ايماقتار • 31 ناۋرىز، 2020

شىعىس قازاقستان: 2 ساۋىردەن باستاپ وسكەمەن مەن سەمەي قالالارىنا شەكتەۋ ەنگىزىلەدى

107 رەتكورسەتىلدى

6 ساۋىردەن باستاپ جەكە كولىك قوزعالىسى شەكتەلەدى.

2020 جىلدىڭ 2 ءساۋىرى، ساعات 00.00-دەن باستاپ وسكەمەن مەن سەمەي قالالارىنا قوسىمشا شەكتەۋلەر ەنگىزىلەدى. بۇل تۋرالى وبلىس اكىمى دانيال احمەتوۆ مالىمدەدى. «حالىقتىڭ دەنساۋلىعىن ساقتاۋ جانە كوروناۆيرۋس ينفەكتسياسىنىڭ تارالۋىن تەجەۋ ماقساتىندا مەملەكەتتىك كوميسسيامەن كەلىسە وتىرىپ، وسىنداي شەشىم قابىلدادىق. شىعۋ جانە كىرۋ شەكتەلەدى، 15 باقىلاۋ-وتكىزۋ پۋنكتى قويىلادى. سونىمەن قاتار، ءبىرىنشى قاجەتتىلىكتەگى تاۋارلاردى جەتكىزۋ ءۇشىن "جاسىل ءدالىز" اشىلدى. كولىك قوزعالىسى كۇندىز شەكتەلىپ، تۇندە توقتايدى. تەك قىزمەتتىك كولىكتەرگە رۇقسات بەرىلدى. ءبىر اپتا ىشىندە قوعامدىق كولىك قاتىناسى قىسقارتىلادى. كاسىپورىندار ءوز قىزمەتكەرلەرىن جەكە كەستە بويىنشا جەتكىزەتىن بولادى. 6 ساۋىردەن باستاپ جەكە كولىك قوزعالىسى شەكتەلەدى. كۇنتىزبەنىڭ جۇپ كۇندەرى، كولىك ءنومىرى ءنولدى قوسقاندا، تەك جۇپ سانىنا اياقتالعاندار، ال تاق كۇندەرى، كولىك ءنومىرى تاق سانعا اياقتالعاندار عانا جۇرەدى. سونداي-اق، 6 ساۋىردەن باستاپ، وسكەمەن، سەمەي اۋماعىندا تۇرعىنداردىڭ ءجۇرىس-قوزعالىسى تەك رۇقسات قاعازى ارقىلى جۇزەگە اسادى. ءى ءتۇرى – قالالاردىڭ تىنىس-تىرشىلىگىن قامتاماسىز ەتەتىن ۇيىم قىزمەتكەرلەرى، جۇمىس ىستەيتىن ازاماتتارعا ارنالعان. ءىى ءتۇرى - ءاربىر وتباسىنا بەرىلەدى. ول ارقىلى اپتاسىنا 3 رەت ساۋدا نىساندارىنا، دارىحانالارعا، بانكتەر مەن مەديتسينا مەكەمەلەرىنە بارۋعا بولادى. رۇقسات قاعازىنىڭ جاسىل ءتۇسى - جۇپ كۇنى، اق ءتۇسى - ايدىڭ تەك، تاق كۇندەرى شىعۋعا مۇمكىندىك بەرەدى» دەپ جازدى ايماق ءوزىنىڭ فەيسبۋكتەگى پاراقشاسىندا.
2 ساۋىردەن باستاپ ازىق-ت ۇلىك بولىمدەرىنەن باسقا، ءىرى ساۋدا نىساندارىنىڭ قىزمەتى توقتايدى. مەيرامحانالار، ءدامحانالار، اسحانالار ونلاين تۇردە تاپسىرىس الۋ، جەتكىزۋ رەجيمىنە وتەدى. سۇلۋلىق سالوندارى، ماسساج ورتالىقتارى، ساۋنالار تولىق جابىلادى. «جاسى 70-تەن اسقان جەرلەستەرىمە، ءى، ءىى توپتاعى مۇمكىندىگى شەكتەۋلى جاندارعا، ۇيدەن شىقپاۋلارىن سۇرايمىن. 2 ساۋىردەن باستاپ ازىق-ت ۇلىك، ءدارى-دارمەكتى ۇيلەرىڭىزگە جەتكىزەتىن بولامىز. الەۋمەتتىك ماڭىزى بار ازىق-ت ۇلىك ونىمدەرىنىڭ 19 ءتۇرى، گيگيەنا قۇرالدارىنىڭ 10 ءتۇرى كىرەتىن 4 جيناق جاسالدى. جەتكىزۋ اپتاسىنا 1 رەت تەگىن بولادى. جەڭىس كۇنىنە ارنالعان بىرجولعى تولەمدەردى بەرۋدى باستايمىز. سوعىس ارداگەرلەرىنە 600 000، ماراپاتتالعان تىل ەڭبەككەرلەرىنە 100 000، ال ماراپاتى جوق تىل ەڭبەككەرلەرىنە 42 500 تەڭگە بەرەمىز. قوعامدىق ءتارتىپتى ساقتاۋ شارالارى كۇشەيتىلدى. وسكەمەن 200، سەمەي 202 شارشى اۋماققا ءبولىندى. كوممۋنالدىق جانە بايلانىس قىزمەتتەرى ۇزدىكسىز جۇمىس اتقاراتىن بولادى» دەيدى وبلىس اكىمى.
شىعىس قازاقستان وبلىسى

 

سوڭعى جاڭالىقتار

ەرتەڭ قىزىلوردادا كۇن كۇرت ىسيدى

ايماقتار • بۇگىن، 17:22

اقمولادا 3 ادام سۋعا كەتتى

ايماقتار • بۇگىن، 13:42

ۇقساس جاڭالىقتار