14 ءساۋىر، 2019

ەرتىس وزەنىنە ەكى بىرقازان جىبەرىلدى

848 رەت كورسەتىلدى

اتالعان مۋزەيدىڭ فاۋنا ءبولىمىنىڭ باسشىسى زاينيتدين شامشيەۆ قۇستار العاش كەلگەندە وتە ءالسىز بولعانىن، ءتىپتى اۋىزدارىن اشىپ، قولدارىمەن تاماقتاندىرعانىن ايتادى.

وتكەن جىلدىڭ جەلتوقسان ايىندا وبلىستىق تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ قىزمەتكەرلەرى وبلىستىق ساۋلەت-ەتنوگرافيالىق جانە تابيعي-لاندشافت مۋزەي-قورىعىنا ەكى جاس بىرقازاندى تاپسىرىپتى. اتالعان مۋزەيدىڭ فاۋنا ءبولىمىنىڭ باسشىسى زاينيتدين شامشيەۆ قۇستار العاش كەلگەندە وتە ءالسىز بولعانىن، ءتىپتى اۋىزدارىن اشىپ، قولدارىمەن تاماقتاندىرعانىن ايتادى. «قۇستاردى قىس بويى حايۋاناتتار باعىنداعى ارنايى اۋماقتا باعىپ-قاقتىق. وسى ۋاقىت ارالىعىندا ولار كىشكەنە ءوسىپ، جەتىلدى. 9 ساۋىردە ەكەۋىن سول جاعالاۋ كەشەنى اۋماعىنداعى وزەنگە جىبەردىك. ەكى بىرقازان قازىر ءوز ەرىكتەرىمەن بالىق اۋلاي العانىمەن، ولار قورىق اۋماعىنان كەتكەنشە ءوز باقىلاۋىمىزدا ۇستايمىز»، - دەيدى ول.

وسكەمەن

سوڭعى جاڭالىقتار

ۇقساس جاڭالىقتار