ايماقتار • 21 ناۋرىز، 2020

قاراعاندىدا ازىق-ت ۇلىك، دايىن تاعام جانە ءدارى-دارمەك جەتكىزۋدىڭ بىرىڭعاي سايتى اشىلدى

25 رەتكورسەتىلدى

قاراعاندى وبلىسىندا توتەنشە جاعدايعا بايلانىستى ۇيدە وتىرۋعا ءماجبۇر بولعان تۇرعىندار مەن ەپيدەميالىق شەكتەۋلەردىڭ سالدارىنان شىعىنعا باتقان  كاسىپكەرلەرگە كومەك قولىن سوزۋ مۇمكىندىكتەرى ءساتتى شەشىمىن تابۋدا.

مىسالى، وبلىستىق اكىمدىك مەن اقپاراتتاندىرۋ باسقارماسىنىڭ قولداۋىنا سۇيەنگەن Belsendi Azamat جوباسىنىڭ كومانداسى قاراعاندىلىقتارعا ازىق-ت ۇلىك پەن ءدارى-دارمەك جەتكىزۋدىڭ بىرىڭعاي سايتىن جاساپ شىعاردى.

ادام كوپ جۇرەتىن جەرلەرگە بارماۋ جونىندە ەسكەرتۋ العان قالا تۇرعىندارى ۇيدە وتىرىپ بۇل قىزمەتتىڭ كومەگىنە جۇگىنىپ،  سۋپەرماركەتتەردىڭ، ءدارىحانالار مەن مەيرامحانالاردىڭ جانە پيتستسەريالاردىڭ تاۋارلارىنا تاپسىرىس بەرە الادى. ولاردىڭ تولەمدى قولما-قول اقشامەن دە، كارتامەن دە جۇزەگە اسىرۋ مۇمكىندىگى بار.

سايتتا Burger King، KFC، «DODOپيتستسا» پيتستسەريالارى، «ايان» سۋپەرماركەتتەر جەلىسى جانە باسقا دا جىلدام تاماقتانۋ مەيرامحانالارى جەلىسىنەن تاپسىرىستار تۋرالى تولىققاندى اقپارات بار. بۇل تۇعىرنامادا مەيرامحانالاردان دايىن تاعامدار emenu.kz جانە kura.kz سياقتى كىرىكتىرىلگەن سەرۆيس قىزمەتتەرىنىڭ كومەگىمەن جەتكىزىلەدى.

اۋىز سۋدى «حرۋستالنايا» كومپانياسى اكەپ بەرسە، ءدارى-دارمەكتەر Europharma جانە «بيوسفەرا» ءدارىحانالارى جەلىسى ارقىلى جونەلتىلەدى. سونداي-اق، جاقىن ارادا اتالعان سايتتا تاكسي شاقىرۋ وپتسياسى پايدا بولادى جانە ازىق-ت ۇلىك ەمەس تاۋارلار دۇكەندەرىنىڭ ءتىزىمى دە ۇلعايتىلماقشى.

وتىنىمدەر ونلاين رەجيمىندە قابىلداناتىن پلاتفورمادا جەكە اۆتوكولىگى بار جانە كولىكسىز كۋرەرلەر ءۇشىن بوس جۇمىس ورىندارى اشىلدى. جاڭا سەرۆيس قىزمەتىن  https://ba09.kz/. سىلتەمە بويىنشا پايدالانۋعا بولادى.

قاراعاندى وبلىسى

سوڭعى جاڭالىقتار

ۇقساس جاڭالىقتار