ەكونوميكا • 16 ءساۋىر، 2019

قاڭتار-ناۋرىزدا ونەركاسىپ ءوندىرىسى 3،2%-عا ءوستى - ر.دالەنوۆ

759 رەتكورسەتىلدى

2019 جىلدىڭ ءبىرىنشى توقسانىندا ەكونوميكانىڭ ءوسۋى جالعاسىپ، جەكەلەگەن وڭدەۋ سەكتورلارى ەكى تاڭبالى وسۋگە شىعىپ، ينۆەستيتسيالار مەن قۇرىلىس ايتارلىقتاي وسكەن. بۇل تۋرالى ۇلتتىق ەكونوميكا ءمينيسترى رۋسلان دالەنوۆ ۇكىمەت وتىرىسىندا مالىمدەدى.

قاڭتار-ناۋرىز ايلارىندا ءىجو ءوسۋى 3،8%-عا دەيىن نىعايعان. ەستەرىڭىزگە سالار بولساق، قاڭتار-اقپاندا ول 3،5%-ءدى قۇراعان ەدى. ءوسۋدىڭ ۇدەۋى وڭدەۋ ونەركاسىبىنىڭ وسۋىنەن، سونداي-اق قۇرىلىس جانە ينۆەستيتسيالارداعى ءوسۋدىڭ ۇدەۋى ناتيجەسىندە بولدى. ينفلياتسيا دەڭگەيى جوسپار بويىنشا ءجۇرىپ جاتىر. جىل باسىنان بەرى 1،3%، ال جىلدىق ماندە 4،8%-ءدى  قۇراعان.

«ينۆەستيتسيالاردىڭ سەرپىنى شامامەن ەكى ەسەلەندى. ەكى ايدىڭ قارقىنى 4،2%  بولدى، ال ەندى توقسان قورىتىندىسى بويىنشا 7،0% دەيىن ءوسىپ وتىر. ءوسۋ نەگىزىنەن ينۆەستيتسيالىق تاۋارلاردى ساتىپ الۋمەن بايلانىستى» دەدى ر.دالەنوۆ.

مينيسترلىك اقپاراتىنا سۇيەنسەك، بيىلعى 1 ساۋىردەگى جاعداي بويىنشا حالىقارالىق رەزەرۆتەر 86 ملرد اقش دوللارىن قۇراعان. بيىلعى قاڭتار-ناۋرىزدا ونەركاسىپ ءوندىرىسى 3،2%-عا ءوستى. قاڭتار-اقپاندا ءوسۋ 2،7% بولدى. سونىمەن قاتار كەن ءوندىرۋ ونەركاسىبىندە سەرپىن باسەڭدەدى. ەكى ايداعى 6،3% قاراعاندا سوڭعى ايداعى ءوسۋ 4،8%-دى قۇرادى.

وڭدەۋ ونەركاسىبىنىڭ كوپتەگەن سالاسىندا ەكى تاڭبالى ءوسۋ بايقالدى. بۇل – جەڭىل ونەركاسىپ، سۋسىن جانە پلاستماسسا ءوندىرۋ، قۇرىلىس ماتەريالدارىن شىعارۋ، سونداي-اق ماشينا، ونىڭ ىشىندە اۆتوكولىك جاساۋ.

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

ۇقساس جاڭالىقتار