ۇكىمەت • 03 جەلتوقسان، 2019

اقتوتى رايىمقۇلوۆا لورد سەباستيان كوەمەن كەزدەستى

12 رەتكورسەتىلدى

مادەنيەت جانە سپورت ءمينيسترى اقتوتى رايىمقۇلوۆا جەڭىل اتلەتيكا حالىقارالىق فەدەراتسيالارىنىڭ قاۋىمداستىعى (IAAF) پرەزيدەنتى - لورد سەباستيان كوەمەن كەزدەستى. بۇل تۋرالى مادەنيەت جانە سپورت مينيسترلىگىنىڭ ءباسپاسوز قىزمەتى حابارلادى.

شاراعا جەڭىل اتلەتيكا فەدەراتسياسىنىڭ پرەزيدەنتى دانيال كەنجەتاي ۇلى احمەتوۆ، مادەنيەت جانە سپورت ۆيتسە-ءمينيسترى ەلدوس رامازانوۆ جانە وليمپيادا چەمپيوندارى ولگا شيشيگينا مەن ولگا رىپاكوۆا، سونىمەن قاتار، وليمپيادا ويىندارىنىڭ قولا جۇلدەگەرى دميتري كارپوۆ قاتىستى.

تاراپتار ەلىمىزدىڭ جەڭىل اتلەتيكا سپورتىنىڭ دامۋ قارقىنى تۋرالى ءسوز قوزعادى. مينيستر ءوز سوزىندە، اتالعان سپورت ءتۇرىنىڭ ەلىمىزدە قارقىندى دامىپ جاتقانىن تىلگە تيەك ەتتى.

«قازاقستاندىق جەڭىل اتلەتيكا مەكتەبىنىڭ سپورتتىق جەتىستىكتەرى مول. حالىقارالىق دەڭگەيدەگى، وليمپيادا ويىندارىنىڭ جەڭىمپازدارى مەن جۇلدەگەرلەرى، ءتۇرلى تۋرنيرلەردىڭ جەڭىمپازدارىمەن ماقتانا الامىز. بۇگىنگى تاڭدا قازاقستاندا 25 مىڭنان استام ادام تۇراقتى تۇردە اتالعان سپورت تۇرىمەن اينالىسادى. سپورتتىق مەكتەپتەر مەن دەنە شىنىقتىرۋ ۇجىمدارىندا 2500 جۋىق جاتتىقتىرۋشىلار، 4 جەڭىلاتلەتيكالىق مانەج بەن 1 ستاديون بار»، دەدى اقتوتى راحمەتوللاقىزى.

سەباستيان كوە سپورتشىلاردىڭ جاڭا ۇرپاعىن تاربيەلەۋ قاجەتتىگىن ايتتى. «بۇگىنگى تاڭدا ءبىز حالىقارالىق دارەجەدەگى سپورتشىلاردى دايىنداۋ ءۇشىن ەسكى جۇيەدەن ارىلۋىمىز كەرەك. وسى ورايدا، ءبىز ەڭ الدىمەن «تازا» سپورت پەن جاتتىقرۋشىلاردىڭ جاڭا باعىتتا ويلاۋ قابىلەتىن دامىتۋعا نازار اۋدارۋىمىز قاجەت. مەن قازاقستاندا جەڭىل اتلەتيكانىڭ دامۋىن جوعارى باعالاي وتىرىپ، قر مادەنيەت جانە سپورت مينيسترلىگىنە اتالعان سپورتقا كورسەتىپ جاتقان جان-جاقتى قولداۋلارىڭىز ءۇشىن العىس بىلدىرگىم كەلەدى»، -دەدى ول.

بۇگىنگى تاڭدا ەلىمىزدە 7 جابىق جەڭىلاتلەتيكالىق مانەجدىڭ قۇرىلىسى جوسپارلانعان. سونىمەن قاتار، كەزدەسۋدە نۇر-سۇلتان قالاسىندا جەڭىل اتلەتيكا حالىقارالىق فەدەراتسيالارىنىڭ ايماقتىق ورتالىعىن اشۋ ماسەلەلەرى تالقىلاندى.

سوڭعى جاڭالىقتار

ۇلتتىق كينوداعى كارانتين

ايماقتار • بۇگىن، 16:56

ۇقساس جاڭالىقتار