مەديتسينا • 31 ناۋرىز، 2020

مەديتسينا قىزمەتكەرلەرىنە تولەنەتىن ۇستەمە اقى كولەمى بەكىتىلدى

196 رەتكورسەتىلدى

پرەمەر-مينيستر اسقار ءماميننىڭ توراعالىعىمەن پرەزيدەنت جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ سەلەكتورلىق وتىرىسى ءوتتى.

ەلىمىزدەگى سانيتارلىق-ەپيدەميولوگيالىق جاعداي تۋرالى دەنساۋلىق ساقتاۋ ءمينيسترى ە.ءبىرتانوۆ، وڭىرلەردەگى احۋال تۋرالى – نۇر-سۇلتان، الماتى جانە شىمكەنت قالالارىنىڭ، سونداي-اق قاراعاندى جانە اتىراۋ وبلىستارىنىڭ اكىمدەرى، تج ەنگىزىلۋىنە بايلانىستى تابىسىنان ايىرىلعاندارعا الەۋمەتتىك تولەمدەر جاساۋ شارالارى تۋرالى ەڭبەك جانە حالىقتى الەۋمەتتىك قورعاۋ ءمينيسترى ب.نۇرىمبەتوۆ باياندادى. 

 پرەزيدەنت ق.توقاەۆتىڭ تاپسىرماسىن ورىنداۋ اياسىندا مەملەكەتتىك كوميسسيا ەپيدەمياعا قارسى ءىس-شارالارعا تارتىلعان مەديتسينا قىزمەتكەرلەرىنىڭ ەڭبەكاقىسىنا اي سايىنعى بەكىتىلگەن ۇستەمە اقى بەلگىلەۋ تۋرالى شەشىمدى بەكىتتى.

تولەمدەر كوروناۆيرۋستى جۇقتىرۋ قاۋپى بار ءۇش توپ بويىنشا 3 ايدىڭ ىشىندە جۇرگىزىلەدى. ونىڭ ىشىندە «قاۋىپتىلىگى اسا جوعارى» — رەانيماتسيا بولىمشەلەرىن قوسا العاندا، ينفەكتسيالىق ستاتسيونارلاردىڭ دارىگەرلەرى، ورتا جانە كىشى مەديتسينا قىزمەتكەرلەرىنە ۇستەمە اقى 20 ەڭ تومەنگى جالاقىنى قۇرايدى (جالاقىنىڭ ەڭ تومەنگi مولشەرi (جتم)، 850 مىڭ تەڭگە). 

«قاۋىپتىلىگى جوعارى» – پروۆيزورلىق ستاتسيونارلار مەن جەدەل جاردەم دارىگەرلەرى، ورتا جانە كىشى مەديتسينا قىزمەتكەرلەرى. ۇستەمە اقى 10 جتم (425 مىڭ تەڭگە) قۇرايدى.

«قاۋىپتىلىگى ورتاشا» – كارانتيندىك ستاتسيونارلارداعى دارىگەرلەر، ورتا جانە كىشى مەديتسينا قىزمەتكەرلەرى، سانيتارلىق دارىگەرلەر (مەملەكەتتىك قىزمەتكەرلەر)، جەدەل جاردەم جۇرگىزۋشىلەرى جانە ت. ب. ۇستەمە اقى 5 جتم (212،5 مىڭ تەڭگە) قۇرايدى. 

ۇكىمەت باسشىسى ەڭبەك جانە حالىقتى الەۋمەتتىك قورعاۋ مينيسترلىگىنە مەديتسينا قىزمەتكەرلەرىنىڭ دەنساۋلىعى مەن ءومىرىن ساقتاندىرۋدى قامتاماسىز ەتۋدى تاپسىردى. 

مەديتسينالىق قىزمەتكەر كوروناۆيرۋستىق ينفەكتسيامەن اۋىرعان جاعدايدا مەملەكەتتىك الەۋمەتتىك ساقتاندىرۋ قورىنان بولىنەتىن ءبىر رەتتىك الەۋمەتتىك تولەم كولەمى 2 ملن تەڭگەنى، ال كوز جۇمعان جاعدايدا 10 ملن تەڭگەنى قۇرايدى. 

وتىرىس بارىسىندا الەۋمەتتىك ءالجۋاز توپتاعى تۇرعىندار مەن توتەنشە جاعدايدىڭ ەنگىزىلۋىنە بايلانىستى جۇمىسىنان ۋاقىتشا ايىرىلعان ازاماتتارعا مەملەكەتتىك قولداۋ كورسەتۋ ماسەلەسىنە ەرەكشە نازار اۋدارىلدى. 

̶ مۇقتاج ازاماتتارعا مەملەكەتتىك قولداۋ كورسەتۋدىڭ تيىمدىلىگىن قامتاماسىز ەتۋ قاجەت. بۇل رەتتە كومەكتى تاعايىنداۋ تەتىگى تۇرعىندار ءۇشىن بارىنشا قاراپايىم ءارى قولايلى بولۋى ءتيىس، - دەدى ا.مامين.

سوڭعى جاڭالىقتار

ۇقساس جاڭالىقتار