ساياسات • 10 قازان، 2019

ەلباسى موڭعوليا پرەمەر-ءمينيسترى ۋحنااگين حۇرەلسۇحپەن كەزدەستى

157 رەتكورسەتىلدى

كەزدەسۋ بارىسىندا قازاقستاننىڭ تۇڭعىش پرەزيدەنتى قازاقستان مەن موڭعوليا تاريحي جاقىن حالىقتار ەكەنىن اتاپ ءوتتى. بۇل تۋرالى ەلباسىنىڭ رەسمي سايتى حابارلادى. 

«تاۋەلسىزدىكتىڭ العاشقى كۇندەرىنەن باستاپ مەن قازاقستان مەن مونعوليا اراسىنداعى قاتىناستاردى نىعايتۋعا تىرىستىم. ءبىز تاريحي تۇرعىدان جاقىن حالىقپىز. موڭعوليانىڭ ءجۇز جيىرما مىڭ ۇلتى قازاق ازاماتى - بۇل ءبىزدىڭ ەلدەرىمىز اراسىنداعى ء«تىرى كوپىر». ءسىز قازاقستاننىڭ پرەمەر-مينيسترىمەن كەلىسسوزدەر جۇرگىزدىڭىز. سونىمەن قاتار ءسىز بيزنەس-فورۋمعا قاتىسۋدى جوسپارلاپ وتىرسىز. بۇگىنگى تاڭدا ءبىزدىڭ ەلدەرىمىز اراسىنداعى ساۋدا دەڭگەيى وتە تومەن. ءسىز بارلىق ماسەلەلەردى شەشەتىنىڭىزگە سەنىمدىمىن»، - دەدى نۇرسۇلتان نازارباەۆ.

ءوز كەزەگىندە موڭعوليا پرەمەر-ءمينيسترى قازاقستاننىڭ تۇڭعىش پرەزيدەنتىنە وسىنداي جوعارى دەڭگەيدەگى جىلى قابىلداۋى مەن كەزدەسكەنى ءۇشىن ريزاشىلىعىن ءبىلدىردى.

«مەن قازاقستاندا رەسمي ساپارمەن جۇرگەنىمە وتە قۋانىشتىمىن. ءبىزدىڭ كەزدەسۋىمىز ءۇشىن سىزدەرگە ريزامىن. مەنىڭ العاشقى ساپارىم قاتىناستارىمىزدى تەرەڭدەتۋگە جانە ولاردىڭ جاڭا دەڭگەيگە كوتەرۋگە مۇمكىندىك بەرەتىنىنە سەنىمدىمىن. مەن ءسىزدىڭ باسشىلىعىڭىزبەن قازاقستاننىڭ جەتىستىكتەرىن جەكە ءوزىم كورگەنىم ءۇشىن ماقتانامىن»، - دەدى ۋحنااگين حۇرەلسۇح

 

 

سوڭعى جاڭالىقتار

ۇقساس جاڭالىقتار