ايماقتار • 12 ءساۋىر، 2019

ارحەولوگتار ستۋدەنتتەرگە لەكتسيا وقىدى

852 رەت كورسەتىلدى

بۇگىن وسكەمەندەگى س.امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىندە قازاقستان عىلىم قىزمەتكەرلەرىنىڭ كۇنى مەن «رۋحاني جاڭعىرۋ» باعدارلاماسىنىڭ ەكى جىلدىعىنا وراي بىرنەشە تاعىلىمدى شارالار ءوتتى.

ەڭ الدىمەن وقۋ ورنىنىڭ ستۋدەنتتەرىنە بەلگىلى ارحەولوگتار زەينوللا ساماشەۆ پەن ابدەش تولەۋباەۆ سوڭعى جىلدارى وبلىس اۋماعىنان تاپقان قۇندى جادىگەرلەرى جايىندا لەكتسيا وقىدى. لەكتسياعا كەلۋشىلەر وقۋ ورنىنىڭ دالىزىنە قويىلعان شىلىكتىدەن تابىلعان التىن ادام مەن بەرەلدەن شىققان جىلقى ەكسپوزيتسيالارىن تاماشالاۋعا مۇمكىندىك الدى. 

«لەكتسيانى ونلاين رەجيمدە وبلىستىڭ 19 اۋدانىنىڭ 5 مىڭعا جۋىق وقۋشىلارى مەن ستۋدەنتتەرى تىڭدادى. ەرەكشە اتاپ وتەرلىگى، شقمۋ رەكتورى مۇحتار تولەگەننىڭ ارنايى شاقىرۋىمەن بارناۋل قالاسىنداعى التاي مەملەكەتتىك ۋنيۆەرسيتەتىنىڭ 40 ستۋدەنتى وسكەمەنگە كەلىپ، كورمەنى تاماشالاپ، لەكتسيانى تىڭدادى» دەپ جازىپتى وبلىس اكىمىنىڭ ورىنباسارى اسەم ءنۇسىپوۆا ءوزىنىڭ فەيسبۋك الەۋمەتتىك جەلىسىندەگى پاراقشاسىندا.

سونىمەن قاتار بۇگىن وسى ۋنيۆەرسيتەت قابىرعاسىندا «رۋحاني جاڭعىرۋ» باعدارلاماسىنىڭ 2 جىلدىعىنا وراي وڭىرلىك ساپارشىلار كەڭەسىنىڭ وتىرىسى ءوتىپ، اتقارىلعان جۇمىستار مەن الداعى جوسپارلار جايىندا وبلىستىق ءبىلىم، مادەنيەت، تۋريزم باسقارمالارىنىڭ وكىلدەرى بايانداما جاسادى.


وسكەمەن

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار