رۋحانيات • 08 ناۋرىز، 2020

ديماش قۇدايبەرگەن ريگادا ونەر كورسەتتى

250 رەتكورسەتىلدى

لاتۆيا استاناسىندا ديماش قۇدايبەرگەننىڭ كونتسەرتى ءوتتى. جانكۇيەرلەر ءانشىنى زور قوشەمەتپەن قارسى العان. بۇل تۋرالى egemen.kz ءتىلشىسى dimashnews.com-عا سىلتەمە جاساپ حابارلايدى.

ءانشىنىڭ الەمنىڭ 30-دان استام ەلىنەن كەلگەن جانكۇيەرلەرى اتى اڭىزعا اينالعان «ريگا-ارەنا» ستاديونىندا باس قوستى.

م

سپورت سارايىندا ينە شانشار ورىن جوق. زالداعى اتموسفەرا تاڭداي قاقتىرادى، ونداعى كورەرمەننىڭ بارلىعى كوتەرىڭكى كوڭىل-كۇيدە. مۇنى ولاردىڭ بەت-جۇزىنەن انىق بايقاۋعا بولادى.

ۆ

ءارتۇرلى ەلدەردەن جيىلعان جانكۇيەرلەردىڭ تىلەكتەرى ءبىر ارنادا توعىسىپ، كەرەمەت كۇي كەشۋدە. ولار ءبىر ۇلكەن وتباسى سياقتى، سۇيىكتى انشىلەرىنە شىنايى ىقىلاستارىمەن قۇرمەت بىلدىرۋدە.

ۋ

كوپشىلىكتىڭ قولىندا جالاۋلار جەلبىرەيدى، ديماشتى قولدايتىن ۇراندار جازىلعان پلاكاتتار بار. ولار ماڭدايىندا «DEARS» دەگەن جازۋى بار باس كيىمدەر كيىپ، جۇرەك تۇرىندەگى ۇلكەن اشىقحاتتار ۇستاپ العان.

سونداي-اق الەمگە تانىمال قازاقستاندىق ءانشى ديماش قۇدايبەرگەن ءوز كونتسەرتىندە نازىك جانداردى حالىقارالىق ايەلدەر كۇنى مەرەكەسىمەن قۇتتىقتادى.

«بارشاڭىزدى 8 ناۋرىز مەرەكەسىمەن قۇتتىقتايمىن! سىزدەرگە بارلىق جاقسىلىقتى، ياعني باقىت، ماحاببات، وتباسىنىڭ اماندىعىن تىلەيمىن. ارماندارىڭىز ورىندالىپ، بالالارىڭىز لايىقتى ادام بولىپ ءوسسىن. ەرلەرىڭىز ۇنەمى جاندارىڭىزدا بولسىن»، - دەدى ول.

ءانشىنىڭ قۇتتىقتاۋى جازىلعان ۆيدەونى Instagram-داعى ەستوندىق ونەرسۇيەر قاۋىم جاريالاعان.

ەسكە سالا كەتەيىك، 9 ناۋرىزدا ديماش قۇدايبەرگەن ماسكەۋدە، 11 ناۋرىزدا – كيەۆتە، 19 ناۋرىزدا – گامبۋرگتە، 21 ناۋرىزدا – ديۋسسەلدورفتا، 25 ناۋرىزدا – پراگادا، 29 ناۋرىزدا – شتۋتگارتتا، ال 4 ساۋىردە مينسكتە كونتسەرت بەرەدى دەپ كۇتىلۋدە.

 

 

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار