ايماقتار • 31 ناۋرىز، 2020

شىمكەنتتە زالالسىزداندىرۋ جۇمىستارىنا دەمەۋشىلەر دە اتسالىسۋدا

39 رەتكورسەتىلدى

شىمكەنت قالاسى ءال-فارابي اۋدانىندا ورنالاسقان 672 كوپقاباتتى ءۇي، 2 244 كىرەبەرىس پەن 400 ويىن الاڭىندا دەزينفەكتسيا جۇمىستارى بەكىتىلگەن كەستەگە سايكەس جۇيەلى تۇردە جۇرگىزىلۋدە.

بۇل تۋرالى اقپاراتتىق كوممۋنيكاتسيالىق ورتالىقتا وتكەن بريفينگتە شىمكەنت قالاسى ءال-فارابي اۋدانىنىڭ اكىمى عابيت ماۋلەنقۇلوۆ مالىمدەدى. 

- شىمكەنت قالاسى ءال-فارابي اۋدانىندا ورنالاسقان 672 كوپقاباتتى ءۇي، 2 244 كىرەبەرىس پەن 400 ويىن الاڭىندا دەزينفەكتسيا جۇمىستارى بەكىتىلگەن كەستەگە سايكەس جۇيەلى تۇردە جۇرگىزىلۋدە. اۋدان بويىنشا دەزينفەكتسيا جۇمىستارىن جالپى 14 سەرۆيستىك كىزمەت كورسەتۋشى مەكەمەلەر تاراپىنان جۇمىس اتقارىلۋدا. ايتا كەتەيىك، بۇل ماقساتقا مەملەكەتتىك بيۋدجەتتەن قارجى قاراستىرىلماعان. زالالسىزداندىرۋ جۇمىستارى دەمەۋشىلەردىڭ ەسەبىنەن جۇزەگە اسىرىلۋدا، - دەدى اۋدان اكىمى. 

ونىڭ ايتۋىنشا، زالاسىزداندىرۋ جۇمىستارىن بەكىتىلگەن كەستەگە سايكەس ارنايى ماماندار جۇرگىزەدى. جۇمىلدىرىلعان ازاماتتار ارنايى تەحنيكامەن، قورعاۋشى كوستيۋم جانە ارنايى شاشۋشى قۇرالدارمەن قامتاماسىز ەتىلگەن. قولدانىلىپ جاتقان ەرىتىندى ادامدار مەن جانۋارلار ءۇشىن قاۋىپسىز.

- اۋدان اۋماعىندا قاتتى تۇرمىستىق قالدىقتاردى تاستاۋعا ارنالعان 192 قوقىس الاڭشاسىنا قىزمەت كورسەتۋشى "وريوننوۆتەح" جشس-ءى جانە "ەكوسپەتسترانس" جشس-ءى مەكەمەلەرى تاراپىنان زالالسىزداندىرۋ جۇمىستارى تۇراقتى تۇردە جۇرگىزىلۋدە، - دەدى ع.ماۋلەنقۇلوۆ. 

ونىڭ ايتۋىنشا، قالالىق ەنەرگەتيكا جانە كوممۋنالدىق شارۋاشىلىق باسقارماسى تاراپىنان قالانىڭ 125 كوشەلەرىن ۇزىندىعى 280 شاقىرىمىندا زالالسىزداندىرۋ جۇمىستارىن اتقارۋعا 20 دانا تەحنيكا 20 ادام جانە 1148 ايالدامالار مەن ۋرنالاردى زالالسىزداندىرۋعا 12 تەحنيكا 35 ادام جۇمىلدىرىلىپ، زالالسىزداندىرۋ جۇمىستارى اتقارىلۋدا.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • بۇگىن، 20:12

ەكى قىلمىستىق توپ ۇستالدى

ايماقتار • بۇگىن، 17:45

بالالار ۇيىندەگى ىزگىلىك شاراسى

ايماقتار • بۇگىن، 15:47

ەلتاڭبا تاريحى تالقىلاندى

رۋحانيات • بۇگىن، 14:54

ۇقساس جاڭالىقتار