ايماقتار • 31 ناۋرىز، 2020

ۆيرۋس جۇقتىرماۋدىڭ باستى جولى - وقشاۋلانۋ

20 رەتكورسەتىلدى

اقتوبە وبلىسىنىڭ اكىمى و.س.ءورازاليننىڭ ۇندەۋىندە وسى ماسەلەگە باسىمدىق بەرىلگەن.

اقتوبە ايماعىندا كوروناۆيرۋس جۇقتىرعان تاعى ءبىر ادامنىڭ تىركەلۋىنە بايلانىستى وڭىردە سانيتارلىق-ەپيدەميولوگيالىق احۋال كۇردەلەنە تۇسۋدە. سوعان بايلانىستى كەشە اقتوبە قالاسى مەن وبلىسى اۋماعىندا ەرەكشە جاعدايداعى شەكتەۋ رەجيمى ەنگىزىلىپ، اقتوبە وبلىسىنىڭ اكىمى وڭداسىن ورزالين ءوڭىر تۇرعىندارىنا ۇندەۋ جاريالادى. مۇندا ەرەكشە جاعدايداعى شەكتەۋ رەجيمى، ياعني وقشاۋلانۋ –ادامدار ءومىرىن ساقتاۋدىڭ جانە وزگەلەرگە قاۋىپ تۋدىرماۋدىڭ العىگارتى ەكەندىگى ايتىلعان.

بۇدان ءارى وبلىس باسشىسى تۇرعىندارعا ارناعان ۇندەۋىندە ولاردىڭ پوليتسيا، ۇلتتىق گۆارديانىڭ جەكە قۇرامى، ارنايى قۇراما جانە قورعانىس مينيسترلىگىنىڭ اسكەري كۇشتەرى توتەنشە جاعداي مەن ەرەكشە جاعدايداعى شەكتەۋ ششەڭبەرىندە كورسەتىلگەن تارتىپتەردى ىسكە اسىرۋىن دۇرىس ءتۇسىنىپ، دۇرىس قابىلداۋى قاجەتتىگىنە توقتالعان. ونىڭ مالىمدەۋىنشە وڭىردە ازىق-ت ۇلىك پەن ءدارى-دارمەك قورى جەتكىلىكتى. بۇعان الاڭداۋدىڭ قاجەتى جوق. دەزينفەكتسيالىق زالالسىزداندىرۋ زاتتارى قورىنان دا تاپشىلىق بولمايدى. سونداي-اق ناۋقاسقا شالىنعانداردى وقشاۋلاۋعا جانە مەديتسينالىق كومەك كورسەتۋگە قاتىستى ورىندار مەن قۇرال-جابدىقتار قاراستىرىلعان. ولارعا بىلىكتى ماماندار قىزمەت كورسەتەدى. وڭىردە قۇرىلعان ارنايى شتاب كۇندىز-ءتۇنى ءىس ۇستىندە. اقتوبە قالاسىندا جانە تۇتاستاي وبلىس اۋماعىندا سۋ، جىلۋ، ەلەكتر جارىعى جانە كوگىلدىر وتىننان ءۇزىلىس بولمايدى. ءارى بارلىق مەكەمەلەر مەن قوعامدىق ورىندار دا جانە كوشەلەردە سانيتارلىق دەزينفەكتسيالىق ءتارتىپ قاتاڭ ساقتالادى دەلىنگەن بۇدان ءارى ۇندەۋدە.

 

اقتوبە

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار