ايماقتار • 22 ناۋرىز، 2020

قاراعاندى وبلىسىندا مەيرامحانا تىگىن تسەحىنا اينالدى

42 رەتكورسەتىلدى

قاراعاندى وبلىسىنىڭ قالتالى ازاماتتارى ەل باسىنا كۇن تۋعانداي بولعان قيىن شاقتا وزدەرىنىڭ شىنايى بولمىستارىنىڭ قاندايلىعىن كورسەتە باستادى. ولار تۇڭعىش پرەزيدەنتتىڭ بارلىق قازاقستاندىقتاردى مەملەكەت باسشىسى مەن ۇكىمەتتىڭ كوروناۆيرۋسپەن كۇرەسكە باعىتتالعان ءىس-قيمىلدارىن قولداۋعا شاقىرعان ۇندەۋىن دەر كەزىندە ءۇن قوسا ءبىلدى.

مىسالى، «قازاقمىس» جشس كومپانيالار توبىنىڭ ەڭبەك ۇجىمدارى كوروناۆيرۋسقا قارسى كۇرەس ءۇشىن قاراجات جينايتىن قورعا 400 ملن تەڭگە اۋداردى. سونداي-اق، بۇل باستامانى «شۇباركول كومىر» اق، اباي اۋدانىنىڭ «شانس» پەن بۇقار جىراۋ اۋدانىنداعى «جاكە» شارۋا قوجالىقتارى، «شەرۋباي سۋ» جشس، «كيروۆ اتىنداعى وك» جشس جانە باسقا دا ء ىرىلى-ۇساقتى كومپانيالار قولدادى.

ال جەزقازعاندىق كاسىپكەر ەرنار احمەتوۆ قالاداعى مەيرامحانالارىنىڭ ءبىرىن تىگىن تسەحىنا اينالدىردى. بيزنەسمەن وسىعان دەيىن تابىستى جۇمىس ىستەپ كەلگەن تويحاناسىنا بەس تىگىن ماشيناسىن قويىپ، مەيرامحانادا ەڭبەك ەتەتىن جيىرما شاقتى قىز-كەلىنشەككە مەديتسينالىق ماسكا تىكتىرە باستادى.

جاڭا ماماندىقتى جىلدام يگەرگەن ىسمەر جانداردىڭ قولىنان شىققان بەتپەردەلەردىڭ العاشقى پارتياسىن ەرىكتىلەر مەن قالالىق جاستار رەسۋرستىق ورتالىعىنىڭ قىزمەتكەرلەرى قالا تۇرعىندارىنا تەگىن تاراتتى.

– ءبىز مۇنىمەن شەكتەلىپ قالمايمىز. كەلەسى كەزەكتە قالاداعى پوليتسيا قىزمەتكەرلەرىن مەديتسينالىق ماسكالارمەن تولىقتاي قامتاماسىز ەتۋدى جوسپارلاپ وتىرمىز. جەزقازعاندىقتارعا بەتپەردەنى تەگىن تاراتۋ الداعى ۋاقىتتا دا جالعاسىن تاباتىن بولادى، – دەيدى ەرنار احمەتوۆ.

بۇدان بولەك، كاسىپكەر ۇلىستىڭ ۇلى كۇنى مەرەكەسىندە تۇرمىسى تومەن بەس وتباسىنا ازىق-ت ۇلىك الىپ بەرىپ، مۇقتاج جاندارعا شاتتىقتى كوڭىل-كۇي  سىيلادى.

سونداي-اق، جەزقازعاندىق تاعى ءبىر كاسىپكەر، بەلگىلى مەتسەنات، وبلىستىق ءماسليحاتتىڭ دەپۋتاتى بەكزات التىنبەكوۆتىڭ ۇيىمداستىرۋىمەن جەرگىلىكتى  بيزنەس جانە كولىك كوللەدجىنىڭ ديرەكتورى سۆەتلانا جۇمكينا، «Jas Otan» جاستار قاناتىنىڭ وكىلدەرى، ۆولونتەر جاستار مىستى قالاداعى قاريالارعا، مۇمكىندىگى شەكتەۋلى جاندارعا، كوپبالالى وتباسىلارىنا ناۋرىز مەرەكەسى كۇنى ازىق-ت ۇلىك تولى سەبەت، كوروناۆيرۋستىڭ الدىن الۋعا ارنالعان مەديتسينالىق ونىمدەر ۇلەستىرىپ، مول سىي-سياپات جاسادى.

 

قاراعاندى وبلىسى

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ەكى قىلمىستىق توپ ۇستالدى

ايماقتار • 05 ماۋسىم، 2020

ۇقساس جاڭالىقتار