قوعام • 08 قازان، 2019

ەلباسى كىتاپحاناسى جاڭا ەكسكۋرسيالىق باعدارلامالاردىڭ تۇساۋىن كەستى

41 رەتكورسەتىلدى

ەلباسى كىتاپحاناسىنىڭ باسشىلىعى مەن ەكسكۋرسيالىق قىزمەت ىشكى تۋريزممەن اينالىساتىن تۋريستىك كومپانيالاردىڭ ەكسكۋرسيا جەتەكشىلەرى جانە گيد-اۋدارماشىلارىمەن، سونداي-اق قالا مەكتەپتەرى مەن كوللەدجدەرى ديررەكتورلارىنىڭ ورىنباسارلارىمەن، سىنىپتان تىس جۇمىس ۇيىمداستىرۋشىلارىمەن ءداستۇرلى كەزدەسۋ وتكىزدى. بۇل تۋرالى مەكەمەنىڭ ءباسپاسوز قىزمەتى حابارلادى.

كەزدەسۋدى ەلباسى كىتاپحاناسىنىڭ ديرەكتورى ءامىرحان راحىمجانوۆ قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسى قىزمەتىمەن قوناقتاردى تانىستىردى.   

- ەلباسى كىتاپحاناسى قىزمەتىنىڭ ماڭىزدى باعىتتارىنىڭ ءبىرى ەكسكۋرسيالىق قىزمەت. ول كىتاپحانا قىزمەتكەرلەرىنىڭ اۋقىمدى عىلىمي-زەرتتەۋ، ىزدەنىس، شىعارماشىلىق جانە ۇيىمداستىرۋشىلىق جۇمىسىنىڭ قورىتىندىسىن كورنەكى سيپاتتايدى. شولۋ، تاقىرىپتىق جانە كوشپەلى ەكسكۋرسيالاردى جۇزەگە اسىرۋدى قامتيتىن كوپجىلعى تاجىريبە كەلۋشىلەردى تارتۋ ءۇشىن جاڭا باعدارلامالاردى قۇرۋدىڭ وزەكتىلىگىن كورسەتتى، - دەپ اتاپ ءوتتى ءا.راحىمجانوۆ.

ەلباسى كىتاپحاناسى ديرەكتورىنىڭ ورىنباسارى كۇلايشا اقتاەۆا كەزدەسۋ قاتىسۋشىلارىنا ەلباسى كىتاپحاناسىنىڭ جاڭا ەكسكۋرسيالىق جوبالارى مەن باعدارلامالارى، ونىڭ ىشىندە تارتىمدى كۆەستتەر، مۋزەيلىك بالالار مەرەكەلەرى، «وتباسىمىزبەن بىرگە مۋزەيگە»، «ۇجىمىمىزبەن بىرگە مۋزەيگە» جوبالارى جانە باسقالارى تۋرالى ايتىپ بەردى.

- ەلباسى كىتاپحاناسى اعىمداعى جىلدىڭ شىلدە ايىنان باستاپ جاڭا ەكسكۋرسيالىق باعدارلامالاردى اپروباتسيالاپ، ىسكە قوستى. وسىلاردىڭ كومەگىمەن تۇڭعىش پرەزيدەنتتىڭ بۇرىڭعى رەزيدەنتسياسى مەن نازارباەۆ ورتالىعىنان تۇراتىن ەلباسى كىتاپحاناسىنىڭ ىشكى مازمۇنىنىڭ تارتىمدىلىعىن كورسەتكىمىز كەلەدى. ءبىز جوعارىدا اتالعان ەكى عيماراتتى تۋريستىك باعداردىڭ ءداستۇرلى سىزباسى مەن ەلوردانىڭ كورنەكى جەرلەرى كارتاسىنا بىرىكتىرۋمەن قاتار قوعامنىڭ الەۋمەتتىك مادەني ينستيتۋتى رەتىندە مۋزەيلىك كەڭىستىكتىڭ ءرولىن دە جەتىلدىرگىمىز كەلەدى. 40-مينۋتتىق شولۋ ەكسكۋرسياسى نە ءۇش ساعاتتىق اۋقىمدى ەكسكۋرسيا ارقىلى ءبىزدىڭ ەكسپوزيتسيالارمەن تولىقتاي تانىسىپ ۇلگەرۋ مۇمكىن ەمەس. وسىعان بايلانىستى، كىتاپحانا ەكسپوزيتسيالارىندا ۇسىنىلعان  ماتەريالدىڭ ساپاسى مەن كولەمىن كەلۋشىلەرىمىز باعالاي الۋى ءۇشىن جاڭا جاعدايلار جاسادىق: ولار - تاقىرىپتىق ەكسكۋرسيالار، ۇجىمدار مەن جانۇيالار ءۇشىن ارنايى مۋزەيلىك باعدارلامالار، ءتۇرلى جاستاعى وقۋشىلار ءۇشىن كۆەستتەر، - دەدى ك.اقتاەۆا.       

تۇساۋكەسەر بارىسىندا ىشكى جانە كىرمەلىك ءتۋريزمدى دامىتۋ، سونداي-اق ءبىلىم بەرۋ مەن تاربيەلىك ۇدەرىستە مۋزەيلىك تەحنولوگيالاردى قولدانۋ تۋرالى پىكىر الماسۋ بولدى، ودان ءارى ىنتىماقتاستىق پەن سەرىكتەستىكتى دامىتۋ ماسەلەلەرى دە تالقىلاندى.

- وتانداستارىمىز بەن شەتەلدىك قوناقتاردىڭ قازاقستان مەن ەلوردامىزدى جاقىنىراق ءبىلۋ ماقساتىندا وتكىزىلەتىن ءىس-شارالار ءبىز ءۇشىن اسا ماڭىزدى. تۋريستەر كوبىنەسە قالا مەن ەلىمىزدى ءبىز ارقىلى تانيدى. ارينە، ەلباسى كىتاپحاناسى سىندى ۇجىم ۇسىنعان جاڭا ەكسكۋرسيالىق باعدارلامالار بىزگە اسا قاجەت، ءارى قىزىقتى. بۇل باعدارلامالار كەلۋشىلەردىڭ كوبەيۋىنە، قازاقستان تاريحى مەن مادەنيەتىن ناسيحاتتاۋعا، جالپى ەلوردا مەن ەلىمىزدىڭ ءيميدجىنىڭ دامۋىنا مۇمكىندىك بەرەدى دەپ ويلايمىن، - دەدى ءوز ويىمەن بولىسكەن كەزدەسۋگە قاتىسۋشى، قالالىق ەكسكۋرسيا جەتەكشىلەرىنىڭ ءبىرى ەلەنا كۋلاكوۆا.

ءىس-شارا بارىسىندا قوناقتار تىڭ ەكسپوزيتسيالار جانە كورمەلەرمەن تانىسىپ، تاقىرىپتىق ەكسكۋرسيالار مەن ەكسكۋرسيالىق كۆەستتەرگە قاتىستى.

 

 

سوڭعى جاڭالىقتار

قۇپتارلىق قادام

پارلامەنت • بۇگىن، 07:47

مەشىتتە بەتپەردە تسەحى اشىلدى

ايماقتار • بۇگىن، 07:35

ەلگە پايداسى تيگەن ادام جاقسى

پارلامەنت • بۇگىن، 07:30

اۋدان ءومىرىنىڭ ايناسى

ايماقتار • بۇگىن، 07:27

ارمان الاسارماسىن

رۋحانيات • بۇگىن، 07:22

ديقان ديزەلدى تومەن باعاعا الادى

ەكونوميكا • بۇگىن، 07:11

كوروناۆيرۋسسىز قوستاناي

ايماقتار • كەشە

ۇقساس جاڭالىقتار