پرەزيدەنت • 09 تامىز، 2019

قاسىم-جومارت توقاەۆ اقش كونگرەسسمەندەرىن قابىلدادى

100 رەت كورسەتىلدى

قازاقستان پرەزيدەنتى قاسىم-جومارت توقاەۆ اقش كونگرەسى وكىلدەرى پالاتاسىنىڭ مۇشەلەرى دەۆين نۋنەس پەن ريك كروۋفوردتى قابىلدادى. بۇل تۋرالى اقوردانىڭ ءباسپاسوز قىزمەتى حابارلادى. 

كەزدەسۋ بارىسىندا ەكى ەل اراسىنداعى ستراتەگيالىق سەرىكتەستىكتى كەڭەيتۋ ماسەلەلەرى، سونداي-اق ءوڭىردىڭ كۇن تارتىبىندەگى وزەكتى تاقىرىپتار تالقىلاندى.

«اقش – قازاقستاننىڭ تاۋەلسىزدىگىن مويىنداعان العاشقى مەملەكەتتەردىڭ ءبىرى. ءبىز ساۋدا-ەكونوميكالىق، ينۆەستيتسيالىق جانە ەنەرگەتيكالىق سالالاردا تىعىز ىنتىماقتاستىق ورناتتىق. ەلدەرىمىزدىڭ ءوزارا تابىستى
ءىس-قيمىلدارىنىڭ ماڭىزدى باعىتى قارۋسىزدانۋ جانە يادرولىق قارۋدى تاراتپاۋ سالاسى بولىپ تابىلادى»، دەدى مەملەكەت باسشىسى.  

امەريكالىق كونگرەسسمەندەر ق.توقاەۆتى پرەزيدەنتتىك سايلاۋداعى جەڭىسىمەن قۇتتىقتاپ، كوزدەگەن رەفورمالارىنىڭ تابىستى جۇزەگە اسۋىنا تىلەكتەستىك ءبىلدىردى.

كونگرەسسمەندەر قازاقستاننىڭ ورتالىق ازياداعى بەيبىتشىلىكتى، تۇراقتىلىقتى جانە قاۋىپسىزدىكتى نىعايتۋداعى رولىنە جوعارى باعا بەرىپ، اۋعانستاننىڭ الەۋمەتتىك-ەكونوميكالىق جاعدايىن قايتا قالپىنا كەلتىرۋ ىسىندەگى بىرلەسكەن ءىس-قيمىلداردىڭ ماڭىزدىلىعىنا باسا نازار اۋداردى.

سوڭعى جاڭالىقتار

ۇقساس جاڭالىقتار