ۇكىمەت • 16 ءساۋىر، 2019

پرەمەر-مينيستر «استانا» حالىقارالىق قارجى ورتالىعىن دامىتۋ ماسەلەلەرى تۋرالى كەڭەس وتكىزدى

724 رەتكورسەتىلدى

پرەمەر-مينيستر اسقار مامين «استانا» حالىقارالىق قارجى ورتالىعىنىڭ الاڭىندا ورتالىقتى ودان ءارى دامىتۋ ماسەلەلەرى بويىنشا جۇمىس كەڭەسىن وتكىزدى دەپ حابارلايدى primeminister.kz.

كەڭەس بارىسىندا قارجى نارىعىن دامىتۋ جانە ەلىمىزدىڭ بيرجا نارىعى ينفراقۇرىلىمى، قارجى ورتالىعىنىڭ جۇمىسى رەتتەيتىن زاڭنامانى جەتىلدىرۋ ماسەلەلەرى قارالدى.

احقو باسقارۋشىسى ق. كەلىمبەتوۆ قارجى ورتالىعى جالپى قولدانىستاعى 42 اكتىنى (ەسك. – اعىلشىندىق قۇقىق نەگىزىندە)، سونداي-اق قۇقىقتىق بازانىڭ اشىقتىعى مەن «جيناقىلىعىن» قامتاماسىز ەتەتىن قارجى قىزمەتتەرىن رەتتەۋ بويىنشا 27 اكتىنى قابىلدانعانىن حابارلادى. سونىمەن قاتار، سوتتاعى، سوتقا دەيىنگى داۋلاردىڭ شەشىلۋ تيىمدىلىگى مەن جىلدامدىعىن ارتتىرۋ ماقساتىندا ا.ج. اقپان ايىندا احقو سوتى مەن حالىقارالىق اربيتراج ورتالىعى eJustice سوت تورەلىگى جۇيەسىن رەسمي تۇردە ىسكە قوستى، بۇل جۇيە نۇر-سۇلتان قالاسىندا ناقتى بولماي-اق الەمنىڭ كەز كەلگەن تۇكپىرىنەن ەلەكتروندى فورماتتا تالاپارىز بەرۋگە مۇمكىندىك تۋدىرادى. بۇگىنگى تاڭدا احقو-ىندا 150 قاتىسۋشى تىركەلگەن، جىل سوڭىنا دەيىن بۇل ساندى 250-گە جەتكىزۋ جوسپارلانعان. 

تالقىلاۋعا سونىمەن قاتار پرەمەر-ءمينيستردىڭ ءبىرىنشى ورىنباسارى – قارجى ءمينيسترى ءا. سمايىلوۆ، ادىلەت ءمينيسترى م. بەكەتاەۆ، سىرتقى ىستەر ءمينيسترىنىڭ ءبىرىنشى ورىنباسارى م. تىلەۋبەردى، ۇلتتىق ەكونوميكا ءمينيسترىنىڭ ءبىرىنشى ورىنباسارى ا. جۇمابەكوۆ، قر يندۋستريا جانە ينفراقۇرىلىمدىق دامۋ ۆيتسە-ءمينيسترى ب. قاماليەۆ، سونىمەن قاتار ۇلتتىق بانك توراعاسىنىڭ ورىنباسارى ە. ءبىرتانوۆ قاتىستى.

كەڭەس قورىتىندىسى بويىنشا قر پرەمەر-ءمينيسترى اسقار مامين ايماقتىق قارجى ورتالىعىنا اينالۋى ءتيىس احقو-نى ودان ءارى دامىتۋ بويىنشا ناقتى تاپسىرمالار بەردى.

«ءبىزدىڭ باسىمدىعىمىز – احقو-نى دامىتۋ. مەملەكەت ونىڭ دامۋى جانە تابىستى جۇمىس ىستەۋى ءۇشىن بارلىق جاعدايلاردى جاساپ جاتىر»، – دەدى ا. مامين.

كەڭەستە شەتەلدىك ينۆەستيتسيالاردىڭ اعىمىن ارتتىرۋ، جاڭا حالىقارالىق اۋە باعىتتارىن اشۋ، قارجى سالاسىنداعى زاڭناماعا وزگەرىستەر ەنگىزۋ ماسەلەلەرى قارالدى.

سوڭعى جاڭالىقتار

الەمدەگى احۋال قانداي؟

كوروناۆيرۋس • بۇگىن، 10:57

قىزىلوردا: تاعى 3 ادام تىركەلدى

ايماقتار • بۇگىن، 09:57

مما: UFC-ءدى سىنعا الدى

سپورت • بۇگىن، 09:20

جۇدىرىقتاي جۇمىلايىق

رۋحانيات • بۇگىن، 07:45

كاسىپكەرلەر تىلەگى ەسكەرىلدى

بيزنەس • بۇگىن، 07:40

«موسكۆانىڭ» ماسەلەسى كوپ

ايماقتار • بۇگىن، 07:36

زاۋالدى بىرلىك جەڭەدى

قوعام • بۇگىن، 07:35

ۇقساس جاڭالىقتار