الەم • 19 ناۋرىز، 2020

كوروناۆيرۋستان كەم دەگەندە 10 انىقتالمايتىن ۆيرۋس تارايدى

937 رەتكورسەتىلدى

دجون حوپكينس ۋنيۆەرسيتەتىنىڭ مالىمەتتەرى بويىنشا الەمدە كوروناۆيرۋس ىندەتىنىڭ 200 000 جاعدايى تىركەلگەن. ونىڭ ىشىندە 80 مىڭ ادام اۋرۋعا توتەپ بەرىپ جەڭگەن بولسا، 8 مىڭنان استام ادام قايتىس بولعان. بۇل ساندار عالىمداردىڭ دابىل قاعۋىنا سەبەپ بولدى. ولاردىڭ پىكىرىنشە، ءاربىر انىقتالعان كوروناۆيرۋستان كەم دەگەندە 10 انىقتالمايتىن ۆيرۋس تارايدى ەكەن.

قىتايدىڭ ۋحان قالاسىندا پايدا بولىپ، كەيىننەن بۇكىل الەمگە تارالعان كوروناۆيرۋس ىندەتى اركىمدە ءار ءتۇرلى بولۋى مۇمكىن. كەيبىر ادامداردا اۋرۋ بەلگىلەرى بىردەن ايقىن كورىنسە، ەندى بىرىندە ادام ءوزى بىلمەي اۋرۋ تاراتۋى مۇمكىن، ياعني اۋرۋ بەلگىلەرى جاسىرىن بولۋى مۇمكىن.

گەرمانيادا ىندەتتىڭ تارالۋى تۋرالى مالىمەت جيناعان كوح ينستيتۋتى كەشە عانا 8000-نان استام جاعدايدى تىركەدى، بىراق ءىس جۇزىندە بۇل ۆيرۋستى جۇقتىرعانداردىڭ سانى 35 000-نان 70 000-عا دەيىن دەپ مالىمدەمە جاساعان.

1

قىتايدا كوروناۆيرۋستى انىقتاۋ ءۇشىن العاش رەت سىناق باستالعاندا اۋرۋلاردىڭ تەك 14%-ىندا عانا اۋرۋدى انىقتاعان بولسا، كوروناۆيرۋس جۇقتىرعانداردىڭ قالعان 86%-ىندا سىناق ناتيجەلەرى ۆيرۋستىڭ بارىن انىقتاي الماعان. Science عىلىمي جۋرنالىنىڭ مالىمەتى بويىنشا، كوروناۆيرۋس انىقتالعان ءاربىر 8 ادامنىڭ بىرەۋىندە عانا سىناق ناتيجەسى وڭ بولىپ شىققان. قالعان 7 ادامدا تەرىس ناتيجە كورسەتكەن.

1

 

 

سوڭعى جاڭالىقتار

ۇقساس جاڭالىقتار