ايماقتار • 18 اقپان، 2020

جامبىل وبلىسىندا «ۆولونتەر دارىگەرلەر قوزعالىسى» قۇرىلدى

32 رەتكورسەتىلدى

بيىلعى جىل مەملەكەت باسشىسى قاسىم-جومارت توقاەۆتىڭ باستاماسىمەن «ۆولونتەر جىلى» دەپ جاريالانعان بولاتىن. پرەزيدەنتتىڭ قاتىسۋىمەن وتكەن «Birgemiz» اتتى رەسپۋبليكالىق ۆولونتەرلەر فرونت-ءوفيسىنىڭ اشىلۋ راسىمىندە «ساۋلىق»، «تازا الەم»، «اسىل مۇرا»، «قامقور»، ء«بىلىم»، ء«ۇمىت» اتتى ەرىكتىلىك قىزمەتتىڭ نەگىزگى 6 باسىم باعىتى بەلگىلەنگەن ەدى.

بۇگىن جامبىل وبلىسىندا ۆولونتەرلىكتىڭ «ساۋلىق» باعىتى بويىنشا مەديتسينالىق ۆولونتەرلىكتى دامىتۋ ءۇشىن «تازا جۇرەك» جوباسى تانىستىرىلدى. جامبىل وبلىستىق جاستار ساياساتى ماسەلەلەرى باسقارماسىنىڭ باستاماسىمەن جانە «عىلىمي-كلينيكالىق كارديوحيرۋرگيا جانە ترانسپلانتولوگيا ورتالىعىنىڭ» باس دارىگەرى سەيىتحان جوشىباەۆتىڭ قولداۋىمەن وڭىردە «ۆولونتەر دارىگەرلەر قوزعالىسى» قۇرىلدى.

اتالعان جوبانىڭ ماقساتى – تاراز قالاسىنداعى مەديتسينالىق كوللەدجدىڭ جوعارى كۋرس ستۋدەنتتەرىن جوباعا قاتىستىرا وتىرىپ، وبلىس تۇرعىندارى اراسىنداعى جۇرەك اۋرۋىنىڭ الدىن الۋ، ناقتى ستاتيستيكالىق مالىمەت جاساقتاۋ، مەديتسينالىق ۆولونتەرلىكتى قولداۋ جانە ىسكە اسىرۋ بولىپ تابىلادى. قوزعالىس جامبىل وبلىسى تۇرعىندارى اراسىندا قان اينالىم جۇيەسى اۋرۋلارىنا قارسى كۇرەستىڭ 2020-2022 جىلدارعا ارنالعان «تازا جۇرەك» باعدارلاماسىن جۇزەگە اسىراتىن بولادى.

جامبىل وبلىسى

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار