ايماقتار • 12 ناۋرىز، 2020

شىمكەنتتە سىبايلاس جەمقورلىققا قارسى قىزمەت پەن قوعام بەلسەندىلەرى جول ساپاسىن تەكسەرۋدە

32 رەتكورسەتىلدى

قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتى، «جول اكتيۆتەرىنىڭ ۇلتتىق ساپا» ورتالىعىنىڭ قالالىق فيليالى مەن ارنايى مونيتورينگتىك توپ، «شىمكەنت-ادالدىق الاڭى» جوبالىق كەڭسەسى وكىلدەرى جول قۇرىلىسى بارىسىن باقىلاۋ ماقساتىندا رەيدتىك ءىس- شارالار وتكىزدى.

بۇل جولى «نۇرتاس» شاعىن اۋدانىندا سالىنىپ جاتقان جولدار قوعامدىق جانە ۆەدومستۆولىق باقىلاۋعا الىندى.

ارنايى جىلجىمالى زەرتحانانى قولدانۋ ارقىلى جول توسەمەسىن، تروتۋارلاردى، سونداي-اق تراسسا ەنىن ولشەۋ جۇزەگە اسىرىلدى.

الىنعان ۇلگىلەر ارنايى ساراپتاماعا جىبەرىلىپ، ناتيجەسىندە سالىنىپ جاتقان وبەكتىگە ءتيىستى باعا بەرىلەتىن بولادى.

«جول اكتيۆتەرىنىڭ ۇلتتىق ساپا» ورتالىعىنىڭ قالالىق فيليالى وكىلدەرىنىڭ ايتۋىنشا، بۇزۋشىلىقتار انىقتالعاننان كەيىن مەردىگەرلەرگە بۇزۋشىلىقتاردى جويۋ ءۇشىن مەرزىم بەلگىلەنەدى، سودان كەيىن جول ۋچاسكەسىن نۇسقامانىڭ ورىندالۋى تۇرعىسىنان قايتا تەكسەرۋ جۇزەگە اسىرىلادى.

ءوز كەزەگىندە سىبايلاس جەمقورلىققا قارسى قىزمەت وكىلدەرى وسى تۇرعىداعى ءىس-شارالار مامانداردىڭ قاتىسۋىمەن جۇيەلى تۇردە وتەتىنىن اتاپ ءوتتى.

سونىمەن قاتار قازىرگى ۋاقىتتا «اشىق بيۋدجەتتەردىڭ ينتەراكتيۆتى كارتاسى» جوباسى جۇزەگە اسىرىلۋدا، وندا كەز كەلگەن ازامات مەملەكەتتىك ورگانداردىڭ بيۋدجەت قاراجاتىن يگەرۋ جونىندەگى اقپاراتپەن تانىسۋعا مۇمكىندىگى بار ەكەندىگى اتاپ ءوتىلدى. مۇندا جول قۇرىلىسىنا بولىنگەن قاراجات تا جاريالانادى. 

جالپى، «ساپالى جول» جوباسىن ىسكە اسىرۋ كەزەڭىندە 10-عا جۋىق رەيدتىك ءىس-شارالار ۇيىمداستىرىلىپ، وندا 70-تەن استام بۇزۋشىلىق انىقتالدى، ولاردىڭ بىرقاتارى جويىلدى.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ەكى قىلمىستىق توپ ۇستالدى

ايماقتار • 05 ماۋسىم، 2020

ۇقساس جاڭالىقتار