ۇكىمەت • 11 جەلتوقسان، 2019

ۇكىمەتتە جوعارى وقۋ ورىندارىن وڭتايلاندىرۋ ماسەلەسى تالقىلاندى

16 رەتكورسەتىلدى

پرەمەر-ءمينيستردىڭ ورىنباسارى بەردىبەك ساپارباەۆ قر ۇكىمەتىنىڭ جانىنداعى قازاقستان رەسپۋبليكاسىنىڭ جوعارى وقۋ ورىندارىن وڭتايلاندىرۋ جونىندەگى كوميسسيا وتىرىسىن وتكىزدى. بۇل تۋرالى primeminister.kz حابارلادى. 

«مەملەكەت باسشىسى قاسىم-جومارت توقاەۆ ۇكىمەتكە «ديپلومداردى باسىپ شىعارىپ بەرەتىن كەڭسەلەرگە» اينالعان جوعارى وقۋ ورىندارىنا قاتىستى قاتاڭ شارالار قابىلداۋدى تاپسىردى. بۇگىندە ەلىمىزدە 132 جوو جۇمىس ىستەيدى، ونىڭ 43%-ى جەكەمەنشىك. ولاردا 600 مىڭنان اسا ستۋدەنت وقيدى، ونىڭ ىشىندە 191 مىڭى - مەملەكەتتىك تاپسىرىس اياسىندا ءبىلىم الادى. وكىنىشكە وراي، ءبىلىم بەرۋ ساپاسى تۋرالى ءبىز ەڭبەككە ورنالاسۋ دەڭگەيى بويىنشا عانا تۇجىرىم جاساي الامىز - ءاربىر ءتورتىنشى تۇلەك - جۇمىسسىز»، - دەدى ب. ساپارباەۆ.

ءبىلىم جانە عىلىم ءمينيسترى اسحات ايماعامبەتوۆتىڭ ايتۋىنشا، بيىل 34 جوو-دا تەكسەرۋ جۇرگىزىلدى، ونىڭ ىشىندە 22-ءسى جوسپاردان تىس تەكسەرۋ بولدى.

«تالداۋ كورسەتكەندەي، كوپتەگەن جوو-لاردا زاڭناما تالاپتارىن بۇزۋعا جول بەرىلەدى. كەڭ تاراعان پروبلەمالار - شتاتتىق بىرلىك پەن وقىتۋشىلىق-پروفەسسورلىق قۇرامنىڭ دارەجەسىنىڭ جەتكىلىكسىزدىگى، تۇلەكتەردىڭ ەڭبەككە ورنالاسۋىنىڭ تومەن دەڭگەيى، ءبىلىم الۋشىلاردىڭ ءمينيمالدى كونتينگەنتىنە تالاپتاردىڭ ساقتالماۋى، وقۋ الاڭدارى مەن جاتاقحانالاردىڭ جەتكىلىكسىزدىگى. بۇل پروبلەمالار جوو-لاردىڭ تومەن الەۋەتىمەن تىكەلەي بايلانىستى، ياعني، ولارعا جوعارى ءبىلىم بەرۋدىڭ بەلگىلەنگەن ستاندارتتارىن قامتاماسىز ەتۋگە مۇمكىندىك بەرمەيدى»، - دەدى مينيستر.

سونىمەن قاتار شەكتى بالل الماعان ابيتۋريەنتتەردى، بەيىندى پاندەردى ەسكەرمەي قابىلداۋ، ءبىلىم تۋرالى قۇجاتتارى، ۇبت تاپسىرۋ سەرتيفيكاتتارى بولماعانداردى قابىلداۋ جانە باسقا دا ورەسكەل بۇزۋشىلىقتار ورىن العان. 

تەكسەرۋلەر ناتيجەسىندە بەس جوعارى وقۋ ورنىنىڭ ليتسەنزياسى توقتاتىلىپ، اكىمشىلىك ايىپپۇلدار سالىندى، تاعى بەس جوو بويىنشا شەشىمدەر قابىلدانۋدا.  

سونىمەن قاتار، ءبىلىم جانە عىلىم مينيسترلىگىنە جوو-لاردىڭ ليتسەنزيالارىن قايتارىپ الۋ جانە الىپ قويۋ قۇزىرەتىن بەرۋ ماسەلەسى پىسىقتالۋدا، ەلىمىزدىڭ جەتەكشى جوعارى وقۋ ورىندارىمەن جوعارى ءبىلىم بەرۋ ساپاسىن جاقسارتۋ بويىنشا نورماتيۆتىك-قۇقىقتىق بازا جەتىلدىرىلۋدە. 

«الايدا، مۇنداي پراكتيكا بارلىق جوعارى وقۋ ورىندارىندا بايقالىپ وتىرعان جوق. ءبىزدىڭ ەلىمىزدە شەتەلدىك وقۋ ورىندارىنان كەم تۇسپەيتىن مىقتى جوو-لار جەتكىلىكتى»، - دەدى ا. ايماعامبەتوۆ.

وتىرىستا «قاينار» اكادەمياسىنىڭ، قازاق ەڭبەك جانە الەۋمەتتىك قاتىناستار اكادەمياسىنىڭ، كاسپي قوعامدىق ۋنيۆەرسيتەتىنىڭ، «الماتى» ۋنيۆەرسيتەتىنىڭ، ورتالىق ازيا ۋنيۆەرسيتەتىنىڭ، الماتى ەكونوميكا جانە ستاتيستيكا اكادەمياسىنىڭ، قازاق جول قاتىناستارى ۋنيۆەرسيتەتىنىڭ رەكتورلارىنىڭ باياندامالارى تىڭدالدى، ولاردى تەكسەرۋ كەزىندە بۇزۋشىلىقتار انىقتالعان بولاتىن. 

وسىعان بايلانىستى مينيسترلىك جوو-لاردىڭ باسشىلىعىمەن بىرلەسىپ وقۋ ورىندارىن بىرىكتىرۋ نەمەسە ولاردى كوللەدج رەتىندە قايتا قۇرۋ ماسەلەلەرىن پىسىقتاۋدا. ەگەر جوو-لار بۇزۋشىلىقتارىن جويماسا، وندا ليتسەنزيالارىن قايتارىپ الۋ جانە جابۋ ءۇشىن ماسەلە ولارمەن سوت تارتىبىندە شەشىلەتىن بولادى.  

كەڭەستى قورىتىندىلاعان ۆيتسە-پرەمەر جوعارى ءبىلىم بەرۋ سالاسىنداعى بىرقاتار پروبلەمالىق ماسەلەلەردى اتاپ ايتتى. ولاردىڭ قاتارىندا وقىتۋدىڭ تومەن ساپاسى، سىبايلاس جەمقورلىقتىڭ جوعارى دەڭگەيى، عىلىمي-زەرتتەۋ جۇمىستارىنىڭ ناشار دامۋى، كاسىپورىندارمەن بايلانىستىڭ ناشارلىعى، وقىتۋشىلاردىڭ جالاقى دەڭگەيىنىڭ تومەن بولۋى، مەملەكەتتىك ءبىلىم بەرۋ تاپسىرىسىنىڭ جاسالۋ جانە ورنالاستىرىلۋىنىڭ اشىق ەمەستىگى جانە ت.ب. بار. 

«جوعارى ءبىلىم بەرۋ ساپاسىن ارتتىرۋ - بۇل ءبىزدىڭ ەلىمىزدىڭ باسەكەگە قابىلەتتىلىگىن قامتاماسىز ەتۋدەگى نەگىزگى ماسەلە. سوندىقتان ءبىز وعان بارىنشا بايىپپەن قاراۋىمىز كەرەك. بىزگە قۇزىرەتى تومەن، سۇرانىسقا يە ەمەس مامانداردى دايارلايتىن ۋنيۆەرسيتەتتەر نە ءۇشىن قاجەت، جۇمىسسىزدار قاتارىن كەزەكتى رەت كوبەيتۋ ءۇشىن بە؟ ولارعا قاتىسى ليتسەنزيالارىن قايتارىپ الۋعا دەيىن وتە قاتاڭ شارالار قولدانىلاتىن بولادى!»، - دەپ تۇيىندەدى بەردىبەك ساپارباەۆ.

سوڭعى جاڭالىقتار

«اقىلعا ساۋلە قونباسا...»

قوعام • بۇگىن، 08:03

بوكسشىلار الەمدىك رەيتينگتە جوعارىلادى

كاسىپقوي بوكس • بۇگىن، 07:55

قازاقى اس: ءداستۇر مەن ءدام

رۋحانيات • بۇگىن، 07:51

تەرەزەدەن قاراما...

رۋحانيات • بۇگىن، 07:49

قىزمەت بارىسىندا قازا تاپتى

رۋحانيات • بۇگىن، 07:44

بوزىنگەندى يدىرگەن كۇي ەدى...

رۋحانيات • بۇگىن، 07:42

«كوحلەار نۋكلەۋس» كومەككە كەلدى

ايماقتار • بۇگىن، 07:40

اعا مەن ءىنى

قوعام • بۇگىن، 07:30

ىسقاق قاجى اۋليە

رۋحانيات • بۇگىن، 07:25

قابان، تاڭكى جانە بىدىق

رۋحانيات • بۇگىن، 07:23

قايىق كۇتكەن كۇن

رۋحانيات • بۇگىن، 07:21

«ۇلتقا قىزمەت ەتۋ – مىنەزدەن»

ساياسات • بۇگىن، 07:16

جاستاردىڭ جارقىن باستاماسى

ايماقتار • بۇگىن، 06:53

ۇقساس جاڭالىقتار