پرەزيدەنت • 15 اقپان، 2020

قاسىم-جومارت توقاەۆ «Siemens AG» باسقارما توراعاسى دجو كەزەرمەن جۇزدەستى

88 رەتكورسەتىلدى

پرەزيدەنت قاسىم-جومارت توقاەۆ گەرمانياعا جۇمىس ساپارى اياسىندا Siemens AG كومپانياسىنىڭ باسقارما توراعاسى دجو كەزەرمەن كەزدەستى.

مەملەكەت باسشىسى قازىرگى كەزدە ەلىمىزدە تسيفرلاندىرۋعا قاتىستى كوپتەگەن جاقسى باستاما قولعا الىنعاندىعىن، سونداي-اق بۇل سالادا اتقارىلاتىن ىستەر ءالى دە از ەمەستىگىن اتاپ ءوتتى.

«كوپتەگەن جاقسى باستامالار قولعا الىنعانىمەن، ناتيجە ءالى دە قۋانتپايدى. ءبىز العا جىلجىعىمىز كەلەدى» دەدى قاسىم-جومارت توقاەۆ.

وسى ورايدا قر پرەزيدەنتى بۇل سالادا تاجىريبەنى جەتىلدىرۋ قاجەتتىگى بار ەكەنىن قاداپ ايتتى. «تسيفرلاندىرۋدى جەتىلدىرمەي، ءىرى جوبالاردى ىسكە اسىرۋ مۇمكىن ەمەس. سوندىقتان بۇل سالادا دا جاڭالىقتار ەنگىزىلگەنىن قالايمىز»، - دەدى مەملەكەت باسشىسى.

دجو كەزەرمەن قازاقستاننىڭ دامۋ قارقىنى تاڭ قالدىراتىنىن جەتكىزدى. ونىڭ ويىنشا، مەملەكەتتىڭ تسيفرلاندىرۋ سالاسىندا جاقسى جەتىسىتىكتەرگە جەتۋگە مۇمكىندىكەرى مول.

«Siemens AG» كومپانياسى ەلەتروتەحنيكا، ەلەكترونيكا، ەنەرگەتيكالىق جابدىق، كولىك، مەديتسينالىق قۇرالدار، سونداي-اق ونەركاسىپ پەن بايلانىس سالالارىندا قىزمەت كورسەتىپ كەلەدى. بۇگىندە ولار گەرمانيا جانە ەۋروپالىق وداقتاعى ءىرى يندۋستريالدىق كونتسەرن بولىپ سانالادى. 1847 جىلى نەگىزى قالانعان كومپانيانىڭ شتاب-پاتەرى ميۋنحەن مەن بەرليندە ورنالاسقان. بۇگىندە 200-دەن استام ەلدە 289 كاسىپورنى جۇمىس ىستەپ كەلەدى. قىزمەتكەرلەرىنىڭ جالپى سانى 385 مىڭنان استى.

سوڭعى جاڭالىقتار

بەنزين باعاسى ارزاندادى

ەكونوميكا • كەشە

14 وتباسىعا قول ۇشىن سوزدى

قازاقستان • كەشە

ۇقساس جاڭالىقتار