ايماقتار • 20 ناۋرىز، 2020

جامبىلدا قىرعىز ەلىمەن وتكىزۋ پۋنكتتەرىندە سانيتارلىق-كارانتيندىك بەكەتتەر قۇرىلدى

33 رەتكورسەتىلدى

كوروناۆيرۋس ىندەتىنىڭ الدىن-الۋ ماقساتىندا جامبىل وبلىسىندا مەديتسينا ۇيىمدارىنىڭ دايىندىعى قامتاماسىز ەتىلگەن. بۇگىن وتكەن ءباسپاسوز بريفينگىندە جامبىل وبلىستىق دەنساۋلىق ساقتاۋ باسقارماسىنىڭ باسشىسى مارات جۇمانقۇلوۆ كوروناۆيرۋستىق ينفەكتسياسىمەن اۋىراتىن ناۋقاستاردى گوسپيتاليزاتسيالاۋ جانە ەمدەۋ ءۇشىن 80 توسەك-ورىنى بار ينفەكتسيالىق ستاتسيونار، 320 توسەكتىك پروۆيزورلىق ستاتسيونار، ونىڭ ىشىندە 16 رەانيماتسيالىق توسەك ۇيىمداستىرىلعانىن مالىمدەدى.

ناۋقاستارمەن بايلانىستا بولعان جانە 1ا ساناتتاعى ەلدەردەن كەلگەن ازاماتتاردى كارانتينگە وقشاۋلاۋ ءۇشىن 5 نىساننىڭ بازاسىندا 640 توسەكتىك كارانتيندىك ستاتسيونارلار اشىلعان.

«كەشەندى ەمدەۋ الدىن-الۋ ءىس-شارالارىن ۇيىمداستىرۋ جانە وتكىزۋ ءۇشىن جوعارىدا اتالعان مەكەمەلەرگە 754 وقىتىلعان مەديتسينا قىزمەتكەرى تارتىلادى. مەديتسينالىق قىزمەتكەرلەردى قورعاۋ جانە بيولوگيالىق قاۋىپسىزدىك شارالارىن ساقتاۋ ءۇشىن مەديتسينالىق ۇيىمداردا جەكە قورعانىس قۇرالدارىنىڭ، دەزينفەكتسيالىق قۇرالداردىڭ، انتيسەپتيكالىق جانە جۋعىش زاتتاردىڭ، سونداي-اق، ءدارى-دارمەكتەردىڭ قورى جاسالدى. شەت ەلدەردەن كەلگەندەردىڭ مەديتسينالىق باقىلاۋىنىڭ مونيتورينگى ساناتتارعا سايكەس جۇزەگە اسىرىلادى»، دەدى مارات جۇمانقۇلوۆ. اعىمداعى جىلعى 20 ناۋرىز كۇنگى مالىمەت بويىنشا، كەلگەن تۇلعالار ءۇشىن كارانتيندىك ستاتسيوناردا 8 ادام قالۋدا. سونىمەن قاتار، كوروناۆيرۋستىق ينفەكتسياسىمەن اۋىرعان ناۋقاسپەن بايلانىستا بولعاندارعا ارنالعان كارانتيندىك ستاتسيوناردا 4 ادام بار جانە ءۇي كارانتينىندە 1ب كاتەگوريالى ەلدەردەن كەلگەن 22 ادام وتىر ەكەن. ءوڭىردىڭ باس دارىگەرىنىڭ ايتۋىنشا، 2 كاتەگوريالى ەلدەردەن كەلگەن 11 ادام قوڭىراۋ شالۋ ارقىلى مەديتسينالىق باقىلاۋدا تۇر. بۇگىندە ادامداردىڭ جاعدايلارى قاناعاتتانارلىق.

جامبىل وبلىسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ  باسشىسى بەرىك جارقىنبەكوۆتىڭ ايتۋىنشا، وبلىس اۋماعىندا كوروناۆيرۋستى ينفەكتسيانى جۇقتىرۋ جاعدايلارى تىركەلمەگەن. بۇگىندە سانيتارلىق-ەپيدەميولوگيالىق جاعداي تۇراقتى. «قازىرگى ۋاقىتتا باسقا ەلدەردىڭ كەلگەن ادامدارىن مەديتسينالىق باقىلاۋعا مونيتورينگ جۇرگىزىلۋدە. اعىمداعى جىلعى 19 ناۋرىز كۇنگى جاعداي بويىنشا وبلىس اۋماعىندا 1ا ساناتتاعى ەلدەردەن كەلگەن 6 ادام ستاتسيوناردا باقىلاۋدا، 1 ب ساناتىنداعى 15 ادام ءۇي كارانتينىندە تۇر. 2 ساناتتاعى ەلدەردەن 11 ازامات قوڭىراۋ شالۋ ارقىلى مەديتسينالىق باقىلاۋعا الىندى. 2020 جىلدىڭ 19 ناۋرىزىنان باستاپ اۆتوموبيل ماگيسترالدارىندا 4 باعىتتا جانە قىرعىز رەسپۋبليكاسىمەن مەملەكەتتىك شەكارا ارقىلى 2 وتكىزۋ پۋنكتتەرىندە سانيتارلىق-كارانتيندىك بەكەتتەر قۇرىلدى. ادامدار جاپپاي بولاتىن نىسانداردا سانيتارلىق-دەزينفەكتسيالىق رەجيم كۇشەيتىلدى. جاپپاي ءىس-شارالار توقتاتىلدى، كينوتەاترلار جابىلدى»، دەدى بەرىك جارقىنبەكوۆ.

جامبىل وبلىسى

سوڭعى جاڭالىقتار

جولدىڭ جاۋى – اۋىر جۇك كولىكتەرى

ايماقتار • بۇگىن، 13:14

ساقتىق شارالارىن ساقتاۋ ماڭىزدى

كوروناۆيرۋس • بۇگىن، 13:08

تۋريزم دامىسىن دەسەك...

قازاقستان • بۇگىن، 12:55

ءتۋريزمنىڭ تۇرالاعان تۇستارى كوپ

قازاقستان • بۇگىن، 12:46

يتاياقپەن اس ىشكەن ايەل

رۋحانيات • بۇگىن، 10:30

ارىستار رۋحىنا قۇرمەت

پىكىر • بۇگىن، 08:33

ەل ءۇشىن ماڭىزدى باستاما

پىكىر • بۇگىن، 08:25

وڭ وزگەرىستەرگە جول اشادى

پىكىر • بۇگىن، 08:09

شىرعالاڭ شىندىعى

الەم • بۇگىن، 08:04

ۇقساس جاڭالىقتار