پرەزيدەنت • 15 اقپان، 2020

مەملەكەت باسشىسى اۋعانستان پرەزيدەنتىمەن كەزدەستى

97 رەتكورسەتىلدى

قاسىم-جومارت توقاەۆ  قاۋىپسىزدىك جونىندەگى 56-شى ميۋنحەن كونفەرەنتسياسى اياسىندا وتكىزىپ جاتقان ەكىجاقتى كەزدەسۋلەرىن جالعاستىرۋدا. بۇل جولى مەملەكەت باسشىسى اۋعانستان رەسپۋبليكاسىنىڭ پرەزيدەنتى مۇحاممەد اشراف عانيمەن كەزدەستى.

پرەزيدەنتتەر بۇل كەزدەسۋگە قۋانىشتى ەكەنىن جەتكىزىپ، ەكىجاقتى سەرىكتەستىك ماسەلەلەرىن تالقىلاۋعا كىرىستى.

قاسىم-جومارت توقاەۆ اۋعانستاننىڭ جاقسى سەرىكتەس ەكەنىن ايتىپ ءوتتى.

ء«بىز شەكارالاس كورشى بولماساق تا، قارىم-قاتىناسىمىز جاقسى. اۋعانستانداعى وكىلدىگىمىزدىڭ ارقاسىندا ەلىڭىزدەگى ەكونوميكالىق تۇراقتىلىقتان حابارىمىز بار. پومپەو مىرزامەن قازاقستاندا كەزدەسكەنىمىزدە دە ايماقتاعى ماسەلەلەر تۋرالى سويلەسكەن ەدىك» دەدى مەملەكەت باسشىسى.

تاراپتار قازاقستان مەن اۋعانستان اراسىنداعى ساۋدا-ەكونوميكالىق، ينۆەستيتسيالىق جانە مادەني-گۋمانيتارلىق ىنتىماقتاستىقتىڭ قازىرگى احۋالى مەن پەرسپەكتيۆالارىن تالقىلاپ، حالىقارالىق ۇيىمدار اياسىنداعى ىقپالداستىقتى قاراستىردى، سونداي-اق، حالىقارالىق كۇن تارتىبىندەگى وزەكتى ماسەلەلەر بويىنشا پىكىر الماستى.

ەستەرىڭىزگە سالا كەتسەك، قازاقستان مەن اۋعانستان يسلام رەسپۋبليكاسى اراسىنداعى تاۋار اينالىمى 2019 جىلى 308،1 ملن اقش دوللارىنا باعالاندى. 2018 جىلى بۇل كورسەتكىش 402،6 ملن اقش دوللارىنا تەڭ بولعان. اۋعانستانعا قازاقستاننان نەگزىنەن ۇن، بيداي، تابيعي گاز تاسىمالدانادى. ال ءبىزدىڭ ەلگە جەمىس-جيدەكتەر مەن كارتوپ اكەلىنەدى.

سونىمەن قاتار ەكى ەل اراسىنداعى ءبىلىم باعدارلاماسى نەگىزىندە 1000-عا جۋىق اۋعان ستۋدەنتى قازاقستاندا ءبىلىم الدى. 2018 جىلى بۇل باعدارلاما قايتا قولعا الىنىپ، ناتيجەسىندە بىلتىر 31 ستۋدەنت قازاقستانعا وقۋعا كەلدى.

سوڭعى جاڭالىقتار

بەنزين باعاسى ارزاندادى

ەكونوميكا • كەشە

14 وتباسىعا قول ۇشىن سوزدى

قازاقستان • كەشە

ۇقساس جاڭالىقتار