قازاقستان • 31 ناۋرىز، 2020

بۇگىنگى كۇنى بالالاردىڭ تەك 5% بالاباقشاعا كەلىپ جاتىر - بعم ءمينيسترى

118 رەتكورسەتىلدى

بۇل تۋرالى ورتالىق كوممۋنيكاتسيالار قىزمەتىنىڭ الاڭىندا قاشىقتان وقىتۋدىڭ جاڭا فورماتىنا ارنالعان ءباسپاسوز كونفەرەنتسياسىندا ءبىلىم جانە عىلىم ءمينيسترى اسحات ايماعامبەتوۆ حابارلادى.

«ەڭ باستى ماسەلەلەرگە توقتالا كەتسەم: وزدەرىڭىز بىلەتىندەي، 16 ناۋرىزدان باستاپ مەكتەپ وقۋشىلارى كانيكۋلعا شىققان بولاتىن. ال كوللەدج بەن جوو ستۋدەنتتەرى 16 ناۋرىزدان باستاپ قاشىقتان وقىپ جاتىر. قوسىمشا ءبىلىم بەرۋ ۇيىمدارى، مۋزىكالىق مەكتەپتەر، وقۋشىلار سارايلارى كوبىنەسە جۇمىسىن توقتاتتى. كەيبىر باعىت بويىنشا قاشىقتان وقىتۋ ارقىلى ۇيىرمەلەر جۇمىسىن ءارى قاراي جۇرگىزىپ جاتىر»،- دەدى مينيستر.

اسحات ايماعامبەتوۆ بالاباقشالار جۇمىسى تۋرالى ايتىپ بەردى.

«بالاباقشالاردىڭ جۇمىسى ەڭ باسىندا شتات رەجيمىندە جۇمىس ىستەيدى دەپ ايتقان بولاتىنبىز. بىراق اتا-انالاردىڭ وزدەرى شەشىم قابىلدايدى دەپ تە ايتتىق. سونىڭ سالدارىنان ەڭ باسىندا بالالاردىڭ كەلۋى 70%-عا دەيىن تومەندەسە، ودان كەيىن  40%، بۇگىنگى كۇنى بالالاردىڭ تەك 5% بالاباقشاعا كەلىپ جاتىر. سوندىقتان وسىنداي وتە تومەن كورسەتكىشتەر، كوبىنەسە ءبىزدىڭ بالاباقشالار بوس تۇر»،- دەدى بعم باسشىسى.

ۇستازداردىڭ تسيفرلىق ساۋاتىن ارتتىرۋ ءۇشىن كۋرستار ۇيىمداستىرىلۋدا.

«ۇستازدارعا كەلەتىن بولساق، 16-نان باستاپ ۇيلەرىندە جۇمىس اتقارۋدا. كوللەدج، ۋنيۆەرسيتەتتەردىڭ پەداگوگتارى دا ارنايى كۋرستار وتكىزۋدە. ويتكەنى، بۇل وتە ماڭىزدى. قاشىقتان وقىتاتىن بولعاندىقتان ءبىز مۇعالىمدەردىڭ تسيفرلىق ساۋاتتىلىعىنا ۇلكەن كوڭىل بولۋدەمىز. ءار وبلىستا قاشىقتان وقىتۋ بويىنشا ارنايى جوبالىق كەڭسەلەردى قۇردىق. جانە دە بعم-دە دە وسىنداي جوبالىق وفيس جۇمىسىن جۇرگىزىپ جاتىر»،- دەدى ءبىلىم جانە عىلىم ءمينيسترى اسحات ايماعامبەتوۆ.

سوڭعى جاڭالىقتار

ەلدىك نىشاندار تاريحى

قازاقستان • كەشە

ۇقساس جاڭالىقتار