رۋحانيات • 14 قازان، 2019

نۇرلىبەكتىڭ دومبىراسى

36 رەتكورسەتىلدى

جاقسى كورىپ، جانىڭ قالاعان ءىستى كاسىبىڭە اينالدىرۋ قانشالىقتى قيىن؟ اتىراۋلىق شەبەر نۇرلىبەك بيسەنباەۆ بۇل ساۋالعا «قيىن ەمەس» دەپ جاۋاپ بەرەدى.

ول كىشكەنە كەزىنەن شىعار­ماشىلىققا جاقىن بولىپ ءوستى. قولىنا تۇسكەن دۇنيەدەن كوڭىلى قا­لاعان باسقا ءبىر زاتتى وپ-وڭاي جاساپ شىعارا قوياتىن. ال قازىر اعاشتان ءتۇيىن تۇيگەن حاس شەبەردىڭ ءوزى. اكەسى – ەلگە بەل­گىلى جىرشى-دومبىراشى تۇر­لان بيسەنباەۆ تا بالاسىنىڭ وسى قاسيەتىن اڭعارسا كەرەك، بار بىلگەنىمەن ءبولىستى. مۋزىكا ءپا­نىنىڭ مۇعالىمى ماماندىعىن وقىعانى دا نۇرلىبەكتىڭ تالابىن ۇشتاي ءتۇستى. ماحامبەت اۋدا­نىنداعى بەرەكە اۋىلىندا 2008 جىلى وتباسى بولىپ شاعىن شەبەرحانا اشقان. كەيىن «نۇرريزا» دەگەن اتاۋمەن ءوزىنىڭ جەكە شەبەرحاناسىن ىسكە قوسىپ، ءتورت ادامدى جۇمىسقا الدى.

ءبىز ون ساۋساعىنان ونەر تامعان شەبەر جىگىت تۋرالى بۇعان دەيىن اقپارات جانە قوعامدىق دامۋ مي­نيسترلىگىنىڭ قولداۋىمەن جۇر­­­گىزىلىپ جاتقان «ەڭبەكقور جاستار» اقپاراتتىق شاراسى ارقىلى ەستىگەنبىز. بويىنداعى تالانتىن ەڭبەكپەن ۇشتاستىرعان ازامات:

– باستاپقىدا اعاشتان ءتۇرلى تۇرمىستىق بۇيىم دايىنداپ جۇردىك. بىراق ۋاقىتتىڭ ءوزى مەنى وسى دومبىراعا الىپ كەلدى. قازىر تەك ۇلتتىق اسپاپ قانا جاسايمىن. سۇرانىس جاقسى بولعاندىقتان وبلىس ورتالىعىنداعى «كوكتەم» ساۋدا ورتالىعىنان ورىن الدىق. اسىرەسە كىشكەنتاي ۇل-قىزىنا دومبىرا الۋعا كەلەتىن اتا-انا­لاردىڭ كوپتىگىنە قۋانامىن. پرەزيدەنتتىڭ: «دومبىرا اسپابى – قايتالانباس اسىل دۇنيە. سوندىقتان مەكتەپتە دومبىرا ۇيرەنۋ ساباعىن ەنگىزۋ – قاجەت ءارى دۇرىس باستاما. قازىرگى جاپپاي جاھاندانۋ زامانىندا حالقىمىزعا ءتان بىرەگەي قۇن­دى­­لىقتاردى جاڭعىرتا بە­رۋىمىز قا­جەت، – دەگەن ءسوزى دە قۇل­شى­نى­س­تى ارتتىردى، – دەيدى

قاي دۇنيەنى دە قولدان جاساۋ وڭاي ەمەس. تەحنيكاسىن مەڭ­گەردىم دەگەننىڭ وزىندە، كەيدە ويىڭداعىداي شىقپاي جاتادى. تابىستىڭ كىلتى – تالماي تالاپتانۋدا، ەرىنبەي ەڭبەكتەنۋدە. بۇل رەتتە كاسىپكەرلەرگە مەملەكەت تاراپىنان كورسەتىلىپ جاتقان قولداۋ مەن قامقورلىقتىڭ ماڭىزى زور. جاس شەبەر دە «اۋىلدىق جەردەگى شاعىن جانە ورتا بيزنەستى قول­داۋ» باعدارلاماسى بويىنشا جەڭىلدەتىلگەن نەسيە الىپ، ويىن جۇزەگە اسىرعان. نۇرلىبەكتىڭ العا قويعان ماقساتى وسى كاسى­بىمەن تىكەلەي بايلانىستى. ول شاعىن شەبەرحاناسىنىڭ ۇلكەن فابريكاعا اينالعانىن ارماندايدى.

 اتىراۋ

سوڭعى جاڭالىقتار

ەلوردا ورتالىعىندا اۆتوكولىك ورتەندى

قازاقستان • 15 قاراشا، 2019

ءباسپاسوز ءرولى – باستى ماسەلە

ادەبيەت • 15 قاراشا، 2019

قازاقستانعا شەتەلدىك بانكتەر كەلەدى

ەكونوميكا • 15 قاراشا، 2019

قوستاناي فيلارمونياسىنا 75 جىل تولدى

رۋحانيات • 15 قاراشا، 2019

جاڭا ۇلگىدەگى كولىكتەر

قوعام • 15 قاراشا، 2019

بالۋاندار تارازدا بەلدەسەدى

كۇرەس • 15 قاراشا، 2019

Grand Slam جارىسىندا بەلدەسەدى

سپورت • 15 قاراشا، 2019

مەكسيكالىقتىڭ قارسىلاسى اتانۋى مۇمكىن

كاسىپقوي بوكس • 15 قاراشا، 2019

ۇقساس جاڭالىقتار