پرەزيدەنت • 16 اقپان، 2020

پرەزيدەنت ميۋنحەن قاۋىپسىزدىك كونفەرەنتسياسىندا ءسوز سويلەدى

207 رەتكورسەتىلدى

گەرمانيا فەدەراتيۆتى رەسپۋبليكاسىنىڭ ميۋنحەن قالاسىندا ادامزاتتىڭ قاۋىپسىزدىگى مەن الەمدى الاڭداتقان ماسەلەلەر تالقىعا تۇسەتىن ەڭ ءىرى ساياسي شارالاردىڭ ءبىرى – 56-شى ميۋنحەن قاۋىپسىزدىك كونفەرەنتسياسى ءوتىپ جاتىر. مەملەكەت باسشىسى قاسىم-جومارت توقاەۆ «گەوگرافيالىق ورنالاسۋدىڭ ماڭىزى: ورتالىق ازياداعى قازىرگى جاعداي» تاقىرىبىنداعى پىكىرتالاسقا قاتىسۋدا.

حالىقارالىق قاتىناستار كەڭەسىنىڭ پرەزيدەنتى ريچارد حااس تىزگىندەپ وتىرعان پىكىرتالاسقا مەملەكەت باسشىسى قاسىم-جومارت توقاەۆ پەن اۋعانستان يسلام رەسپۋبليكاسىنىڭ پرەزيدەنتى مۇحاممەد اشراف عاني قاتىسىپ جاتىر.

العاشقى بولىپ ءسوز العان ق.توقاەۆ گەوگرافيالىق ورنالاسۋدىڭ ماڭىزى تۋرالى ءسوز قوزعادى. «قازاقستان جەر كولەمى بويىنشا 9-ورىنداعى مەملەكەت. بۇل، البەتتە، بىزگە كوپتەگەن مۇمكىندىك پەن جول اشادى. رەسەي، قىتايمەن كورشىلەس بولۋدىڭ دا ارتىقشىلىقتارى بار. ورتاق شەكارا تىعىز قارىم-قاتىناس ورناتۋعا مۇمكىندىك بەرەدى.

قازاقستان – ورتالىق ازيادا ماڭىزعا يە مەملەكەتتەردىڭ ءبىرى. ورتالىق ازيا دا كۇننەن كۇنگە دامىپ جاتىر. مەنىڭ ويىمشا،  ايماق ءوزىنىڭ گەوساياسي ماڭىزىن جوعالتپايدى»، دەدى مەملەكەت باسشىسى.

ريچارد حااستىڭ ەنەرگيا كوزدەرى تۋرالى سۇراعىنا پرەزيدەنت «مەملەكەتىمىز ءتۇرلى ەنەرگيا كوزدەرىنە يە. بۇل دا ءبىر ارتىقشىلىق. سونىمەن بىرگە جاڭا سايلانعان پرەزيدەنت رەتىندە تسيفرلاندىرۋ سالاسىنا دا باسىمدىق بەرەتىنىمىزدى ايتىپ وتكىم كەلەدى. ەكونوميكانىڭ دامۋى ءۇشىن جاڭا جوبالار مەن باعدارلامالاردىڭ قاجەت ەكەنىن تۇسىنەمىز»، دەدى ق.توقاەۆ.

سوڭعى جاڭالىقتار

بەنزين باعاسى ارزاندادى

ەكونوميكا • كەشە

14 وتباسىعا قول ۇشىن سوزدى

قازاقستان • كەشە

ۇقساس جاڭالىقتار