ۇكىمەت • 09 قاراشا، 2019

«رودينا» اگروفيرماسىنىڭ تاجىريبەسىن باسقا شارۋا قوجالىقتارىنا تاراتۋ قاجەت - ا. مامين

111 رەتكورسەتىلدى

پرەمەر-مينيستر اسقار مامين «اۋىل – ەل بەسىگى» جوباسىن جۇزەگە اسىرۋ، سونداي-اق، ەلوردا اينالاسىندا «ازىق-ت ۇلىك بەلدەۋىن» قۇرۋ اياسىندا اقمولا وبلىسىنىڭ تسەلينوگراد اۋدانىنداعى رودينا اۋىلىنا جۇمىس ساپارىمەن بارىپ، وندا «رودينا» اگروفيرماسى» جشس جۇمىسىمەن تانىستى. بۇل تۋرالى primeminister.kz حابارلادى. 

ۇكىمەت باسشىسى اۋىل شارۋاشىلىعى تەحنيكاسى پاركىن، ءسۇت كەشەنى مەن «رودينا» اگروفيرماسىنىڭ زاۋىتىن ارالادى، سونداي-اق، اتتاس اۋىلدىڭ الەۋمەتتىك ينفراقۇرىلىم نىساندارىن — حوككەي كورتىن، ورتا مەكتەپتى، سۋپەرماركەت پەن جايلى پاتەرلەردى كوردى.

«ەلباسى نۇرسۇلتان نازارباەۆ جانە پرەزيدەنت قاسىم-جومارت توقاەۆ اۋىل مەن اگروونەركاسىپتىك كەشەندى دامىتۋ ماسەلەلەرىنە زور كوڭىل ءبولىپ وتىر. سىزدەردىڭ اگروفيرما قازاقستانداعى جەتەكشى ءارى ۇلگىلى كاسىپورىنداردىڭ ءبىرى، جيناقتالعان تاجىريبەنى ەلىمىزدەگى باسقا دا شارۋا قوجالىقتارىنا تاراتۋ قاجەت»، — دەدى ا. مامين.

«رودينا» اگروفيرماسىنىڭ باسشىسى ي. ساۋەر پرەمەر-مينيسترگە كاسىپورىننىڭ جۇمىسىن ودان ءارى كەڭەيتۋ جونىندەگى جوسپارلارى تۋرالى باياندادى.

«رودينا» اگروفيرماسى 2005 جىلى اتتاس كەڭشار بازاسىندا قۇرىلعان، قازاقستانداعى وسىمدىك شارۋاشىلىعى مەن مال شارۋاشىلىعى ونىمدەرىن ءوندىرۋ جانە قايتا وڭدەۋ بويىنشا جەتەكشى شارۋا قوجالىقتارىنىڭ ءبىرى. جشس-دا جۇمىس ىستەيتىندەر سانى — 520 ادام. سوڭعى ءۇش جىلدا ورتاشا جىلدىق ءوندىرىس كولەمى 2،52 ملرد تەڭگەنى قۇرادى. اگروفيرما سيىرلاردى ساۋ جانە قولدا باعۋ ءۇشىن تسيفرلىق تەحنولوگيالاردى، جەل-ەنەرگەتيكا قوندىرعىسى مەن باسقا دا وزىق تەحنولوگيالىق جۇيەلەردى پايدالانادى.

ەگىس القاپتارى قۇرىلىمىنا ءداندى (بيداي، ارپا، س ۇلى)، مايلى (كۇنباعىس، زىعىر مايى) داقىلدار، سۇرلەمگە جۇگەرى، ءبىر جىلدىق جانە كوپ جىلدىق شوپتەر، كارتوپ، كوكونىستەر كىرەدى. شارۋاشىلىق قارا شۇبار جانە گولشتينو-فريز تۇقىمدى ءىرى قارا مالدى وسىرەتىن اسىل تۇقىمدى مال زاۋىتى دارەجەسىنە يە. 

سوڭعى جاڭالىقتار

قايتا ورالعان قۇمارشىق

ايماقتار • كەشە

حازىرەتتەر قازىناسى

رۋحانيات • كەشە

زاڭ كەرەك!

ەكولوگيا • كەشە

يت جۇگىرتىپ، قۇس سالدى

ايماقتار • كەشە

سەنىم ءھام سەرپىن

رۋحانيات • كەشە

ۇقساس جاڭالىقتار