ايماقتار • 18 ناۋرىز، 2020

قاراعاندى وبلىسىنا كوروناۆيرۋستى انىقتايتىن ەكسپرەسس-تەستىلەر جەتكىزىلەدى

42 رەتكورسەتىلدى

قاراعاندى وبلىستىق دەنساۋلىق ساقتاۋ باسقارماسىنىڭ باسشىسى ەرجان نۇرلىباەۆ وڭىرگە كوروناۆيرۋس ينفەكتسياسىن انىقتاۋعا ارنالعان ەكسپرەسس-تەستىلەردىڭ العاشقى پارتياسىن اكەلۋدىڭ جوسپاردا بار ەكەنىن مالىمدەدى.

ۆيرۋستىڭ بار-جوعىن ءبىر تامشى قان ساراپتاماسىنان انىقتايتىن جەدەل-تەستىلەر ءدارىحانالاردا ساتىلاتىن بولادى. مۇنداي تالداۋدىڭ دالدىگى 80% قۇرايدى. جەدەل-تەستىلەر ينكۋباتسيالىق كەزەڭ بارىسىندا ۆيرۋستىڭ بار-جوعىن انىقتامايدى، ال تەرىس ناتيجە بولعان جاعدايدا ەگجەي-تەگجەيلى تەكسەرۋدەن ءوتۋ كەرەك بولادى.

– قازىر كوروناۆيرۋستىق ينفەكتسيانى انىقتاۋ جونىندەگى زەرتحانالاردى ۇيىمداستىرۋ باستى مىندەتتەردىڭ ءبىرى بولىپ وتىر. جاقىن ارادا ءبىز ەكى نەمەسە سونداي ءۇش زەرتحانا اشۋدى جوسپارلادىق. بۇل وبلىستىڭ قاجەتتىلىگىن وتەۋ ءۇشىن جەتكىلىكتى بولادى، – دەدى دەنساۋلىق ساقتاۋ باسقارماسىنىڭ باسشىسى.

ەرجان نۇرلىباەۆتىڭ ايتۋىنشا، بۇگىنگى تاڭدا وبلىستا تاۋلىك بويعى كارانتيندە 113 ادام بار. العاشقى بولىپ تۇسكەندەر قازىر ۇيلەرىنە قايتارىلا باستاعان. 16 ناۋرىز كۇنى كارانتيننىڭ تولىق مەرزىمىن وتەگەن التى ادام ستاتسيوناردان شىعارىلدى. ساراپتاما ناتيجەسى بويىنشا ولاردىڭ قانىنان كوروناۆيرۋس تابىلعان جوق. ءۇي كارانتينىندە 39 ادام وتىر. تاعى 284 ادام – مەديتسينالىق باقىلاۋدا، 273-ءى قاشىقتان باقىلاۋعا الىنعان. ولاردىڭ ەشقايسىسىندا كوروناۆيرۋس بەلگىلەرى جوق.

سونداي-اق، قاراعاندى وبلىسىندا جەدەل جاردەم شاقىرۋلار سانى ارتقان  جوق، بارلىق ستانسا شتاتتىق رەجىمدە جۇمىس ىستەۋدە.

وبلىستا مەديتسينالىق ماسكالاردىڭ جەتىسپەۋشىلىگىنە قاتىستى ماسەلە شەشىمىن تاۋىپ جاتىر. جەرگىلىكتى «مف مەرەي» جشس كومپانياسى تاۋلىگىنە 400 مىڭ ماسكا ءوندىرىپ، ولار قاراعاندى، تەمىرتاۋ، بالقاش، جەزقازعان جانە باسقا قالالاردىڭ ءدارىحانالارىنا جەتكىزىلۋدە.

– قازىر وبلىستىڭ ارنايى مەديتسينالىق جابدىقتاۋ بازاسىندا 173 مىڭ مەتر داكە بار. ءبىز مەديتسينالىق قىزمەتكەرلەرگە، پوليتسياعا، حقكو قىزمەتكەرلەرىنە جانە ادامدارمەن تىكەلەي بايلانىستا بولاتىن باسقا دا قىزمەت يەلەرىنە ارنالعان تاڭعىشتاردى تىگۋدىڭ جولدارىن قاراستىرىپ جاتىرمىز، – دەدى ەرجان نۇرلىباەۆ.

سونداي-اق، دەنساۋلىق ساقتاۋ باسقارماسىنىڭ باسشىسى باعانى نەگىزسىز كوتەرە وتىرىپ، جەكە قورعانۋ قۇرالدارىن ساتۋدا الىپساتارلىققا بارعاندار ءۇشىن جاۋاپكەرشىلىك قاراستىرىلاتىنىن ەسكە سالدى. مونيتورينگ كۇن سايىن جۇرگىزىلەدى، ونىڭ ىشىندە ينتەرنەت-ساۋدا قاداعالانادى.

ەرجان نۇرلىباەۆ ادامنىڭ ءوزىن-ءوزى وقشاۋلاۋى الدىن الۋدىڭ ەڭ ءتيىمدى شاراسى ەكەندىگىن اتاپ ءوتتى. ادامدار جاپپاي جينالاتىن جەرلەرگە بارۋدان باس تارتقان ابزال. ازىق-ت ۇلىك الۋعا وتباسى مۇشەلەرىنىڭ ءبىرىن عانا جىبەرىپ، قاۋىرت ۋاقىتتا قوعامدىق جەرلەردەن اۋلاق بولعان ءجون. مۇندايدا جەتكىزىپ بەرەتىن قىزمەتتەردى پايدالانعان دۇرىس. سونداي-اق، مەديتسينالىق ماسكا كيىپ، انتيسەپتيكالىق قۇرالداردى پايدالانۋدى ۇمىتپاۋ كەرەكتىگىن ەسكە سالادى دارىگەرلەر.

قاراعاندى وبلىسىنىڭ اعىمداعى جاعدايى مەن كوروناۆيرۋستىق ينفەكتسيانىڭ الدىن الۋ ءىس-شارالارى تۋرالى سۇراقتاردى وبلىستىق دەنساۋلىق ساقتاۋ باسقارماسىنىڭ call-ورتالىعىنىڭ (8-7212) 955-559 ءنومىرى بويىنشا قويۋعا بولادى.

 

قاراعاندى وبلىسى

سوڭعى جاڭالىقتار

ەرتەڭ قىزىلوردادا كۇن كۇرت ىسيدى

ايماقتار • بۇگىن، 17:22

اقمولادا 3 ادام سۋعا كەتتى

ايماقتار • بۇگىن، 13:42

ۇقساس جاڭالىقتار