قازاقستان • 31 ناۋرىز، 2020

ا. ايماعامبەتوۆ مەكتەپتى ساعىنعان وقۋشىعا جاۋاپ بەردى

596 رەتكورسەتىلدى

ءبىلىم جانە عىلىم ءمينيسترى اسحات ايماعامبەتوۆ الەۋمەتتىك جەلىدە تاراعان نۇريسلامنىڭ بەينەجازباسىنا جاۋاپ بەردى.  ۆيدەودا ول اناسىنىڭ ساباق تۇسىندىرگەنىنە كوڭىلى تولماي، مەكتەپكە بارعىسى كەلەتىنىن جەتكىزگەن بولاتىن. 

«بالاقايعا مەن وتە ريزامىن سەبەبى مەكتەپكە دەگەن ساعىنىشىن بىزگە جەتكىزىپ جاتىر. وسىنشالىقتى باعالاۋ بىزگە ارينە وتە ماڭىزدى. جالپى ءبىزدىڭ رەسپۋبليكامىزدا وتە كوپ جاقسى مۇعالىمدەر جەتكىلىكتى. سوندىقتان ءبىز ۇستازدارىمىزدى باعالاۋىمىز كەرەك، ولاردىڭ جۇمىسىن ءبىلۋىمىز كەرەك. قازىرگى ۋاقىتتا ەكى جۇما كانيكۋلدىڭ ىشىندە ءبىراز اتا-انالار مۇعالىمدەردىڭ جۇمىسىن قانشالىقتى قيىن ەكەنىن، قانشالىقتى اۋىر ەكەنىن تۇسىنگەن دەپ ويلايمىن. ءوزىمنىڭ جاقىندارىم بويىنشا سونى بۇگىنگى كۇنى مەن ءوزىم كورىپ جاتىرمىن. ەندى ارينە دە نۇريسلامعا ايتاتىنىم قازىرگى ۋاقىتتا بۇل وقۋ پروتسەسسى توقتاتىلمايدى. قازىر كانيكۋل ءجۇرىپ جاتىر، 6-شى ساۋىردەن باستاپ كۇندە ءوزىنىڭ مۇعالىمىمەن، ءوزىنىڭ سىنىپتاستارىمەن كەزدەسىپ، ۆەرتۋالدى كەزدەسۋلەر وتكىزىپ، ساباق ارقاراي جۇرەتىن بولادى. قازىرگى ۋاقىتتا كۇندە قولىن سابىنمەن جۋىپ، اتا-اناسىنىڭ ءتىلىن الىپ، ساباققا جاقسى دايىندالىپ، كىتاپتى كوپ وقىپ، دايىندالۋ كەرەك دەپ ايتقىم كەلەدى» دەدى ا.ايماعامبەتوۆ. 

سوڭعى جاڭالىقتار

ۇقساس جاڭالىقتار