سپورت • 16 ءساۋىر، 2019

الماتىدا دزيۋدودان ازيا كۋبوگى وتەدى

790 رەت كورسەتىلدى

20-21 ءساۋىر كۇندەرى الماتى قالاسىندا بەكەت ساپابەك ۇلى ماحمۇتوۆتىڭ قۇرمەتىنە ارنالعان جاسوسپىرىمدەر مەن جاستار اراسىندا دزيۋدودان ازيا كۋبوگى وتەدى. بۇل تۋرالى قازاقسان دزيۋدو فەدەراتسياسىنىڭ ءباسپاسوز قىزمەتى حابارلادى.

حالىقارالىق دزيۋدو فەدەراتسياسىنىڭ (IJF) كۇنتىزبەسىنە سايكەس وتكىزىلگەلى وتىرعان الەمدىك دوداعا 2002-2003 جىلدارى دۇنيەگە كەلگەن جاسوسپىرىمدەر مەن 1999-2001 جىلدارى تۋعان جاس تاتامي شەبەرلەرى قاتىسادى. IJF ەرەجەسىنە سايكەس ازيا كۋبوگىنىڭ جەڭىمپازدارى مەن جۇلدەگەرلەرىنە رەيتينگتىك ۇپاي قوسىلادى. جارىس جەڭىمپازدارىنا 100 ۇپايدان بەرىلسە، كۇمىس جۇلدەگەرگە – 60، قولا جۇلدەگەرگە – 40 ۇپايدان بەرىلەدى.

بيىل ءۇشىنشى رەت ۇيىمداستىرىلىپ وتىرعان ازيا كۋبوگىنا قازاقستان، وزبەكستان، تاجىكستان، قىرعىزستان، موڭعوليا جانە رەسەيدەن بارلىعى 400-دەن استام  دزيۋدوشى قاتىسادى دەپ جوسپارلانعان.

سوڭعى جاڭالىقتار

دوللار ارزاندادى

قارجى • بۇگىن، 16:50

بيىل 93 ەلدى مەكەن گازبەن قامتىلادى

قازاقستان • بۇگىن، 14:01

ۇقساس جاڭالىقتار