رۋحانيات • 29 قاڭتار، 2020

ونەر مەن مادەنيەت مايتالماندارىنا ستيپەنديا تاعايىندالدى

645 رەت كورسەتىلدى

الماتىداعى ءال-فارابي اتىنداعى قازاق ۇلتتىق ۋنيۆەرسيتەتىندە قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ مادەنيەت سالاسى بويىنشا 2019 جىلعى مەملەكەتتىك ستيپەندياسىن تاپسىرۋ ءراسىمى ءوتتى.

قىرىمبەك كوشەرباەۆ ستيپەنديا يەگەرلەرىن قۇتتىقتاي وتىرىپ، وسى شارانىڭ ءمانى مەن ماڭىزدىلىعىنا كەڭىنەن توقتالدى. «ەلباسىنىڭ بۇل باستاماسى مادەنيەت پەن ونەر سالاسىندا ەڭبەك ەتىپ جۇرگەن قايراتكەرلەر مەن دارىندى جاستار ءۇشىن ۇلكەن قولداۋ. مەملەكەت تاراپىنان كورسەتىلىپ وتىرعان وسىنداي قامقورلىقتى سەزىنگەن ازاماتتار قازاقستاندىق مادەنيەتتىڭ وركەندەۋىنە، قوعامىمىزدىڭ رۋحاني تۇرعىدان دامۋىنا الداعى ۋاقىتتا دا زور ۇلەس قوساتىنىنا سەنىمدىمىن» دەدى قىرىمبەك ەلەۋ ۇلى.  

ايتۋلى ستيپەنديا مەملەكەت باسشىسىنىڭ تاپسىرماسى بويىنشا قازاقستاننىڭ ادەبيەت پەن ونەر سالاسىنداعى 75 قايراتكەرىنە بەرىلدى.

تۇڭعىش پرەزيدەنت – ەلباسىنىڭ ستيپەندياسى ءابدىجامىل نۇرپەيىسوۆ، قايرات بايبوسىنوۆ، ءجۇرسىن ەرمانوۆ، مەرۋەرت وتەكەشەۆا، الەكساندر گاركاۆەتس، گۋلۆيرا رازيەۆا جانە باسقا دا قازاق ادەبيەتى مەن ونەرىنىڭ مايتالماندارىنا تابىستالدى. ولاردان بولەك، كانن حالىقارالىق فەستيۆالىنىڭ لاۋرەاتى سامال ەسلاموۆا، اكتريسا اينۇر راحيپوۆا، بالەت ءارتىسى باقتيار ادامجان، اقىن قانات وماروۆ، ءداستۇرلى مۋزىكا ونەرىنىڭ ورىنداۋشىسى مەدىعات ماناپوۆ، كينو رەجيسسەرى فارحات ءشارىپوۆ جانە وزگە دە جاس دارىندارعا مەملەكەتتىك قولداۋ كورسەتىلدى. 

جىل سايىن تاعايىندالاتىن بۇل ستيپەنديا – مەملەكەتتىڭ مادەنيەت جانە ونەر قايراتكەرلەرى، شىعارماشىلىق قىزمەتكەرلەرى جانە جاس دارىندارعا جاساعان قولداۋى مەن قامقورلىعىنىڭ ايعاعى، ولاردىڭ قازاقستاننىڭ مادەنيەتىن وركەندەتىپ، الەمگە تانىتۋعا قوسقان ۇلەستەرىنە كورسەتىلگەن قۇرمەت.

سونداي-اق مەملەكەتتىك حاتشى ۇستىمىزدەگى جىلى قازاقستان اۋماعىندا وتەتىن ەكى بىردەي ءىرى شارا – ۇلى ويشىل ءال-ءفارابيدىڭ 1150 جىلدىق جانە ايگىلى اقىن-اعارتۋشى اباي قۇنانباەۆتىڭ 175 جىلدىق مەرەيتويلارىن جوعارى دەڭگەيدە وتكىزۋ قاجەتتىگىن دە تىلگە تيەك ەتتى.

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار