ايماقتار • 10 ناۋرىز، 2020

جەتىلدىرىلگەن ءالىپبي نۇسقاسىن تالقىلادى

99 رەتكورسەتىلدى

بۇگىنگى تاڭدا ەلىمىزدە قازاق ءتىلىن لاتىن الىپبيىنە كوشىرۋگە بايلانىستى جۇيەلى جۇمىستار جۇرگىزىلىپ كەلەدى. دەي تۇرعانمەن، مەملەكەت باسشىسى قاسىم-جومارت توقاەۆ ءالىپبيدى لاتىن قارپىنە كوشىرۋ تۋرالى تاريحي شەشىمنىڭ قابىلدانعانىنا ەكى جىلعا جۋىقتاسا دا، بىراق قارپىمىزدە ءالى دە ولقىلىقتار بار ەكەنىن ايتا كەلىپ، ءتىل ماماندارى جاڭا ءالىپبيدى جەتىلدىرۋى كەرەكتىگىن تاپسىرعان بولاتىن.

وسى ورايدا جامبىل وبلىستىق تىلدەردى دامىتۋ باسقارماسىنىڭ ۇيىمداستىرۋىمەن قازاقستان رەسپۋبليكاسى پرەزيدەنتىنىڭ لاتىننەگىزدى قازاق ءتىلى ءالىپبيىن جەتىلدىرۋگە قاتىستى تاپسىرماسىنا جانە قازاقستان رەسپۋبليكاسى پرەمەر-ءمينيسترىنىڭ ورىنباسارى بەكىتكەن «قازاق ءتىلىنىڭ لاتىن گرافيكاسى نەگىزىندەگى ءالىپبيىن جەتىلدىرۋ بويىنشا 2020-2025 جىلدارعا ارنالعان ءىس-شارالار جوسپارىنا» سايكەس، ءوڭىردىڭ جوعارى، تەحنيكالىق جانە كاسىپتىك ءبىلىم بەرۋ مەكەمەلەرىنىڭ فيلولوگ عالىمدارى مەن وقىتۋشىلارى اراسىندا اشىق تالقىلاۋ ءوتتى. اتالعان جيىندى وبلىستىق تىلدەردى دامىتۋ باسقارماسىنا قاراستى «تىلدەردى وقىتۋ ورتالىعى» مەكەمەسىنىڭ ديرەكتورى گۇلحان الىمبەكوۆا اشىپ، جۇرگىزىپ وتىردى. فيلولوگتاردىڭ نازارىنا ورفوگرافيالىق، ادىستەمەلىك، تەرمينولوگيالىق جانە ءىت-سۇيەمەلدەۋ جۇمىس توبىنىڭ بىرلەسكەن وتىرىسىندا ماقۇلدانعان جەتىلدىرىلگەن ءالىپبي نۇسقاسى ۇسىنىلدى.

بۇل رەتتە جيىنعا كەلگەن ءتىل ماماندارى لاتىن الىپبيىنە قاتىستى وزدەرىنىڭ وي-پىكىرلەرىن ايتتى. م.ح.دۋلاتي اتىنداعى تاراز مەملەكەتتىك ۋنيۆەرسيتەتى الەۋمەتتىك عىلىمدار فاكۋلتەتى «فيلولوگيا جانە جۋرناليستيكا» كافەدراسىنىڭ مەڭگەرۋشىسى، فيلولوگيا عىلىمدارىنىڭ كانديداتى، دوتسەنت كۇلزينات قارىمباەۆا، م.ح.دۋلاتي اتىنداعى تاراز مەملەكەتتىك ۋنيۆەرسيتەتىنىڭ اعا وقىتۋشىسى بالميرا مىرزاباەۆا ءوز ويلارىن ورتاعا سالدى. عالىمدار جەتىلدىرىلگەن ءالىپبي قۇرامىندا 31 ءارىپ بار ەكەنىن، ونىڭ تورتەۋى ۋملاۋت، برەۆيس، ماكرون، سەديل دياكريتيكالىق تاڭباسى ارقىلى بەرىلگەنىن، ءاربىر دياكريتيكالىق بەلگى ءتىلىمىزدىڭ دىبىستىق ەرەكشەلىگىنە قاراي داۋىستى جانە داۋىسسىز دىبىس تاڭباسىنىڭ بولەك ەكەنىن، الىپبيدەگى ءار دياكريتيكانىڭ ءوز قىزمەتى بار ەكەنىن اتاپ ءوتتى. سونداي-اق، جيىندا وزگە دە ءتىل ماماندارى لاتىن الىپبيىنە قاتىستى وزدەرىنىڭ پىكىرلەرىن ايتىپ، بۇل وقىلىم ۇدەرىسىن جەڭىلدەتەتىنىن، ءتىلىمىزدىڭ دىبىستىق قورىنىڭ الىپبيدە ايقىن كورىنۋىن قامتاماسىز ەتەتىنىن، سوندىقتان دا عالىمداردىڭ شارتتى تۇردە بۇل نۇسقانى ءتىلىمىزدىڭ دىبىستىق جۇيەسىن ايقىن كورسەتەتىن نۇسقا دەپ اتاپ وتىرعانىن جەتكىزدى. تالقىلاۋ بارىسىندا ۇسىنىلعان قورىتىندىلار مەن پىكىرلەر ەلىمىزدىڭ مادەنيەت جانە سپورت مينيسترلىگى ءتىل ساياساتى كوميتەتىنە جولداناتىن بولادى.

 

جامبىل وبلىسى

سوڭعى جاڭالىقتار

ەلدىك نىشاندار تاريحى

قازاقستان • كەشە

ۇقساس جاڭالىقتار