ايماقتار • 31 ناۋرىز، 2020

شىمكەنت: ءال-فارابي اۋدانىندا 45 كاسىپكەر ءوز ەركىمەن جۇمىسىن توقتاتتى

134 رەتكورسەتىلدى

شىمكەنت قالاسى ءال-فارابي اۋدانىندا سانيتارلىق-ەپيدەميولوگيالىق قاۋىپسىزدىكتى قامتاماسز ەتۋ ماقساتىندا 4 جۇمىسشى توبى قۇرىلعان. وعان ءتيىستى قۇزىرلى ورگانداردىڭ وكىلدەرى كىرگەن.

بۇل تۋرالى اقپاراتتىق-كوممۋنيكاتسيالىق ورتالىقتا وتكەن بريفينگتە قالاعا قاراستى ءال-فارابي اۋدانىنىڭ اكىمى عابيت ماۋلەنقۇلوۆ ايتىپ بەردى.

- اۋدان اۋماعىداعى   Shymkent Plaza، Mega Planet، تسۋم جانە بەرەكە اتتى 4 ءىرى ساۋدا ورتالىقتارى جابىلعان. ال، اكبار جانە ورتالىق قىرعى بازارلاردىڭ جۇمىس ىستەۋ ۋاقىتى شەكتەلسە، دارحان بازارى تولىق جابىلدى. جۇمىس ىستەپ تۇرعان بازارلاردىڭ اۋماعىندا كۇنىنە 2 رەت دەزينفەكتسيا جاسالۋدا. سونداي-اق، بازار اكىمشىلىكتەرى ساۋداگەرلەر مەن كەلۋشىلەردىڭ مەديتسينالىق بەتپەردە مەن قولعاپ كيۋىن جانە قولدى انتيسەپتيكالىق وڭدەۋدەن وتكىزۋىن قاداعالاپ وتىر، - دەدى عابيت پاتشاحان ۇلى.

قازىرگى تاڭدا اۋدانداعى 12 كاسىپكەرلىك نىساندارى دەنە قىزۋىن ولشەگىش كونتاكتىسىز تەپلوۆيزورمەن قامتىلعان. بۇگىنگى تاڭدا بارلىق كاسىپكەرلىك نىسانداردى وسىنداي قۇرىلعىلارمەن قامتاماسىز ەتۋ بويىنشا جۇمىس جۇرگىزىلۋدە.  

اۋدان اكىمىنىڭ ايتۋىنشا، 45 كاسىپكەرلىك نىسانى ءوز ەركىمەن جابىلدى. ال، شەكتەۋلەردى ەسكەرمەگەن جانە سانيتارلىق تالاپتاردى ورىنداماعان 175 كاسىپكەرگە اكىمشىلىك حاتتاما تولتىرىلىپ، ايىپپۇل سالىندى. سونداي-اق، شىمكەنت قالاسىنىڭ مامانداندىرىلعان اۋدانارالىق سوتىنىڭ شەشىمىمەن توتەنشە جاعداي كەزىندە قاۋىپسىزدىك تالاپتارىن بۇزعان 5 ازامات 3 تاۋلىككە قاماۋعا الىنعان. 

شىمكەنت 

سوڭعى جاڭالىقتار

ۇقساس جاڭالىقتار