ايماقتار • 15 اقپان، 2020

اقتوبەدە امبەباپ مەملەكەتتىك قىزمەتشىلەر دايىندالا باستادى

23 رەتكورسەتىلدى

مەملەكەت باسشىسى ق.ك.توقاەۆ مەملەكەتتىك ورگاندار الدىنا ازاماتتاردىڭ بارلىق سىندارلى ءوتىنىش-تىلەكتەرىن جەدەل ءارى ءتيىمدى قاراستىراتىن «حالىق ۇنىنە قۇلاق اساتىن مەملەكەت» قۇرۋ بويىنشا مىندەت قويدى.

بۇگىنگى كۇننىڭ تالاپتارىنا سايكەس مەملەكەتتىك قىزمەتشىلەر امبەباپ بولۋى، ياعني ءوزى قىزمەت ەتەتىن سالامەن عانا شەكتەلمەي، اعىمداعى جاعدايدى جانە اقپاراتتى تولىق يگەرۋى، مەملەكەتتىك ساياساتتىڭ نەگىزگى باعىتتارىن ءبىلۋى، حالىقتىڭ سۇرانىستارىن بارىنشا تەز جانە ساپالى قاناعاتتاندىرۋى ءتيىس. وسى رەتتە، مەملەكەتتىك قىزمەت ىستەرى دەپارتامەنتى مەملەكەتتىك باسقارۋ اكادەمياسىنىڭ فيليالىمەن جانە وبلىس اكىمدىگىمەن بىرلەسىپ، اعىمداعى جىلدىڭ باسىنان مەملەكەتتىك قىزمەتشىلەردىڭ كاسىبي باعدارلانۋىن ارتتىرۋعا باعىتتالعان جوبانى باستادى.جوباعا شارتتى تۇردە «باسقارۋشىلاردىڭ فيليالداعى ءبىر كۇنى» اتاۋى بەرىلدى. جوبانىڭ ءمانى – فيليال تىڭداۋشىلارىن نەگىزگى مەملەكەتتىك باعدارلامالارمەن، ستراتەگيالىق جوسپارلارمەن، وبلىستاعى اعىمداعى جاعدايمەن تانىستىراتىن، الداعى ۋاقىتتاعى جوسپارلارمەن بولىسەتىن ءار سالاداعى مەملەكەتتىك ورگانداردىڭ ءبىرىنشى باسشىلارىن ءدارىس وقۋشىلار رەتىندە تارتۋ ارقىلى مەملەكەتتىك قىزمەتشىلەردىڭ قۇزىرەتتىلىگىن كەڭەيتۋ جانە تۇرعىندارمەن كەرى بايلانىس ورناتۋعا ۇيرەتۋ. جالپى جوبا ءبىرىنشى كۇننەن باستاپ ناتيجەلى بولاتىندىعىن كورسەتتى. جوبانىڭ اشىلۋى جانە العاشقى دارىستەر وتكەن اعىمداعى جىلدىڭ 6 اقپانىندا وقىتۋعا قاتىسقان فيليال تىڭداۋشىلارى دەپارتامەنتتىڭ بۇل يدەياسىنا وڭ باعالارىن بەردى، ءدارىس وقۋشىلارمەن بەلسەندى اڭگىمە-دۇكەن قۇردى جانە ءوز سۇراقتارىن قويدى. جوبانىڭ ءبىرىنشى كۇنى ءدارىستى وبلىستىق كاسىپكەرلىك، اۋىل شارۋاشىلىعى جانە جەر قاتىناستارى، ءبىلىم، تۇرعىن-ءۇي، كوممۋنالدىق شارۋاشىلىق جانە ەنەرگەتيكا، مەملەكەتتىك ساتىپ الۋلار، الەۋمەتتىك باعدارلامالار جانە جۇمىسپەن قامتۋ باسقارمالارىنىڭ وكىلدەرى وتكىزدى. بۇگىنگى كۇنى فيليالدا جۇزدەن استام مەملەكەتتىك قىزمەتشى بىلىمدەرىن شىڭداۋدا. جىل سوڭىنا دەيىن وقۋمەن جەرگىلىكتى اتقارۋشى ورگانداردىڭ 700-دەن استام تىڭداۋشىسىن قامتۋ جوسپارلانۋدا، بۇل وبلىس قىزمەتشىلەرىنىڭ 30% جۋىعى.

سوڭعى جاڭالىقتار

بەنزين باعاسى ارزاندادى

ەكونوميكا • كەشە

14 وتباسىعا قول ۇشىن سوزدى

قازاقستان • كەشە

ۇقساس جاڭالىقتار