ۇكىمەت • 10 جەلتوقسان، 2019

قازاقستاندا وندىرىلگەن تاۋارلاردى الەمنىڭ 120-دان استام ەلىندە تۇتىنادى

13 رەتكورسەتىلدى

وسىدان 10 جىل بۇرىن ەلىمىزدە يندۋستريالىق-يننوۆاتسيالىق دامىتۋدىڭ العاشقى مەملەكەتتىك باعدارلاماسى قابىلداندى. ول العاشىندا الەمدىك ەكونوميكاداعى داعدارىسقا قارسى شارا رەتىندە باستالىپ، ەلىمىزدىڭ وڭدەۋ ونەركاسىبىن دايەكتى تۇردە دامىتۋدىڭ ءتيىمدى قۇرالىنا اينالدى. سودان بەرگى 10 جىل ىشىندە وتاندىق ونەركاسىپ سالاسىندا ەلەۋلى جەتىستىكتەرگە قول جەتكىزىلدى. اتاپ ايتقاندا، يندۋستريالىق-يننوۆاتسيالىق دامىتۋدىڭ باعدارلامالارى اياسىندا 1250 جوبا ىسكە قوسىلدى. 195 مىڭداي جۇمىس ورنى اشىلدى، ونىڭ ىشىندە 120 مىڭ تۇراقتى، 75 مىڭ ۋاقىتشا جۇمىس ورنى. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.

قازاقستاندا بۇعان دەيىن وندىرىلمەگەن 500-دەن استام ءونىم ءتۇرى شىعارىلا باستادى. وڭدەۋ سەكتورىنىڭ ونەركاسىپ قۇرىلىمىنداعى ۇلەسى 2009 جىلى 32% بولسا، 2018 جىلى 38% جەتتى، ال ينۆەستيتسياداعى ۇلەسى 17%-تەن 19%-كە ارتتى.

ءوندىرىس كولەمى ناقتى كورسەتكىشتە 42،3% ارتتى. وسىمگە ەڭ ۇلكەن ۇلەس قوسقان سالالار: مەتاللۋرگيا ونەركاسىبى (42%)، ازىق-ت ۇلىك ءوندىرىسى (13،7%)، ماشينا جاساۋ (10،7%) جانە قۇرىلىس ماتەريالدارى ءوندىرىسى (10%).     

وسى كەزەڭدە وتاندىق ەكونوميكاعا 32 ملرد اقش دوللارىنان استام تىكەلەي شەتەل ينۆەستيتسياسى تارتىلدى.

وڭدەۋ ونەركاسىبىنىڭ قۇرىلىمى وزگەردى: اۆتوموبيل ونەركاسىبى، ءىرى تەمىر جول ماشيناسىن جاساۋ، مۇناي-گاز سالاسىنا ماشينا جاساۋ، كۇردەلى تىڭايتقىشتار ءوندىرىسى سياقتى جاڭا باعىتتار قوسىلدى.

تيتان قۇيماسى مەن قورىتپاسىن وندىرەتىن زاۋىت اشىلعان سوڭ بۇعان دەيىن قازاقستاندا وندىرىلمەگەن ءونىم – تيتان قۇيماسى مەن قورىتپالار ءوندىرىسى جولعا قويىلدى. قازاقستان تيتانىنىڭ الەمدىك نارىقتاعى ۇلەسى 11%، اۋە-عارىش سالاسىندا 17%-كە جەتتى.

ماشينا جاساۋ سالاسىنداعى ونەركاسىپ كولەمى 3،8 ەسە ۇلعايدى.  

11 فارماتسەۆتيكالىق كاسىپورىننىڭ 20 وندىرىستىك الاڭىندا GMP حالىقارالىق ستاندارتتارى ەنگىزىلدى. 

قۇرىلىس ماتەريالدارى ءوندىرىسى سالاسى كوپتەگەن ءونىم تۇرلەرى بويىنشا يمپورتقا تاۋەلدىلىكتەن قۇتىلدى.   

يندۋستريالاندىرۋ جىلدارى شيكىزاتتىق ەمەس 70 تاۋار ءتۇرى بويىنشا ءوندىرىس كولەمى ۇلعايتىلىپ، ەكسپورت جولعا قويىلدى.

بۇگىنگى تاڭدا قازاقستاندا وندىرىلگەن تاۋارلاردى الەمنىڭ 120-دان استام ەلىندە تۇتىنادى. 

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار