ايماقتار • 18 اقپان، 2020

بەردىبەك ساپارباەۆ جامبىل گرەس ماسەلەسىن شەشۋدى تاپسىردى

103 رەتكورسەتىلدى

جامبىل وبلىسىنىڭ اكىمى بەردىبەك ساپارباەۆ تاراز قالاسىنداعى تۇرعىن ءۇي-كوممۋنالدىق، ەنەرگەتيكالىق جانە ونەركاسىپتىك نىسانداردىڭ جۇمىسىمەن تانىستى. 1967 جىلدان بەرى ۇزدىكسىز جۇمىس اتقارىپ كەلە جاتقان «ت. ي. باتۋروۆ اتىنداعى جامبىل گرەس» كاسىپورنىنىڭ سوڭعى ۋاقىتتا جۇكتەمەسى 30 پايىزعا دەيىن تومەندەپ كەتكەن. اتالعان كاسىپورىن جۇمىسىمەن تانىسقان اكىم ونداعى شۇعىل شەشىلۋى قاجەت باستى ماسەلەلەردى اتاپ ءوتتى.

ول بويىنشا ءتيىستى سالالىق باسقارماعا تۇرعىندار ءۇشىن ءتاريفتى تومەندەتۋ مۇمكىندىكتەرىن قاراستىرۋ ماقساتىندا باعا بەلگىلەۋ شارالارىنا مونيتورينگ جۇرگىزۋدى تاپسىردى. ونداعى تۇپكى ماقسات – باسەكەلەستىك ورتاداعى باعانى قالىپتاستىرۋ، تۇتىنۋشىلار سانىن ارتتىرۋ جانە كاسىپورىندى كەزەڭ-كەزەڭىمەن تولىق قۋاتقا شىعارۋ.

تالداۋ جۇرگىزىلىپ، قاجەتتى ۇسىنىستار ازىرلەنگەننەن كەيىن قالىپتاسقان جاعدايدى شەشۋ ماقساتىندا بەردىبەك ساپارباەۆ ەنەرگەتيكا مينيسترلىگىنىڭ جانە KEGOC وكىلدەرىنىڭ قاتىسۋىمەن جيىن وتكىزۋدى جوسپارلاۋدا. بەردىبەك ساپارباەۆ بۇل ورايدا ەنەرگەتيكالىق كاسىپورىننىڭ اكتسيونەرلەرى دە ءوز ۇلەسىن قوسۋى ءتيىس ەكەنىن اتاپ ءوتتى. كەلەسى كەزەكتە اكىم «جامبىل سۋ» مەملەكەتتىك كوممۋنالدىق كاسىپورنىندا بولىپ، سۋمەن قامتۋ مەكەمەسىنىڭ جانە ونداعى حالىققا قىزمەت كورسەتۋ ورتالىعىنىڭ جۇمىسىمەن تانىستى. 98،5 مىڭ ابونەنتكە قىزمەت كورسەتەتىن كاسىپورىننىڭ قۇرىلىمى قىزمەت كورسەتۋگە نەگىزدەلگەن. تۇتىنۋشىلاردىڭ باسىم بولىگى جەكە تۇلعالار. الايدا بۇگىندە اتالعان كاسىپورىننىڭ سۋ مەن كارىز جۇيەلەرىنىڭ توزۋى، دەبيتورلىق بەرەشەك، سۋ ەسەپتەۋ قۇرالدارىن ورناتۋ، ەۋروپالىق قايتا قۇرۋ جانە دامۋ بانكىمەن بىرلەسىپ كاسىپورىندى جاڭعىرتۋ جونىندەگى جوبانى ىسكە اسىرۋ باستى ماسەلەگە اينالىپ وتىر. ال، «تارازەنەرگوتسەنتر» اق وبلىس ورتالىعى تۇتىنۋشىلارىنىڭ 80 پايىزىن قامتاماسىز ەتە وتىرىپ، جىلۋ جانە ەلەكتر ەنەرگياسىن وندىرۋمەن جانە تاراتۋمەن اينالىساتىن مەكەمە. ول ءۇشىن گاز جانە مازۋت وتىندارى پايدالانىلادى. بۇل كاسىپورىننىڭ دا نەگىزگى جەلىلەرى توزعان دەسەك، كەلەسى جىلى ونداعى قۋات ءوندىرۋشى  مەن قوسالقى قۇرىلعىلاردى قايتا جاڭارتۋ شارالارى جوسپارلانۋدا. ول جۇمىستاردىڭ جالپى قۇنى 160 ميلليون اقش دوللارىنان اسادى دەپ جوسپارلانعان. قازىرگى تاڭدا  جوبانىڭ تەحنيكالىق-ەكونوميكالىق نەگىزدەمەسى دايىن، مەملەكەتتىك ساراپتامادان وتكەن. اتالعان جوبا ىسكە اسقان جاعدايدا تاراز قالاسىنىڭ تۇرعىندارىن جىل بويى ىستىق سۋمەن قامتاماسىز ەتۋ ماسەلەسى شەشىلەتىن بولادى.

سونىمەن قاتار بەردىبەك ساپارباەۆ «قازفوسفات» جشس-ءنىڭ مينەرالدى تىڭايتقىشتار زاۋىتى مەن جاڭا جامبىل فوسفور زاۋىتىن ارالادى. وتكەن جىلدىڭ قورىتىندىسى بويىنشا مينەرالدى تىڭايتقىشتار زاۋىتى 45،7 ميلليارد تەڭگەنىڭ ءونىمىن، ال فوسفور زاۋىتى 98،9 ميلليارد تەڭگەنىڭ ءونىمىن وندىرگەن. اكىم مۇنداعى تەحنولوگيانىڭ قۇرىلىمىمەن، باسىم بولىگى ەكسپورتتالاتىن دايىن ءونىمنىڭ ۇلگىلەرىمەن تانىستى. مۇندا ءوندىرىس قالدىقتارىن جيناۋعا جانە كەيىننەن كادەگە جاراتۋعا ارنالعان الاڭداردىڭ جەتىسپەۋشىلىگى ماسەلەسى تۋىنداپ وتىر. حيميا ونەركاسىبىنىڭ الىبى بۇگىندە ءوز جۇمىسىن 2019-2025 جىلدارعا ارنالعان دامۋ ستراتەگياسىنا  سايكەس اتقارۋدا. وسى تۇرعىدا 114،3 ميلليارد تەڭگە مولشەرىندە ينۆەستيتسيا تارتۋ كوزدەلگەن.

 

جامبىل وبلىسى

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار