ايماقتار • 31 ناۋرىز، 2020

قاراعاندى كاسىپكەرلەرى قىزمەتكەرلەرىن قامقورلىقسىز قالدىرمايدى

13 رەتكورسەتىلدى

كوروناۆيرۋسكە قارسى كۇرەس اياسىنداعى قاۋىپسىزدىك ءۇشىن قولعا الىنعان بىرقاتار شەكتەۋ ءىس-شارالارى وڭىردەگى ەكونوميكالىق احۋالعا دا اسەرىن تيگىزۋى  ابدەن مۇمكىن. ماسەلەن، ءدال قازىرگى ۋاقىتتا جەرگىلىكتى اتقارۋشى بيلىك ءۇشىن ەڭبەك ادامدارىنىڭ قۇقىقتارىن ساقتاۋ مەن ءوندىرىس جۇمىسىنىڭ تۇراقتىلىعىن قامتاماسىز ەتۋ – ەڭ ماڭىزدى مىندەتتەردىڭ ءبىرى بولىپ وتىر. وسى ورايدا قاراعاندى وبلىسىنداعى اكىمدىكتەر مەن 160 ءىرى جانە ورتا كاسىپورىندار، سونداي-اق كاسىپوداقتار ۇشجاقتى ارنايى مەموراندۋمعا قول قويعان بولاتىن.

كەشە وبلىس اكىمى جەڭىس قاسىمبەك «قازاقمىس» كورپوراتسياسى جانە جايرەم تاۋ-كەن بايىتۋ كومبيناتىنىڭ باسشىلارىمەن كەزدەستى. سونىمەن قاتار، بۇل جيىنعا ونداعان كاسىپورىنداردىڭ وكىلدەرى سەلەكتورلىق بايلانىس ارقىلى قاتىستى.

كەزدەسۋدە ءوڭىر باسشىسى كوروناۆيرۋس ينفەكتسياسىمەن كۇرەس بارىسىندا ەلباسى ۇندەۋىن قولداپ، قوعامدىق قورعا اقشا اۋدارعان  كومپانيالار جەتەكشىلەرىنە العىس ايتتى.

– وكىنىشكە قاراي، مۇناي مەن مەتالل باعاسىنىڭ قۇلدىراۋى سالدارىنان تۋىنداعان ەكونوميكالىق سيپاتتاعى قاۋىپ-قاتەردىڭ بار ەكەنى راس. مۇنىڭ سالقىنى ء بىزدىڭ وڭىردەگى كاسىپورىنداردىڭ تۇراقتى جۇمىس ىستەۋىنە  دە اسەرىن تيگىزۋى مۇمكىن. سوندىقتان، قىزمەتكەرلەر مەن ولاردىڭ وتباسىلارىنا قامقورلىق تانىتۋ ءبىزدىڭ ورتاق مىندەتىمىز،  – دەپ اتاپ ءوتتى جەڭىس قاسىمبەك.

سونىمەن قاتار، وبلىس اكىمى ينفراقۇرىلىم مەن تۇرعىن ءۇي-كوممۋنالدىق شارۋاشىلىقتى دامىتۋ، ەلدى مەكەندەردى اباتتاندىرۋ بويىنشا «جۇمىسپەن قامتۋدىڭ جول كارتاسى» ازىرلەنۋ ۇستىندە ەكەنىن حابارلادى. بۇل جوبا بويىنشا الداعى ۋاقىتتا 17،5 مىڭنان استام ادام جۇمىسپەن قامتاماسىز ەتىلمەك.

قازىرگى تاڭدا جۇمىس ورىندارىن ساقتاپ، وندا ەڭبەك ەتىپ جۇرگەن ازاماتتاردى تۇراقتى تابىسپەن قامتاماسىز ەتۋدىڭ ماڭىزى زور.  وسى باعىتتاعى تىندىرىلعان يگى ءىستىڭ ءبىرى – وبلىستىڭ بارلىق ءىرى كاسىپورىندارىمەن بىرلەسىپ قىزمەتكەرلەردىڭ باسقارىلاتىن اعىنى بويىنشا جول كارتالارى جاسالعان. ال بۇل كاسىپورىنداردا 30 مىڭعا جۋىق ادام ەڭبەك ەتەدى.

قاراعاندى وبلىسى

سوڭعى جاڭالىقتار

Apple Store دۇكەنى نە ءۇشىن قورشالۋدا؟

تەحنولوگيا • بۇگىن، 18:41

قازالىدا 42 جوبا جۇزەگە اسادى

ايماقتار • بۇگىن، 17:47

300 باسپاعا سۋبسيديا بەرىلەدى

ايماقتار • بۇگىن، 17:37

«بايقوڭىر» عارىش كەشەنىنە - 65 جىل

ايماقتار • بۇگىن، 17:30

ۇقساس جاڭالىقتار