قازاقستان • 21 ناۋرىز، 2020

شەتەلدەگى قازاقستاندىق تۋريستەر ەلگە قايتارىلادى

39 رەتكورسەتىلدى

2020 جىلعى 18 ناۋرىزداعى جاعداي بويىنشا تۋريستىك وپەراتورلار ارقىلى كەلەتىن قازاقستاندىق تۋريستەردىڭ سانى 5914 ادامدى قۇرادى. بۇل تۋرالى مادەنيەت جانە سپورت مينيسترلىگى تۋريزم يندۋسترياسى كوميتەتىنىڭ توراعاسى داستان رىسپەكوۆ ونلاين ءباسپاسوز بريفينگىندە حابارلادى.

ولاردىن ەگيپەت - 2652; بىرىككەن اراب امىرلىكتەرى - 1391; تايلاند - 404; ءۇندىستان - 490; مالديۆتەر - 254; شري-لانكا - 231; ۆەتنام - 140; دومينيكانا رەسپۋبليكاسى - 115; تۇركيا - 83; چەحيا -47; مالايزيا - 50; كۋبا - 10; باسقا ەلدەردە - 37 جەرلەسىمىز ءجۇر.

21 ناۋرىزداعى ساعات 12-دەگى جاعداي بويىنشا 14 چارتەرلىك رەيس ۇيىمداستىرىلدى. ولار بويىنشا 2 818 ادام ەلگە اكەلىندى، ەگيپەتتەن - 8 رەيسكە 1791 ادام; ءۇندىستاننان - 230 ادامعا ءبىر رەيس; مالديۆتەن 227 ادامعا ارنالعان ءبىر رەيس; ءباا-تەن 347 ادامعا ەكى رەيس; تايلاندتان 235 ادامعا ءبىر رەيس، رف ارقىلى ترانزيتپەن 21 ادامعا 1 رەيس ۇيىمداستىرىلعان.

قازىرگى ۋاقىتتا ناۋرىزدىڭ 18-نەن 23-نە دەيىن 3840 ادامدى شىعارۋ بويىنشا جالپى 19 رەيس قاراستىرىلعان.

1022 ءتۋريستى قامتيتىن 5 رەيس قالىپ وتىر، ونىڭ ىشىندە 733 جولاۋشىسى بار 4 رەيس (ەگيپەت، شري-لانكا جانە رف) بۇگىنگە جوسپارلانعان. 

سونىمەن قاتار، تۇراقتى رەيستەرمەن 1879 ادامنان 1695 ادام قايتىپ كەلدى. 

- قازىرگى ۋاقىتتا شەتەلدەگى 379 ازاماتتى قايتارۋ قالدى، ونىڭ 319-ءى 23 ناۋرىزعا دەيىن رەسەي ارقىلى ترانزيتپەن قايتۋدا. اتاپ وتكەن ءجون، شەتەلدىك، سونىڭ ىشىندە قازاقستاندىق ازاماتتاردىڭ رەسەي فەدەراتسياسىنىڭ اۋماعىنا كىرۋىنە تىيىم سالۋ ماسەلەسى ورىن الدى. وسىعان بايلانىستى قازاقستاننىڭ 55 ازاماتى رەسەي اۋەجايلارىنا    19 مەن 20 ناۋرىز ارالىعىندا ۇشىپ كەلگەن ترانزيت ايماعىندا قالىپ، قازاقستانعا ورالا المادى. اتالعان ماسەلە ەل باسشىلىعى تاراپىنان شەشىمىن تاپتى. الداعى 2-3 كۇن ىشىندە رەسەي فەدەراتسياسى ارقىلى ەلگە ترانزيتپەن كەلە جاتقان قازاقستاندىق تۋريستەر وسىنداي قيىندىقتارعا ۇشىرامايدى دەپ ۇمىتتەنەمىز. الايدا، بۇگىنگى جاعدايدا ءبىز جايلىلىق پەن ىڭعايلىلىققا 100% كەپىلدىك بەرە المايمىز، سەبەبى ەلگە ورالۋ كەزىندە ءارتۇرلى ەلدەردەن كەلگەن توپتاردى جيناقتاۋ ءبىراز ۋاقىت الۋى مۇمكىن. مىسالى، دومينيكاننان، ۆەتنامنان، تايلاندتان، كۋبادان جانە باسقا ەلدەردەن 5-تەن 30 ادامعا دەيىنگى توپتار ۇشىپ كەلەدى جانە ۇشاقتى ءتيىمدى باعىتتاۋ ءۇشىن ولاردى كەم دەگەندە 100 ادامنان تۇراتىن توپقا جيناۋ كەرەك، - دەدى داستان رىسپەكوۆ.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • بۇگىن، 20:12

ەكى قىلمىستىق توپ ۇستالدى

ايماقتار • بۇگىن، 17:45

بالالار ۇيىندەگى ىزگىلىك شاراسى

ايماقتار • بۇگىن، 15:47

ەلتاڭبا تاريحى تالقىلاندى

رۋحانيات • بۇگىن، 14:54

ۇقساس جاڭالىقتار