ايماقتار • 03 ناۋرىز، 2020

قاراعاندىدا ستۋدەنتتەردىڭ رەسپۋبليكالىق ايتىسى ءوتتى

86 رەتكورسەتىلدى

قاراعاندى مەملەكەتتىك تەحنيكالىق ۋنيۆەرسيتەتىندە اباي قۇنانباەۆتىڭ 175 جىلدىعىنا ارنالعان «ولەڭ – ءسوزدىڭ پاتشاسى» اتتى رەسپۋبليكالىق ايتىس ءوتتى. ستۋدەنتتەر اراسىنداعى بۇل جىر بايگەسىنە نۇر-سۇلتان، سەمەي، قىزىلوردا، پاۆلودار، الماتى، شىمكەنت جانە قاراعاندى قالالارىنان 18 جاس اقىن قاتىسىپ، ايتىس الامانىنىڭ كورىگىن قىزدىردى.

قارمتۋ-دىڭ تاربيە ءىسى جونىندەگى پرورەكتورى نازىم الپىسباەۆا ءبىلىم ورداسىندا رۋحانيات ماسەلەسىنە ەرەكشە كوڭىل بولىنەتىنىن اتاپ ءوتتى.

– قارمتۋ تەحنيكالىق باعىتتاعى مامانداردى دايارلايتىن وقۋ ورنى بولعانىمەن، ءبىز ستۋدەنتتەردى پاتريوتتىق رۋحتا تاربيەلەۋگە، ولاردىڭ مادەني دەڭگەيىن ارتتىرۋعا ايرىقشا ءمان بەرىپ وتىرامىز، – دەدى پرورەكتور حانىم.

 جىردان مارجان تەرگەن شايىرلارعا باعانى قۇرامىندا قاراعاندى وبلىسىنىڭ ايتىسكەرلەرى مەن اقىندارى كىرگەن قازىلار القاسى بەردى. ولاردىڭ اراسىندا ايتىسكەرلەر قۋانىش ماقسۇتوۆ، ديدار حاميەۆ جانە بەلگىلى اقىن ميراس اسان بولدى. ال قازىلار القاسىنا فيلولوگيا عىلىمدارىنىڭ دوكتورى، پروفەسسور امانجول التاەۆ جەتەكشىلىك ەتتى.

ەلباسى وقىعان ءبىلىم ورداسىن ءدۇلدۇل جىرمەن دۇبىرگە بولەگەن ايتىستا باس جۇلدە قاراعاندى مەملەكەتتىك تەحنيكالىق ۋنيۆەرسيتەتىنىڭ ستۋدەنتى دوسكەي بوتپايعا بۇيىردى. قازىلار القاسى ءبىرىنشى جۇلدەگە ەلوردادان كەلگەن اقبوتا ماناربەكوۆا لايىقتى دەپ تانىسا، ەكىنشى ورىنعا قارمتۋ-دىڭ تاعى ءبىر ستۋدەنتى بەكارىس وسپانوۆ يە بولدى. ال الماتىداعى «قاينار» اكادەمياسىنىڭ ستۋدەنتى جاقسىلىق اپۋاجانوۆ ءۇشىنشى جۇلدەنى قاناعات ەتتى.

جەڭىمپازدار مەن جۇلدەگەرلەر ديپلومدار جانە اقشالاي سەرتيفيكاتتارمەن ماراپاتتالدى.

قارمتۋ-دىڭ پرورەكتورى نازىم الپىسباەۆا الداعى ۋاقىتتا تەحنيكالىق ءبىلىم وشاعى  رەسپۋبليكالىق ايتىستىڭ گەوگرافياسىن كەڭەيتىپ، قاتىسۋشىلار سانىن كوبەيتۋدى كوزدەپ وتىرعانىن ءمالىم ەتتى.

  

قاراعاندى وبلىسى

سوڭعى جاڭالىقتار

الماتىدا تاعى 37 ادام Covid-199 جۇقتىرعان

كوروناۆيرۋس • بۇگىن، 10:20

الاشتىڭ ارداقتىسى ۇلىقتالدى

رۋحانيات • بۇگىن، 10:02

تاپا-تالتۇستەگى توتەنشە جاعداي

ايماقتار • بۇگىن، 08:55

ەرتىستىڭ سۋى ەگىستىككە پايدالى

ايماقتار • بۇگىن، 08:40

ۇقساس جاڭالىقتار