ايماقتار • 16 اقپان، 2020

ابىلقايىر سقاقوۆ ەسەپتى كەزدەسۋىن بايانداماسىز وتكىزدى

51 رەتكورسەتىلدى

جاڭادان تاعايىندالعان وبلىس اكىمى ابىلقايىر سقاقوۆ  حالىقپەن وتكىزەتىن ەسەپتى كەزدەسۋىنەن ءبىر كۇن بۇرىن قوعامدىق كەڭەس وكىلدەرى الدىندا ء«وڭىردىڭ الەۋمەتتىك-ەكونوميكالىق دامۋىنىڭ قورىتىندىلارى» تۋرالى بايانداما جاسادى.                 

- قادىرلى جەرلەستەر! مەن سىزدەرگە قۇرعاق سانداردى ايتا بەرمەي، ءىستىڭ توقەتەرىنە كوشسەم، قارسىلىق بولمايدى دەپ ويلايمىن. وبلىس اكىمدىگىنە قويىلعان باستى مىندەت – ءوڭىر تۇرعىندارىنىڭ ءومىرىن جاقسارتۋ. سوندىقتان، وسى ماقساتپەن ارامىزدا تۇراقتى ديالوگ قۇرۋدى ۇسىنامىن، - دەپ باستادى وبلىس اكىمى ابىلقايىر سقاقاوۆ ەكىنشى كۇنى ەسەپتىك  كەزدەسۋىن.

ارينە، بۇل جاقسى باستاما، ەسەپتىك كەزدەسۋدىڭ قالىپتاسقان فورماتىن  وزگەرتىپ، باسقاشا وتكەنىن  تۇرعىندار دا دۇرىس دەپ قابىلدادى.

ءبىر ساعات سارىلىپ  ۇزىن-سونار بايانداما تىڭداپ وتىرعانشا-ناقتى ماسەلەگە وبلىس تۇرعىندارىن قانداي سۇراقتار مازالايدى دەگەن ماسەلەلەرگە نازار اۋداردى.

ول ماسەلەلەر  باسپانا، ەكىنشىدەن، بۇكىل سۇراقتار، وتىنىشتەر  كوممۋنالدىق شارۋاشىلىققا قاتىستى. حالىقتى الاڭداتاتىن ءۇشىنشى ماسەلە – اتاۋلى الەۋمەتتىك كومەك. ادامداردىڭ كوبىسى ونىڭ جاڭا فورماتى تۋرالى سۇراقتار قويۋدا.  

سونىمەن، تۇرعىن ءۇي قۇرىلىسى، تۇرعىن ءۇي-كوممۋنالدىق شارۋاشىلىعى، شاعىن جانە ورتا بيزنەستى دامىتۋ، ءبىلىم، دەنساۋلىق سالالارى، ەكولوگيانىڭ تازالىعى، جۇمىسپەن قامتۋ – وبلىس باسشىلىعى ءۇشىن ەڭ وزەكتى ماسەلەلەر.

وبلىستاعى اۋىلداردىڭ جاعدايى ايماقتىق ستاندارتتارعا ساي ەمەس. بيىلعى جوسپارىمىزدا 18 اۋىلدى كوركەيتۋ. بۇل ماقساتقا 3 ملرد. 400 ميلليون تەڭگە بولىنبەك.

- ەل پرەزيدەنتى قاسىم-جومارت توقاەۆ حالىققا جولداۋىندا «بيلىك پەن قوعام اراسىندا تۇراقتى ديالوگ ورناتۋ ارقىلى قازىرگى گەوساياسي احۋالعا بەيىمدەلگەن ۇيلەسىمدى مەملەكەت قالىپتاستىرۋعا بولادى» دەگەن ەدى. ءبىز «حالىق ۇنىنە قۇلاق اساتىن مەملەكەت» كونتسەپتسياسىن ىسكە اسىرۋدى باستايمىز، - دەدى وبلىس اكىمى.

كەزدەسۋگە كەلگەن اۋىل، قالا حالقى  جاڭادان تاعايىندالعان وبلىس اكىمىنە   وزدەرىن تولعاندىرعان سۇراقتارىن  ايتىپ، اكىممەن ديالوگ بارىسىندا جاۋاپتارىن الا الدى.  

- ءبىزدىڭ مىندەتىمىز وسى جەتىستىكتەردى ساقتاۋ. مەن وسى وڭىردە تۋىپ-وسكەن ازامات رەتىندە وبلىسىمىزدى وركەندەتۋگە بار ءبىلىم مەن كۇشىمدى جۇمسايمىن، - دەدى ابىلقايىر سقاقوۆ.

پاۆلودار وبلىسى

سۋرەتتى تۇسىرگەن: ۆالەري بۋگاەۆ

سوڭعى جاڭالىقتار

بەنزين باعاسى ارزاندادى

ەكونوميكا • كەشە

14 وتباسىعا قول ۇشىن سوزدى

قازاقستان • كەشە

ۇقساس جاڭالىقتار