ايماقتار • 17 ناۋرىز، 2020

جامبىل وبلىسىنىڭ ازىق-ت ۇلىك قورى 2-3 ايعا جەتەدى

39 رەتكورسەتىلدى

ەلىمىزدە توتەنشە جاعدايدىڭ ەنگىزىلۋىنە بايلانىستى جامبىل وبلىسىنىڭ ساۋدا ورىندارى كۇشەيتىلگەن تارتىپتە جۇمىس ىستەۋدە. سوعان سايكەس، وڭىردەگى الەۋمەتتىك ماڭىزى بار ازىق-ت ۇلىك قورى جەرگىلىكتى، حالىقتىڭ قاجەتتىلىگىن 2-3 ايعا قامتاماسىز ەتە الادى.

جامبىل وبلىسى اكىمىنىڭ ورىنباسارى نۇرجان كالەندەروۆتىڭ ايتۋىنشا، بۇگىندە ءوڭىردىڭ كوكونىس ساقتاۋ قويمالارى مەن وزگە دە قويمالارىندا 16،1 مىڭ توننا ازىق-ت ۇلىك قورى بار. ونىڭ ىشىندە كارتوپ - 1210 توننا، پياز - 5459 توننا، ءسابىز - 7 363 توننا، ءسۇت ونىمدەرى - 675 توننا جانە قىرىققابات 67 توننا بولادى. سونداي-اق بولشەك ساۋدا نىساندارىندا 1،7 مىڭ توننادان استام كوكونىس ونىمدەرى، 350 توننا ەت، 1008 توننا ۇن، 488 توننا كۇرىش، 254 توننا قاراقۇمىق، 165 توننا ماكارون ونىمدەرى، 300 توننا وسىمدىك مايى جانە باسقا دا ازىق-ت ۇلىك تاۋارلارى بار.

«بۇدان باسقا، وبلىستىڭ تۇراقتاندىرۋ قورىندا 1،3 مىڭ توننا كوكونىس ونىمدەرى، 2،6 مىڭ توننا قانت، 3 مىڭ توننا ۇن جانە باسقا دا ءبىرىنشى قاجەتتىلىكتەگى تاۋار قورى ساقتالعان. بۇل رەتتە، كۇن سايىن بازارلار مەن قويمالارعا ءبىرىنشى قاجەتتىلىك ونىمدەرىنىڭ قوسىمشا كولەمى تۇسۋدە. وبلىس اكىمدىگى جانىنداعى جۇمىس توبى الەۋمەتتىك ماڭىزى بار ازىق-ت ۇلىك ونىمدەرىنە كۇندەلىكتى مونيتورينگ جۇرگىزۋدە. تاۋارلاردىڭ قۇنىن نەگىزسىز ءوسىرۋ فاكتىلەرى تىركەلمەدى» دەيدى نۇرجان كالەندەروۆ.

ايتا كەتەيىك، جامبىل وبلىسىنىڭ اكىمدىگىندە سەنىم تەلەفونى قۇرىلعان. وسىعان وراي  وبلىستىڭ ءاربىر تۇرعىنى الەۋمەتتىك-ماڭىزدى تاۋارلار باعالارىنىڭ نەگىزسىز ءوسۋ فاكتىلەرى بولعان جاعدايدا قۇرىلعان سەنىم تەلەفونىنا حابارلاسا الادى. سونداي-اق بۇگىنگى تاڭدا ءوڭىردىڭ ازىق-ت ۇلىك نارىعىنداعى احۋال تۇراقتى. وبلىس اۋماعىنداعى ساۋدا ورىندارىندا تولاسسىز كەزەكتە تۇرۋ جاعدايلارى تىركەلمەگەن.

 

جامبىل وبلىسى

   

 

 

   

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار