16 ءساۋىر، 2019

شقو تارباعاتاي اۋدانىنا جاڭا اكىم تاعايىندالدى

1268 رەت كورسەتىلدى

بۇل قىزمەتكە بۇعان دەيىن ءۇرجار اۋدانى اكىمىنىڭ ورىنباسارى بولعان سەرىكقازى قۇسايىن ۇلى سادۋاقاسوۆ تاعايىندالدى.

كەشە وبلىس اكىمىنىڭ ورىنباسارى باقىتجان باياحمەتوۆ تارباعاتاي اۋدانىنىڭ جاڭا اكىمىن اۋدان اكتيۆىنە تانىستىردى. بۇل قىزمەتكە بۇعان دەيىن ءۇرجار اۋدانى اكىمىنىڭ ورىنباسارى بولعان سەرىكقازى قۇسايىن ۇلى سادۋاقاسوۆ تاعايىندالدى. «تارباعاتاي اۋدانىنىڭ جاڭا اكىمى سەرىكقازى قۇسايىن ۇلى سادۋاقاسوۆ 2014 جىلدان باستاپ ءۇرجار اۋدانى اكىمىنىڭ ورىنباسارى لاۋازىمىن يەلەندى. وسى ۋاقىت ارالىعىندا اتقارعان قىزمەتىنە باعا بەرە كەلە، جوعارى كاسىبي شەبەرلىگىن اتاپ وتكىم كەلەدى» دەپ جازدى ايماق باسشىسى ءوزىنىڭ فەيسبۋكتەگى پاراقشاسىندا.

سەرىكقازى قۇسايىن ۇلى سادۋاقاسوۆ 1961 جىلى  26 مامىردا  بۇرىنعى سەمەي وبلىسى ءۇرجار اۋدانى ءۇرجار اۋىلىندا دۇنيەگە كەلگەن. قازاق. ءبىلىمى جوعارى. 1983 جىلى سەمەي زووتەحنيكالىق-مالدارىگەرلىك ينستيتۋتىن ۆەتەريناريا ماماندىعى بويىنشا تامامداعان. «قازاقستان رەسپۋبليكاسىنىڭ تاۋەلسىزدىگىنە 10 جىل»، «تىڭ يگەرۋدىڭ 50 جىلدىعى» مەرەكەلىك مەدالدارىمەن ماراپاتتالعان. 

سەرىكقازى قۇسايىن ۇلى ەڭبەك جولىن 1984 جىلى ءۇرجار اۋدانىنىڭ «كراسنىە گورنىە ورلى» ۇجىمدىق شارۋاشىلىعىنىڭ  تەسىپاققان ۆەتەريناريالىق ۋچاسكەسىنىڭ مەڭگەرۋشىسى بولىپ باستادى.
1986 جىلى ءۇرجار اۋدانىنىڭ «كراسنىە گورنىە ورلى» ۇجىمدىق شارۋاشىلىعىنىڭ  باس مال دارىگەرى، 1992-1994 ج. ءۇرجار اۋدانىنىڭ اۋىل شارۋاشىلىق باسقارماسىنىڭ باس مال دارىگەرى، 1994-1996 ج. ءۇرجار اۋدانىنىڭ «جاناي» اتىنداعى قوسالقى شارۋاشىلىقتىڭ باسشىسى، ءۇرجار اۋدانىنىڭ «كراسنىي دوزور» ۇجىمدىق شارۋاشىلىعى توراعاسى، 1996-1997 ج. ءۇرجار اۋدانىنىڭ «جاڭا - تىلەك» جشس-ءنىڭ باستىعى،1997-1999 ج. ءۇرجار اۋداندىق ۆەتەريناريالىق ستانتسياسىنىڭ باس مال دارىگەرى، 1999-2001 ج. ءۇرجار اۋداندىق اۋماقتىق باسقارماسى باستىعىنىڭ مىندەتىن اتقارۋشى، 2001-2011 ج. ءۇرجار اۋداندىق اۋماقتىق باسقارماسىنىڭ باستىعى، قر اشم ءۇرجار اۋداندىق اۋماقتىق ينسپەكتسياسىنىڭ باستىعى، قر اشم اگروونەركاسىپتىك كەشەنىندەگى مەملەكەتتىك ينسپەكتسيا كوميتەتىنىڭ ءۇرجار اۋداندىق اۋماقتىق ينسپەكتسياسىنىڭ باستىعى، 2012- 2014 ج. قر اشم ۆەتەريناريالىق باقىلاۋ جانە قاداعالاۋ كوميتەتىنىڭ ءۇرجار اۋداندىق اۋماقتىق ينسپەكتسياسىنىڭ باستىعى، 2014-2019 ج. ءۇرجار اۋدانى اكىمىنىڭ ورىنباسارى قىزمەتتەرىن اتقاردى.


شىعىس قازاقستان وبلىسى

سوڭعى جاڭالىقتار

ۇقساس جاڭالىقتار