تاعايىنداۋ • 10 قىركۇيەك، 2019

Nur Otan پارتياسى ساياسي مەنەدجمەنت مەكتەبىنىڭ ديرەكتورى بولىپ شىڭعىس نۇرلانوۆ تاعايىندالدى

37 رەتكورسەتىلدى

Nur Otan پارتياسىنىڭ ليدەرى نۇرسۇلتان نازارباەۆتىڭ پارتيانىڭ جۇمىسىن جانداندىرۋ جانە كادرلاردى جاڭارتۋ جونىندەگى تاپسىرماسىنا سايكەس، پارتيانىڭ ساياسي مەنەدجمەنت اكادەمياسى ساياسي مەنەدجمەنت مەكتەبى بولىپ وزگەرتىلدى. ال مەكتەپتىڭ ديرەكتورى بولىپ «بولاشاق» باعدارلاماسىنىڭ تۇلەگى شىڭعىس نۇرلانوۆ تاعايىندالدى.

Nur Otan پارتياسىنىڭ ساياسي كەڭەسىنىڭ كەڭەيتىلگەن وتىرىسىندا پارتيا توراعاسى الەمنىڭ جەتەكشى وقۋ ورىندارىندا مەملەكەت ەسەبىنەن ءبىلىم العان قازاقستاندىق جاس مامانداردى جۇمىسقا كوبىرەك تارتۋدى تاپسىرعان بولاتىن.

شىڭعىس نۇرلانوۆ ۆاشينگتون ۋنيۆەرسيتەتىن «ساياساتتانۋ» ماماندىعى بويىنشا تامامداعان. نازارباەۆ ۋنيۆەرسيتەتىنىڭ ء«بىلىم بەرۋ سالاسىنداعى كوشباسشىلىق» ماماندىعى بويىنشا ماگيسترى. قازاق، ورىس، اعىلشىن جانە تۇرىك تىلدەرىن مەڭگەرگەن.

ول ءار جىلدار رەسپۋبليكالىق فيزيكا-ماتەماتيكا مەكتەبىنىڭ استانالىق فيليالىنىڭ مەڭگەرۋشىسى، نازارباەۆ ۋنيۆەرسيتەتىنىڭ جوعارى بيزنەس مەكتەبىنىڭ كونسۋلتانتى، قر ءبىلىم جانە عىلىم مينيسترلىگىنىڭ اقپاراتتىق-ساراپتامالىق ورتالىعىندا ءبىلىم بەرۋ مەنەدجمەنتىن زەرتتەۋ بويىنشا جەتەكشى تالداۋشىسى، Nur Otan پارتياسى قوعامدىق ساياسات ينستيتۋتىنىڭ ساراپشىسى، حالىقارالىق ىنتىماقتاستىق بويىنشا نەمىس قوعامداستىعىنىڭ (GIZ) كاسىپتىك ءبىلىم بويىنشا ۇلتتىق ۇيلەستىرۋشىسى، «بولاشاق» حالىقارالىق باعدارلاماسى ورتالىعىندا مەنەدجەر، وقىتۋشى ت.ب. قىزمەتتەر اتقاردى.

ساياسي مەنەدجمەنت مەكتەبىنىڭ جاڭا باسشىسىنا بىرقاتار ناقتى مىندەتتەر جۇكتەلدى. اتاپ ايتقاندا، پارتيا ماماندارىن قوعاممەن بايلانىستىڭ پراكتيكالىق داعدىلارىنا، جانجالداردى شەشۋ، مەدياتسيا جانە ت.ب. وقىتۋ ارقىلى دايىنداۋدى جەتىلدىرۋ تاپسىرىلدى.

ايتا كەتەيىك، بۇعان دەيىن «Aiqyn» گازەتىنىڭ باس رەداكتورى بولىپ، «بولاشاق» باعدارلاماسىنىڭ تاعى ءبىر تۇلەگى نۇرمۇحامەد بايعارا تاعايىندالدى. ول بۇل تاعايىنداۋعا دەيىن «ەgەmen Qazaqstan» گازەتى اق باسقارما توراعاسىنىڭ كەڭەسشىسى، باس رەداكتورىنىڭ ورىنباسارى قىزمەتىن اتقاردى.

سوڭعى جاڭالىقتار

جۇرت تىلەگى نازارعا الىندى

ايماقتار • بۇگىن، 06:24

ۇقساس جاڭالىقتار