كوروناۆيرۋس • 19 ناۋرىز، 2020

22 ناۋرىزعا دەيىن ەلورداعا كىرىپ-شىعۋعا مۇمكىندىك بەرىلدى

414 رەتكورسەتىلدى

پرەزيدەنت جانىنداعى ورتالىق كوممۋنيكاتسيالار قىزمەتىندە ونلاين بريفينگ وتكىزگەن نۇر-سۇلتان قالاسى اكىمىنىڭ ورىنباسارى  باقتيار ماكەن ەلوردا تۇرعىندارى ءۇشىن ماڭىزدى اقپاراتتى جەتكىزدى.

پرەزيدەنت جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيا وتىرىسىنىڭ تاپسىرماسىنا سايكەس 19 ناۋرىز ساعات 00.00-دەن باستاپ نۇر-سۇلتان قالاسىندا كوروناۆيرۋستىڭ تارالۋ قاۋپىنە بايلانىستى كارانتين رەجيمى ەنگىزىلگەنى بەلگىلى.

سوعان قاراماستان اكىمنىڭ ورىنباسارى قالاعا كىرىپ-شىعۋعا ۋاقىتشا مۇمكىندىك بەرىلگەنىن اتاپ ءوتتى.

«تۇرعىندار ءۇشىن ماڭىزدى اقپارات، ەلورداعا كىرۋگە جانە قالادان شىعۋعا ازىرشە ۋاقىتتارى بار. الداعى 72 ساعات اۆيا جانە تەمىر جول قاتىناستارى ارقىلى قالادان كەتۋ نەمەسە كەلۋ ءۇشىن مۇمكىندىك بەرىلىپ وتىر. 22 ناۋرىزدان باستاپ بارلىق ساناتتاعى تۇرعىندارعا قالا اۋماعىنا كىرۋگە جانە شىعۋعا تولىق شەكتەۋ قويىلادى. كەز كەلگەن قاتىناستاردىڭ ترانزيتتىك تاسىمالداۋلارى، نۇر-سۇلتان قالاسىنىڭ اۋماعىندا توقتاتىلماي جۇرگىزىلەدى. ياعني، جولاۋشى پويىزدارى قالا ارقىلى وتەدى، بىراق توقتامايدى. ال 22 ناۋرىزدان باستاپ نۇر-سۇلتان قالاسىنىڭ وزىنەن ەشقانداي «جولاۋشى پويىز» جولعا شىقپايدى. قالا اۋماعىن باسىپ وتەتىن نە بولماسا ازىق-ت ۇلىك تاسىمالدايتىن كولىكتەر ارنايى جاسىل دالىزبەن عانا قاتىناسادى. بۇل قالاعا كەرەكتى تاۋارلارعا بايلانىستى»، دەدى ب.ماكەن.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار