مەديتسينا • 21 ناۋرىز، 2020

قاراعاندى وبلىسى كوروناۆيرۋس بەلگىلەرىن ونلاين تەكسەرۋدى ۇسىندى

95 رەتكورسەتىلدى

قاراعاندى وبلىستىق اكىمدىگىنىڭ قولداۋىمەن جەرگىلىكتى دەنساۋلىق ساقتاۋ باسقارماسى جانە دامۋ اقپاراتتىق تەحنولوگيالار ورتالىعى كومپانياسى «ۆيرتۋالدى پاتروناج» جوباسىن ىسكە قوستى.

اتالعان جوبانىڭ باستى مىندەتتەرىنىڭ ءبىرى – كوروناۆيرۋس ينفەكتسياسى (COVID-19)  بويىنشا قولايسىز جاعدايى بار ەلدەردەن كەلگەن پاتسيەنتتەردى جەدەل باقىلاۋ جانە قازاقستان اۋماعى بويىنشا ۆيرۋستىڭ تارالۋىنا مونيتورينگ جۇرگىزۋ.

تۇرعىندار Damumed كومەگىمەن ۇيدەن شىقپاي-اق دارىگەردىڭ كەڭەسىن الا الادى، ياعني ءموبيلدى قوسىمشا COVID-19-عا ءتان بەلگىلەردى قاداعالاۋعا مۇمكىندىك بەرەدى.

Damumed باعدارلاماسىن Play Market نەمەسە Apple Store ارقىلى تەگىن كوشىرىپ الۋعا بولادى. ءموبيلدى قوسىمشانىڭ كومەگىمەن ءبىزدىڭ ارقايسىمىز COVID-19-عا ءتان بەلگىلەرگە مونيتورينگ جۇرگىزە الامىز. اتالعان قوسىمشا ورناتىلعان ادامدا ۇرەي تۋىنداسا، كۇن سايىن نەمەسە كۇنىنە بىرنەشە رەت دەنساۋلىق جاعدايىن سيپاتتاپ شاعىن چەك-پاراقتى تولتىرا الادى. مۇنى بالالارعا، قارت اتا-انالار ءۇشىن دە جاساۋعا بولادى.

تولتىرىلعان چەك-پاراقتى ۋچاسكەلىك دارىگەر مەن قاراعاندى وبلىسىنىڭ كوروناۆيرۋس جونىندەگى شتابىنىڭ ماماندارى كورەدى. دارىگەر پاتسيەنتتىڭ سيمپتومدارىن زەرتتەيدى جانە وعان قاتىستى ءتيىستى شەشىم قابىلدايدى.

ەگەر ادام ءۇي كارانتينىندە بولسا، ول كۇن سايىن ءوزىنىڭ دەنساۋلىق جاعدايى تۋرالى مالىمەتتەردى جىبەرۋى ءتيىس. ۋچاسكەلىك دارىگەر دابىل قاعازىنىڭ كومەگىنە سۇيەنىپ، كارانتيندەگى پاتسيەنتتى قاداعالاپ وتىرادى.

«ۆيرتۋالدى پاتروناج» بىزگە ۇيدەن شىقپاي-اق دارىگەرلەردىڭ كومەگىنە جۇگىنۋگە مۇمكىندىك بەرەدى. ەگەر سىزدە رەسپيراتورلىق اۋرۋ بەلگىلەرى پايدا بولسا، وندا بار بولعانى دارىگەرىڭىزگە ءوزىڭىزدىڭ مالىمەتىڭىزدى جىبەرەسىز.

قاراعاندى وبلىسى قاجەت بولىپ جاتسا، بۇل تاجىريبەنى قازاقستان بويىنشا تاراتۋعا دايىن.

قاراعاندى وبلىسى

سوڭعى جاڭالىقتار

عاسىر زۇلماتى

قوعام • كەشە

ۇقساس جاڭالىقتار