07 مامىر، 2019

7 بالامەن 10 جىل بويى ءبىر بولمەدە تۇرعان وتباسى باسپانالى بولدى

1263 رەت كورسەتىلدى

10 جىل بويى اۋماعى 12 شارشى مەتر ءبىر بولمەلى پاتەردى پانا قىلدىق.


قاسيەتتى رامازان ايىنىڭ ەكىنشى كۇنىندە، وتان قورعاۋشىلار كۇنى مەرەكەسىندە سەمەي مەن وسكەمەندەگى ء(ار قالادا بەستەن) 10 كوپ بالالى وتباسىعا پاتەر كىلتتەرى تاپسىرىلدى. وسكەمەندەگى راسىمگە قاتىسقان وبلىس اكىمى دانيال احمەتوۆ بۇل باسپانالار ەلباسى تاپسىرماسىنا ساي بەرىلىپ جاتقانىن اتاپ ءوتىپ، وڭىردە جىل اياعىنا دەيىن 200-دەن استام كوپ بالالى وتباسى ۇيمەن قامتاماسىز ەتىلەتىنىن جەتكىزدى.

بۇگىن ايماق باسشىسىنىڭ قولىنان ەكى بولمەلى قىزمەتتىك پاتەردىڭ كىلتىن العان 7 بالانىڭ اناسى، «التىن القا» يەگەرى گۇلجان ءابدىراحمانوۆا سوگرا ىقشام اۋدانىنداعى ساياجايدا 10 جىلدان بەرى تۇرىپ كەلەدى ەكەن. جۇبايى ۆەتەرينارلىق زەرتحانادا جۇمىس ىستەسە، ءوزى جۇمىسپەن قامتۋ ورتالىعى ارقىلى قوعامدىق قىزمەتكەر بولىپ ەڭبەك ەتەدى ەكەن. «باسپانا كەزەگىنە 2012 جىلى تۇرعانبىز. 10 جىل بويى اۋماعى 12 شارشى مەتر ءبىر بولمەلى پاتەردى پانا قىلدىق. بالالارىمىزدىڭ الدى - 17-دە، ەڭ كەنجەسى - 3-تە. جولداسىم 100 مىڭ الادى، قولعا 84 مىڭى تيەدى، مەنىكى - 45 مىڭ. بالالارعا تيەسىلى اتاۋلى الەۋمەتتىك كومەكتى كەشە الدىق. 151 مىڭ تەڭگە قولىمىزعا ءتيدى. بۇرىن 48 مىڭ بولاتىن»، - دەيدى كوپ بالالى انا.

«سىزگە باسقا قانداي جەڭىلدىكتەر بار؟» دەگەن سۇراعىمىزعا: «قالا ىشىندەگى مارشرۋتكالاردا تەگىن جۇرەمىز. اۆتوبۋستاردا مۇنداي جەڭىلدىك قاراستىرىلماعان. ءبىر جىلدارى باسسەينگە بارۋعا جەڭىلدىكتەر بولاتىن. قازىر توقتاپ قالدى. كومىر الۋعا ازداعان جەڭىلدىك قاراستىرىلعان. باعاسىن 500 تەڭگەگە ءتۇسىرىپ بەرەدى»، - دەيدى گۇلزات.

شاھارداعى 22 مەكتەپتە مۇعالىم بولىپ جۇمىس ىستەيتىن، ءتورت بالا تاربيەلەپ وتىرعان جالعىز باستى انا ساۋلە الماتوۆا مەنەۆنوە اۋىلىندا تۇراتىنىن ايتتى. 2002 جىلى العان 3 بولمەلى ءۇيى 2011 جىلى قىستا ورتەنىپ، جازعى اسحانادا تۇرۋعا ءماجبۇر بولىپتى. «ءۇي قۇلايىن دەپ تۇر. ءۇيدى كوميسسيا ەكى رەت تەكسەردى. اتاۋلى الەۋمەتتىك كومەكتى الۋعا ءالى بارعان جوقپىن. مەرەكەدەن كەيىن بارامىز. بىزگە بەرىلىپ جاتقان ءۇيدى مەملەكەتتىك قىزمەتتە 10 جىلدان استام ۋاقىت جۇمىس ىستەگەن ادامعا كەيىن جەكەشەلەندىرۋگە بولادى دەپ جاتىر. جاڭا ءۇي ەڭ باستىسى جىلى بولسا بولعانى. بۇعان دەيىن ۇيىمىزگە كۇنى بويى پەش جاعاتىنبىز. ءبىر قىسقا 10 توننا كومىر كەتەتىن. مەنەۆنويداعى ۇيىمىزدە باۋ-باقشا ەگەمىز. ۇلدار جازدا جۇمىس ىستەيدى. سوسىن «مىناۋ كيىمگە، مىناۋ وتىنعا» دەپ جوسپارلايمىز» دەيدى كوپ بالالى انا.

وسكەمەن

سۋرەتتى تۇسىرگەن تىلەۋبەك شاياحمەت

سوڭعى جاڭالىقتار

نار نارىمبەتوۆ ەدى...

قازاقستان • كەشە

«وميكرون» شتامى وقشاۋلايدى

كوروناۆيرۋس • كەشە

پورترەتتەگى پاراسات

ەلباسى • كەشە

ۇقساس جاڭالىقتار