاردى جۇمىسپەن قامتۋ جول كارتاسى شەڭبەرىندە جۇمىسقا ورنالاستىرۋدى تاپسىردى. ولارعا نەگىزگى جالاقىعا قوسا 85 مىڭ تەڭگە كولەمىندە ءبىر رەتتىك كوتەرمە اقى تولەنەدى.

جالپى، مەملەكەت باسشىسى شاعىن جانە ورتا بيزنەستى قولداۋ ماسەلەلەرىنە ەرەكشە كوڭىل ءبولدى. قاسىم-جومارت توقاەۆ ءوز مالىمدەمەسىندە بيزنەس وكىلدەرىنىڭ وسىعان دەيىن ەنگىزگەن ۇسىنىستارى­نا رەت-رەتىمەن جاۋاپ بەرىپ، ەكونوميكالىق احۋالدىڭ ءار­تۇرلى دامۋ باعىتتارىنا ساي مەملەكەتتىڭ ءوز جوسپارى بار ەكەنىن ءبىلدىردى.

بۇل رەتتە، پرەزيدەنت ۇلت­تىق قوردان بولىنەتىن قارا­جاتتىڭ ۇنەمدى جانە ورىندى جۇمسالۋى قاجەتتىگى­نە جەتە نازار اۋداردى. اسا ءىرى كولەمدەگى اقشالاي قارا­جاتتىڭ ماقساتتى جانە ءتيىم­دى جۇمسالۋىن قامتاماسىز ەتۋ مىندەتى رەسپۋبليكالىق بيۋدجەتتىڭ اتقارىلۋىن باقى­لاۋ جونىندەگى ەسەپ كوميتەتىنە جۇكتەلدى. وڭىرلىك تەكسەرۋ كوميسسيالارى مەن قوعامدىق كەڭەستەردى دە وسى جۇمىس­قا تارتۋدىڭ ماڭىزدى ەكە­نىن، بىراق توتەنشە جاعدايدىڭ ەرەكشە شارتتارىن ەسكەرۋ قاجەتتىگىن اتاپ ءوتتى.

 «حالىق ۇنىنە قۇلاق اساتىن مەملەكەت» تۇجىرىمدا­ما­سىن جۇزەگە اسىرۋ ازامات­تار­دىڭ مەملەكەت پەن بيلىك­كە دەگەن سەنىم دارەجەسىنە تىكە­لەي بايلانىستى. بۇل تەك پروبلەمالار جانە ولاردى شەشۋ بويىن­شا قابىلدانعان شا­رالار تۋرالى قوعامدى با­رىن­شا اقپاراتتاندىرۋ ار­­قى­لى ىسكە اسپاق. وسىعان وراي پرە­زيدەنتتىڭ وزەكتى ماسە­لە­لەر­دى شەشۋ جولىندا مەم­لە­كەتتىڭ اشىقتىعى مەن قوعام­مەن سۇحباتقا ازىرلىگىن كورسەتە بىلگەنىن اتاپ وتكەن ءجون.

ءسويتىپ، پرەزيدەنت قانداي كۇردەلى كەزەڭ بولسىن، مەملەكەت تاراپىنان مۇقتاج ازاماتتارعا ءاردايىم كومەك جاسالاتىنىن، ۋاقىتشا قيىن­دىقتى بىرلەسىپ ەڭسەرۋگە بولاتىنىنا سەنىم ءبىلدىردى. وسىن­داي سىن ساعاتتا حالىقتىڭ اۋىزبىرشىلىك تانىتىپ، مەملەكەتكە قولداۋ كورسەتۋى ماڭىز­دى بولماق.

 

ءمادينا بەكتەنوۆا،

قازاقستان ستراتەگيالىق زەرتتەۋلەر ينستيتۋتىنىڭ جەتەكشى عىلىمي قىزمەتكەرى

سوڭعى جاڭالىقتار

ءالتىنساريننىڭ ادامي بولمىسى

رۋحانيات • بۇگىن، 00:01

ۋاقىت جاراتقان ۇلى جىر

ادەبيەت • كەشە

ۇقساس جاڭالىقتار